Səkkiz ayda bu qədər yağ almışıq — Statistika

Səkkiz ayda bu qədər yağ almışıq
19:45
12.10.2017
394
İqtisadiyyat
A
Bu ilin yanvar-avqust aylarında Azərbaycan Respublikasının hüquqi və fiziki şəxsləri dünyanın 180 ölkəsindəki tərəfdaşları ilə ticarət əməliyyatları həyata keçirib, 110 ölkəyə məhsul ixrac olunub. 173 ölkədən idxal həyata keçirilib.

"Ölkə.Az" Dövlət Statistika Komitəsinə istinadən xəbər verir ki, gömrük orqanlarında qeydiyyatı aparılan, lakin gömrük rəsmiləşdirilməsi tam başa çatdırılmayan ixrac olunan xam neft və təbii qazın statistik qiymətləndirilmiş dəyəri nəzərə alınmaqla, 2017-ci ilin yanvar-avqust aylarında xarici ticarət dövriyyəsi 15021,2 milyon ABŞ dolları təşkil edib.

İdxal və ixrac azalıb 

Hesabat dövründə ixracın dəyəri 9720,4 milyon dollar, idxalın dəyəri 5300,8 milyon dollar olub.  Nəticədə 4419,6 milyon dollarlıq müsbət ticarət saldosu yaranıb. 2016-cı ilin yanvar-avqust ayları ilə müqayisədə xarici ticarət dövriyyəsi faktiki qiymətlərlə 7,0 faiz artıb, real ifadədə isə 13,3 faiz, o cümlədən ixrac 8,9 faiz, idxal 20,0 faiz azalıb.

Ticarət dövriyyəsində ölkələrin payı 

Ticarət dövriyyəsinin 35,7 faizi Avropa İttifaqı ölkələri, 13,2 faizi MDB üzvü dövlətləri, 51,1 faizi isə dünyanın digər ölkələrinin payına düşüb. İxracın dəyərinin 21,4 faizi İtaliyaya, 14,2 faizi Türkiyəyə, 6,0 faizi Çinə, 5,1 faizi Rusiyaya, 4,7 faizi Gürcüstana, 4,4 faizi Çexiyaya, 4,2 faizi İsrailə, 3,8 faizi Hindistana, hər biri 3,7 faiz olmaqla Tayvan (Çinin əyaləti), Almaniya və Portuqaliyaya, 3,4 faizi  Kanadaya, qalan 21,7 faizi isə digər ölkələrə göndərilmiş məhsullar əsasında formalaşıb.               

İdxal olunmuş məhsulların dəyərinin 17,2 faizi Rusiyanın, 15,3 faizi Türkiyənin, 10,0 faizi Çinin, 7,8 faizi ABŞ-ın, 4,7 faizi Almaniyanın, 4,4 faizi Ukraynanın, 3,9 faizi İtaliyanın, hər biri 3,0 faiz olmaqla İran və Birləşmiş Krallığın, 2,8 faizi Braziliyanın, 2,2 faizi Norveçin, 1,7 faizi  Fransanın,  24,0 faizi isə digər ölkələrin payına düşüb.

Alıb-satdıqlarımız 

2017-ci ilin yanvar-avqust aylarında 963,5 milyon dollar dəyərində qeyri-neft məhsulları ixrac edilib. Bu da 2016-cı ilin yanvar-avqust aylarına nisbətən faktiki qiymətlərlə 30,1 faiz, real ifadədə isə 27,4 faiz çoxdur.

 2017-ci ilin yanvar-avqust aylarında 2016-cı ilin eyni dövrü ilə müqayisədə mühüm məhsul növlərindən təzə tərəvəz ixracı 86,3 faiz, təzə meyvə – 34,6 faiz, kartof – 50,7 faiz, tütün – 92,1 faiz, bitki yağları – 14,2 faiz, çay – 53,8 faiz, meyvə və tərəvəz şirələri – 75,8 faiz, təbii üzüm şərabları və üzüm suslosu – 73,5 faiz, meyvə və tərəvəz konservləri – 0,8 faiz, pambıq lifi – 6,3 dəfə, bentonit gili – 3,7 dəfə artıb.

Şəkər ixracı isə 34,4 faiz, marqarin, qida üçün yararlı digər qarışıqlar – 2,8 faiz, polietilen – 0,4 faiz, emal olunmamış alüminium – 26,8 faiz, qara metallardan borular – 6,9 faiz, qara metallardan yarımfabrikatlar – 28,3 faiz, pambıq ipliyi – 34,1 faiz azalıb.

