Səlahət Ağayevin səhvi başına bəla oldu

Səlahət Ağayevin səhvi başına bəla oldu
15:30
08.09.2019
5018
İdman
A
Futbol üzrə Azərbaycan milli komandasının baş məşqçisi Nikola Yurçeviç AÇ-2020-nin seçmə mərhələsi çərçivəsində Xorvatiyaya qarşı keçiriləcək oyunda heyətlə bağlı bəzi dəyişiklər etməyə hazırlaşır.

“Ölkə.Az” Sportlife.az-a istinadən xəbər verir ki, əsas dəyişiklərdən biri qapıçı mövqeyi ilə bağlıdır.

Belə ki, xorvatiyalı mütəxəssis bir neçə gün öncə baş tutan Uelslə matçda buraxılan qollar zamanı kobud səhvləri ilə yadda qalan Səlahət Ağayevdən imtina etməyə hazırlaşır. O, millinin əsas qapıçısı kimi Emil Balayevi sınamaq istəyir.

Bu fikirdə Dmitri Kramarenkonun da Yurçeviçlə həmrəy olduğu bildirilir. Hətta Kramarenko müəyyən dairələrdə Balayevi indidən millinin 1 nömrəsi kimi hazırlamaq gərəkdiyini bildirib.

Futbol ictimaiyyəti də Kamran Ağayevin millidən kənarda qalmasından sonra çərçivənin yalnız Səlahət Ağayevə həvalə olunmasından narazıdı. “Neftçi”nin qolkiperi ilə müqayisədə hazırda Qazaxıstanın “Tobol” klubunda legioner həyatı yaşayan, mütəmadi oyun praktikasına malik Emilin millidə oynamağı haqq etdiyi qeyd olunur.

Ölkə.Az

ŞƏRH YAZ
0

Almeyda ərəb klubuna getdi

Almeyda ərəb klubuna getdi
04:54
Bu gün
229
İdman
A
"Qarabağ"dan ayrılan Riçard Almeydanın yeni klubu açıqlanıb.

"Ölkə.Az" xəbər verir ki, Azərbaycan millisinin üzvü karyerasını Birləşmiş Ərəb Əmirliklərinin “Baniyas” klubunda davam etdirəcək.

Klub sosial şəbəkə hesabında yarımmüdafiəçinin transferini açıqlayıb. 31 yaşlı futbolçu ilə mövsümün sonuna qədər müqavilə imzalanıb.

Qeyd edək ki, 2012-ci ilin iyunundan “Qarabağ”da çıxış edən Riçard Almeyda 2018-ci ilin yayında “Astana”ya keçib. 2019-cu ilin yanvarında isə Ağdam təmsilçisi onu 1 illik icarəyə götürüb. "Baniyas" BƏƏ çempionatında 12 turdan sonra 11 xalla 11-ci pillədə qərarlaşıb.


ŞƏRH YAZ
0

Azərbaycan idmançısı vizaya görə yarışdan kənarda qalıb

Azərbaycan idmançısı vizaya görə yarışdan kənarda qalıb
23:30
21.01.2020
396
İdman
A
Karate millimizin aparıcı üzvlərindən olan Asiman Qurbanlının Fransanın paytaxtı Parisdə keçiriləcək Premyer Liqa yarışına yollana bilməməsinin səbəbinə aydınlıq gəlib.

"Ölkə.Az" oxu.az-a istinadən xəbər verir ki, ötən il Belarusun paytaxtı Minskdə baş tutmuş II Avropa Oyunlarının qalibi olan karateçimiz Şengen vizası açdıra bilməyib. Belə ki, Fransanın Bakıdakı səfirliyi +84 kq-da çıxış edən idmançımıza məlum olmayan səbəbdən viza açmaqdan imtina edib.

Digər karateçimiz Şahin Atamov üçün isə əvvəlcədən viza üçün səfirliyə müraciət edilməyib deyə, bu çəkidə idmançımız mübarizə aparmayacaq.

Həmçinin qadın karateçilərimizdən İlahə Qasımova və Fəridə Abiyevanın millimizlə yarışa aparılan heyətdə yer almaması da təsadüfi deyil. Hər iki karateçi son yarışlarda uğursuz nəticələri ilə yadda qaldıqlarından, federasiya artıq xərc çəkib onları yarışa aparmaq istəməyib. Çünki bu idmançıların Tokio Olimpiya Oyunlarına lisenziya qazanmaq şansları olduqca azdır.

Bununla belə, əldə etdiyimiz son məlumata görə, 2015-ci ildə Bakıda keçirilmiş I Avropa Oyunlarının bürünc mükafatçısı İlahə Qasımova şəxsi kolleksiyasında medal sayını artırmaq üçün yarışda iştirak edəcək. O, Parisə federasiya yox, öz hesabına gələcək.

Ölkə.Az

ŞƏRH YAZ
0
BAĞLA