Səməd Seyidov Avropada Azərbaycanı tənqid edən blogerlərə cavab verdi

Səməd Seyidov Avropada Azərbaycanı tənqid edən blogerlərə cavab verdi
14:12
14.02.2018
6348
Siyasət
A
Milli Məclisin Beynəlxalq münasibətlər və parlamentlərarası əlaqələr komitəsinin sədri, Avropa Şurasının Parlament Assambleyasında (AŞPA) Azərbaycan nümayəndə heyətinin rəhbəri Səməd Seyidov Avropa ölkələrində yaşayan azərbaycanlı video-blogerlərin Azərbaycan hakimiyyətinə qarşı apardığı kampaniyalara cavab verib.

S.Seyidov “Ölkə.Az”a açıqlamasında bu cür hərəkətlərin yolverilməz olduğunu bildirib:

“Avropada Azərbaycana qarşı qarayaxma kampaniyası həyata keçirən bir qrup insanlar var. Onlar Azərbaycan vətəndaşı olsa belə, öz ölkələrini sevmirlər. Əksinə, ermənilərə xidmət edirlər, Azərbaycanın adına ləkə vururlar. Bu cür adamlar Avropa Şurasına, Avropa Parlamentinə də gəlirlər”.

Azərbaycanda qarşıdan gələn prezident seçkiləri ərəfəsində bu cür halların çoxalmasına da toxunan S.Seyidov deyib ki, Avropada yaşayan həmin şəxslər ölkəmizə qarşı böhtan və qarayaxma kampaniyasının aparılmasında hər zaman fəallıq göstərirlər:

“Seçki öncəsi hər kəsin fəallaşması normaldır. Ancaq çox təəssüf ki, bu adamlar yalnız Azərbaycan əleyhinə hər zaman fəal olurlar. Bunun da səbəbini özləri daha yaxşı bilirlər. Onlar Azərbaycan dövlətinin müstəqilliyini və uğurlarını görmək istəmirlər”.  

Zaur Əziz
Ölkə.Az

ŞƏRH YAZ
4

Pakistan Senatının sədri Azərbaycana səfərə gəlib

Pakistan Senatının sədri Azərbaycana səfərə gəlib
21:27
Bu gün
266
Siyasət
A
Pakistan İslam Respublikası Senatının sədri Məhəmməd Sadiq Səncari Azərbaycan parlamentinin 100 illiyi münasibətilə keçiriləcək təntənəli iclasda iştirak etmək üçün sentyabrın 19-da ölkəmizə səfərə gəlib.

"Ölkə.Az" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Məhəmməd Sadiq Səncarini Milli Məclis sədrinin müavini Bahar Muradova və digər rəsmi şəxslər qarşılayıblar.

Ölkə.Az

ŞƏRH YAZ
0

Prezidentdən Qeyri-neft sektoru ilə bağlı SƏRƏNCAM

Prezidentdən Qeyri-neft sektoru ilə bağlı SƏRƏNCAM
18:14
Bu gün
1197
Siyasət
A
Prezident İlham Əliyev “Qeyri-neft sektorunda rəqabətqabiliyyətli daxili istehsalın dəstəklənməsi ilə bağlı əlavə tədbirlər haqqında” sərəncam imzalayıb.

“Ölkə.Az” xəbər verir ki, sərəncamla Nazirlər Kabineti aşağıdakılar barədə təkliflərini və normativ hüquqi akt layihələrini üç ay müddətində hazırlayıb Azərbaycan Respublikasının Prezidentinə təqdim etmək tapşırılıb:

ölkədə istehsal edilməyən yeni rəqabətqabiliyyətli məhsullar istehsalının təşkili üçün “Azərbaycanda ilk” (“First in Azerbaijan”) investisiya təşviqi mexanizmi;

mikro, kiçik və orta sahibkarlıq subyektlərinin rəqabətqabiliyyətli istehsalının dəstəklənməsi məqsədilə daxili bazar araşdırmalarına dövlət dəstəyi mexanizmi;

mikro, kiçik və orta sahibkarlıq subyektlərinin istehsal fəaliyyətinin dəstəklənməsi üçün onların kadr potensialının artırılmasına dövlət dəstəyi mexanizmi;

ölkədə istehsal olunmayan və daxili istehsalda istifadə edilən xammalın idxalına gömrük güzəştlərinin tətbiqi;

mikro və kiçik sahibkarlıq subyektlərinin istehsal etdikləri məhsulların ticarət şəbəkələrində satışının genişləndirilməsi;

“Mikro, kiçik və orta sahibkarlıq subyektlərinin klasterləri haqqında Nümunəvi Əsasnamə”;

ölkə iqtisadiyyatına birbaşa investisiyalar cəlb edilməsinin dəstəklənməsi məqsədilə “Azərbaycana sərmayə” (“Invest in Azerbaijan”) mexanizmlərinin tənzimlənməsi Qaydası”.

İqtisadiyyat Nazirliyinə tapşırılıb ki, qeyri-neft sektorunun rəqabət və ixrac qabiliyyətinin artırılması məqsədilə ölkədə fəaliyyət göstərən müəssisələrin qlobal dəyər zəncirlərinə qoşulmasına dair təkliflərini üç ay müddətində Azərbaycan Respublikasının Prezidentinə təqdim etsin; müqayisəli üstünlük əsasında yerli istehsalı rəqabətqabiliyyətli olan konkret məhsulların siyahısının hazırlanmasını və istehsalının təşkili kommersiya cəhətdən səmərəli olan məhsulların təşviqini təmin etsin; Sərəncamın 2.2-ci bəndinin icrasını təmin etmək məqsədilə Vergilər Nazirliyinin, Kənd Təsərrüfatı Nazirliyinin, Nəqliyyat, Rabitə və Yüksək Texnologiyalar Nazirliyinin, Energetika Nazirliyinin, Dövlət Gömrük Komitəsinin, Dövlət Statistika Komitəsinin, Antiinhisar və İstehlak Bazarına Nəzarət Dövlət Agentliyinin, Əqli Mülkiyyət Agentliyinin və Dövlət Neft Şirkətinin nümayəndələrini cəlb etməklə işçi qrup yaratsın; “www.azexport.az” və “www.enterpriseazerbaijan.com” internet portallarının imkanlarından istifadə etməklə qeyri-neft sektoruna birbaşa xarici investisiyaların cəlb edilməsi, alternativ maliyyələşməyə açıq investisiya layihələrinin təqdim olunması, yerli malların ənənəvi və yeni bazarlara çıxış imkanlarının genişləndirilməsi, qeyri-neft məhsulları istehsalçılarının beynəlxalq bazara inteqrasiyası prosesinin sürətləndirilməsi və bu sektorun ixrac qabiliyyətinin artırılması istiqamətində tədbirlər görsün.

Sərəncamla İqtisadi İslahatların Təhlili və Kommunikasiya Mərkəzinə tapşırılıb ki, Azərbaycana birbaşa xarici investisiyaların cəlb edilməsi potensialının təkmilləşdirilməsi və investisiya cəlbediciliyinin daha da artırılması məqsədilə ölkədə alternativ maliyyələşməyə açıq layihələr və yeni investisiya imkanları haqqında məlumatları əks etdirən, həmçinin investisiya layihələrini yerli və xarici investorların maliyyələşdirməsi üçün əlverişli platforma olan “www.enterpriseazerbaijan.com” internet portalının istifadəyə verilməsini təmin etsin.

ŞƏRH YAZ
0
BAĞLA