2016-cı ilin yanvar-avqust ayları ilə müqayisədə 2017-ci ilin yanvar-avqust aylarında bitki yağları idxalı 2,7 faiz, kərə yağı, digər süd yağları və pastaları – 5,8 faiz, təzə meyvə – 8,6 faiz, çay – 1,6 faiz, quş əti və onun əlavə məhsulları – 55,2 faiz, mal əti – 2,2 dəfə, minik avtomobilləri – 63,5 faiz, polad prokatı – 7,9 faiz, hesablama maşınları, blok və qurğuları – 70,9 faiz, mebel – 2,4 dəfə,  qara metallardan çubuqlar – 18,7 faiz, rezin şinlər – 38,2 faiz, mineral gübrələr – 2,9 dəfə, məişət kondisionerləri – 25,0 faiz, qara metallardan künclüklər – 35,2 faiz, paltaryuyan maşınlar – 77,8 faiz, yük avtomobilləri – 76,3 faiz, avtobuslar – 2,5 dəfə artıb.

Buğda idxalı isə 36,2 faiz, xam şəkər və şəkər – 8,7 faiz, kartof – 5,2 faiz, təzə tərəvəz – 44,7 faiz, qara metallardan borular – 63,1 faiz, polietilen – 20,6 faiz, sement və sement klinkerləri – 93,8 faiz, məişət soyuducuları – 28,0 faiz azalıb.

ŞƏRH YAZ
0

Azərbaycanda qızıl və gümüş bahalaşdı

Azərbaycanda qızıl və gümüş bahalaşdı
22:27
Bu gün
96
İqtisadiyyat
A
Azərbaycanda qızıl və gümüş bahalaşıb.

"Ölkə.Az"ın Trend-a istinadən məlumatına görə, sentyabrın 19-da qızılın qiyməti sentyabrın 18-i ilə müqayisədə 6,392 manat artaraq 1 unsiya üçün 2043,519 manat təşkil edib.

Gümüş 0,1118 manat bahalaşaraq 1 unsiyası üçün 24,1462 manata bərabər olub.

Platinin qiyməti 31,3055 manat artaraq 1391,0505 manat, palladiumun qiyməti isə 52,411 manat artaraq 1729,002 manat təşkil edib.

Qeyd edək ki, troy unsiyası 31,1034768 qrama bərabər ölçü vahididir.

Ölkə.Az

ŞƏRH YAZ
0

Azərbaycan bal istehsalını artıracaq

Azərbaycan bal istehsalını artıracaq
20:15
Bu gün
252
İqtisadiyyat
A
Bu il Azərbaycanda bal istehsalında cüzi artım gözlənilir.

"Ölkə.Az" xəbər verir ki, bu barədə Trend-ə Azərbaycan Arıçılar Assosiasiyasının sədri Bədrəddin Həsrətov deyib.

Onun sözlərinə görə, bu hələlik ilkin proqnozlardır, çünki bir sıra rayonlarda balın süzülməsi prosesi hələ başa çatmayıb:

“Biz bu il bal istehsalının 3 min tona yaxın və ya bir qədər yüksək olacağını gözləyirik. Amma bu, hələlik ilkin proqnozlardır”.

Proqnozların azalmasına gəlincə B.Həsrətov bildirib ki, bu problem bəzi regionlarda qeydə alınmış hava şəraiti ilə əlaqədar olub. Daha əvvəl, Assosiasiya 2018-ci ildə 5.000 ton balın istehsal olunacağını proqnozlaşdırmışdı:

“Bir sıra dağlıq və dağətəyi rayonlarda, xüsusilə şimal-qərb və şimal rayonlarında məhsuldarlıq aşağı olub. Bunun səbəbi soyuq yaz, daha sonra qəfil istiləşmə olub. Nəticədə çiçəklər kifayət tozcuq verə bilməyib. Amma bəzi aran rayonlarında və ölkənin cənubunda yüksək məhsuldarlıq qeydə alınıb, bəzi yerlərdə bir arı ailəsindən 50 kiloqramadək məhsul götürülüb. Ona görə də məhsuldarlıq ötənilki səviyyədə qalıb. Ötən il bu regionlarda hər arı ailəsindən 20 kiloqramadək məhsul təşkil edib. Bu sahədə əhəmiyyətli artım qeydə alınıb”.

Ölkə.Az

ŞƏRH YAZ
0
BAĞLA