Səkkiz ay ərzində turistlər Azərbaycanda nə qədər xərclədi? — NAZİR AÇIQLADI

Səkkiz ay ərzində turistlər Azərbaycanda nə qədər xərclədi?
20:27
11.10.2017
254
İqtisadiyyat
A
Ötən ilin 9 ayı ilə müqayisədə bu ilin müvafiq dövründə ölkəmizə gələn xarici turistlərin sayı 20,9 faiz artıb.

Mədəniyyət və Turizm Nazirliyindən Ölkə.Az-a verilən məlumata görə, bunu nazir Əbülfəs Qarayev Turizm Şurasının növbəti iclasında deyib.

Onun sözlərinə görə, bu müddətdə Azərbaycana səfər edən xarici turistlərin sayı 2 milyon 71 min 918 nəfər təşkil edib:

"Bu ilin ilk yeddi ayında xarici turistlərin ölkəmizdə bank əməliyyatları ötən illə müqayisədə 97 faiz artaraq 703 milyon manatdan çox olub. Ümumilikdə isə cari ilin 8 ayında xarici turistlər ölkəmizdə 1 milyard 300 milyon manat vəsait xərcləyib. Yerli turistlərin 8 ayda xarici ölkələrdə xərclədiyi məbləğ isə 1 milyard 200 milyon manat olub. Son bir neçə il ərzində qurulan turizm infrastrukturunun nəticəsidir ki, hazırda bu sahədə 46 min nəfər çalışır. Bura 60 min nəfərdən çox mədəniyyət sahəsində çalışanları da əlavə etsək, ümumilikdə 100 min nəfərdən çox insan turizm sahəsinə xidmət edir".

Nazir bildirib ki, yay mövsümündə regionlardakı hotellərdə və mehmanxana tipli obyektlərdə 860 mindən çox yerləşdirmə olub:

"Bu ilin 8 ayında isə bu göstərici 1 milyon 294 min nəfərdən artıqdır. Bu istiqamətdə tədbirlər daha da gücləndiriləcək. Biz ölkəmizə gələn xarici turistlərin sayının artırılması, onlara göstərilən xidmətlərlə yanaşı, yerli vətəndaşların da ölkə daxilində mənalı istirahətinin təşkili üçün addımlar atmalıyıq".

ŞƏRH YAZ
0

"Banklar borclu vətəndaşların kredit ödəmələri üçün güzəştlər etməlidirlər" — Vahid Əhmədovdan ÇAĞIRIŞ

14:33
Bu gün
793
İqtisadiyyat
A
"Bildiyimiz kimi, bir neçə gün bundan əvvəl dollarla götürülən kreditlərlə bağlı Konstitusiya Məhkəməsinin iclası keçirilib. Qərara əsasən, manatın xarici valyutalara nisbətdə məzənnəsinin dəyişməsinin tərəflər üçün gözlənilməz hesab edilmədiyi və borc alanın krediti xarici valyutada götürməklə maliyyə riskini öz üzərinə götürdüyü nəzərə alınaraq, məzənnəsinin dəyişməsinin şəraitin əhəmiyyətli dərəcədə dəyişməsi kimi qiymətləndirilə bilməz qərarı verilib. Bu isə o deməkdir ki, vətəndaşlar xarici valyuta ilə götürdükləri kreditləri dəyişən məzənnəyə uyğun qaydada ödəməlidirlər”.

"Ölkə.Az" xəbər verir ki, bu fikirləri Milli Məclisin İqtisadi siyasət, sənaye və sahibkarlıq komitəsinin bugünkü iclasında çıxış edən deputat Vahid Əhmədov Konstitusiya Məhkəməsinin xarici valyuta ilə götürülmüş kreditlərin qaytarılması qaydası haqqında qərarını şərh edərkən deyib.

Deputat bildirib ki, dəfələrlə problemli kreditlərlə bağlı Milli Məclisdə məsələ qalıdırıb:

"Hətta həmkarım Əli Məsimli ilə biz təkliflər hazırlayıb, hökumətə təqdim etmişik. Bu, çox ciddi məsələdir. İnsanları narahat edir. Manatın iki dəfə devalvasiyaya uğraması xarici valyutada kredit borcu olan insanların vəziyyətini çətinləşdirib. Bununla əlaqədar mənə vətəndaşlardan minlərlə müraciət daxil olub və onlara kömək etməyə çalışıram. Hesab edirəm ki, burada banklar da müəyyən addımlar atmalı və borclu vətəndaşların kreditləri ödəmələri üçün mümkün güzəştləri etməlidirlər. Bu məsələ əhalini narahat edir. Hesab edirəm ki, bu məsələni gündəmə gətirməyin vaxtı gəlib çatıb. Əlbəttə problemli kreditlərlə bağlı məsələni mən Milli Məclisin plenar iclasında da qaldıracam. Sizdən də xahiş edirəm ki, bu məsələlərlə əlaqədar müəyyən işlər görülsün”.

Zaur Əziz
Ölkə.Az

ŞƏRH YAZ
0

"2019-cü ilin dövlət büdcə layihəsi Azərbaycan hökumətinə təqdim olunub" — Komitə sədri

12:17
Bu gün
391
İqtisadiyyat
A
"2019-cü ilin dövlət və icmal büdcələrinin layihələri artıq Azərbaycan hökumətinə təqdim olunub".

 "Ölkə.Az" xəbər verir ki, bu barədə Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında komitə sədri Ziyad Səmədzadə məlumat verib.

Qeyd edək ki, bu günkü iclasın gündəliyinə 18 məsələ daxildir. Bu layihələr arasında Vergi və Mülki Məcəllələrə, "İpoteka haqqında" və "Banklar haqqında" qanunlara dəyişikliklər də var. 

Vasif Həsənli
Ölkə.Az

ŞƏRH YAZ
0
BAĞLA