Şəmistan Əlizamanlıdan Afrin əməliyyatına dəstək — VİDEO

Şəmistan Əlizamanlıdan Afrin əməliyyatına dəstək
23:48
19.02.2018
2178
Mədəniyyət
A
Türkiyə Ordusunun Suriyanın Afrin bölgəsində terrorçulara qarşı keçirdiyi hərbi əməliyyatlara daha bir dəstək hərbi-vətənpərvərlik mahnılarının ifaçısı Şəmistan Əlizamanlıdan gəlib.

"Ölkə.Az" "XəzərTV"yə istinadən bildirir ki, keçmiş hərbi diktor, hərbi-vətənpərvərlik mahnılarının ifaçısı Şəmistan Əlizamanlı Afrin əməliyyatlarında iştirak edən hərbçilərə dəstəyini musiqi ilə bildirib.

Şəmistan Əlizamanlı Əhməd Cavadın 100 il əvvəl Qafqaz İslam Ordusuna həsr etdiyi "Ey Əsgər" şeirinə musiqi bəstələyib. Mahnının adını isə "Yürüyün əsgərlər, yürüyün" qoyub.

İfaçının "Yürüyün əsgərlər, yürüyün" mahnısı qardaş ölkədə böyük rəğbətlə qarşılanıb. Hətta Türkiyənin bir neçə məşhur telekanalı bu mahnıya aid süjet hazırlayıb.

Şəmistan Əlizamanlı deyib ki, qardaş Türkiyə Ordusuna dəstəyini bununla bitirmək fikri yoxdur. O, Afrində döyüşən əsgərlər qarşısında konsert proqramı ilə çıxış etmək niyyətindədir.

Ölkə.Az

ŞƏRH YAZ
0

Bakıda “Avropa mədəni irsi ili” çərçivəsində festival keçiriləcək

Bakıda “Avropa mədəni irsi ili” çərçivəsində festival keçiriləcək
21:57
19.09.2018
1679
Mədəniyyət
A
Avropa İttifaqının Azərbaycandakı nümayəndəliyi quruma üzv dövlətlərlə birgə Azərbaycanda mədəni irsin qorunub saxlanılmasının vacibliyinə dair məlumatlılığın artırılması məqsədilə “FANTAZIA” adlı festival təşkil edəcək. “United Cultures in Baku” MMC festivala təşkilati dəstək verəcək.

"Ölkə.Az" xəbər verir ki, bu fikir “2018-ci il Avropa mədəni irsi ili” çərçivəsində Avropa İttifaqının Azərbaycandakı nümayəndəliyinin və “United Cultures in Baku” MMC-nin birgə təşkilatçılığı ilə Bakıda keçiriləcək “FANTAZİA” festivalı ilə əlaqədar sentyabrın 19-da mətbuat konfransında səslənib.

Bildirilib ki, noyabrın 1-dən 10-dək davam edəcək festivalda konsertlər, ekskursiyalar, seminarlar, sərgilər, müsabiqələr təşkil olunacaq, yerli və xarici mütəxəssislərlə görüşlər keçiriləcək.

Tədbirdə Avropa İttifaqının Azərbaycandakı nümayəndəliyinin rəhbəri Kestutis Yankauskas, Fransanın, Niderlandın, Polşanın, Macarıstanın, Meksikanın ölkəmizdəki səfirləri Aureliya Buşez, Onno Kervers, Marek Tsalka, Viktor Szederkenyi, Xuan Rodriqo Labardini Flores və digərləri çıxış edərək festivalın əhəmiyyəti barədə danışıb, Azərbaycanın tarixinin, zəngin mədəni irsinin qorunmasının vacibliyini qeyd ediblər.

Sonra festivala həsr edilmiş videoçarx nümayiş olunub.

Ölkə.Az

ŞƏRH YAZ
0

Sumqayıt Dövlət Dram Teatrı Hüseyn Cavidi anacaq

Sumqayıt Dövlət Dram Teatrı Hüseyn Cavidi anacaq
21:42
19.09.2018
1473
Mədəniyyət
A
Sumqayıt Dövlət Dram Teatrı 50-ci yubiley mövsümünü sentyabrın 25-də açacaq.

Teatrdan "Ölkə.Az"a verilən məlumata görə, kollektiv mövsümün ilk tamaşası olaraq N.Muradoğlunun “Zülmətdə nur” yeni səhnə əsərini tamaşaçılara təqdim edəcək.

Tamaşanın quruluşçu rejissoru xalq artisti Firudin Məhərrəmov, musiqi tərtibatçısı Telman Qəniyevdir.

Əsas obrazları əməkdar artistlər İlahə Səfərova, Rauf Ağakişiyev, Cəlal Məmmədov, İzaməddin Bağırov, aktyorlar Habil Xanlarov, Oqtay Mehdiyev, Şəmistan Süleymanlı, Sədaqət Nuriyeva, Dağlar Rüstəmov, İlahə Səfərova, İlham Səfərli, Şəhla Məmmədova, Rövşad İlyasov, Akif Mirzəyev ifa edirlər.

Tamaşa 1937-ci il represiya qurbanlarının, əsasən də H.Cavid ailəsinin faciəvi həyatından bəhs edir. Tamaşada H.Cavid ilə bərabər, o dövr Stalin və Bağırov siyasətinin qurbanları Ə.Cavad, M.Müşviq və onların həyat yoldaşları Şükriyyə və Dilbər xanımın represiya əzabları da səhnədə yer alıb.

Ölkə.Az

ŞƏRH YAZ
0
BAĞLA