Selena Qomez canlı yayımda izləyicilərini ŞOKA SALDI
Dünyaca məşhur müğənni Selena Qomez ifaçı Mayli Sayrusla birlikdə canlı yayımda olarkən öz xəstəliyini etiraf edib.
''Ölkə.Az'' xəbər verir ki, illərdir böyrək çatışmazlığı xəstəliyindən əziyyət çəkən və daha sonra yeni böyrək köçürülərək həyatına davam edən müğənni daha bir xəstəlikdən əziyyət çəkirmiş. ''İnstagram''da Sayrusla eyni anda canlı yayımda söhbət edən Qomez ağır depressiv xəstəlikdən əziyyət çəkdiyini etiraf edib. 27 yaşlı müğənni təəssüratlarını danışaraq ''Həkimlər xəstəliyimi açıqlayanda həm dəhşətə gəldim, həm də ürəyim rahatladı. İllərdir niyə depressiyadan əziyyət çəkdiyimi indi başa düşdüm'' sözlərini ifadə edib.
Qeyd edək ki, bu xəstəlikdən əziyyət çəkən insanlar bütün duyğuları çox dərin yaşayırlar. Bir anda çox xoşbəxt olub, bir anda özlərini bədbəxt hiss edərək intihara meyilli olurlar.
Ölkə.Az