Şəmkirdə meşədəki yanğın söndürüldü

Şəmkirdə meşədəki yanğın söndürüldü
00:37
12.07.2018
1582
Hadisə
A
Fövqəladə Hallar Nazirliyi (FHN) Şəmkir rayonunda baş verən meşə yanğını ilə bağlı məlumat yayıb.

"Ölkə.Az"ın Fövqəladə Hallar Nazirliyinin (FHN) saytına istinadən verdiyi xəbərə görə, Böhran Vəziyyətlərində İdarəetmə Mərkəzinə Şəmkir rayonunun Yuxarı Seyfəli kəndi yaxınlığındakı dağlıq ərazidəki meşə zolağında yanğın baş verməsi barədə məlumat daxil olub.

Dərhal Fövqəladə Hallar Nazirliyinin Dövlət Yanğından Mühafizə Xidmətinin canlı qüvvə və texnikası, Aviasiya dəstəsinin "Mi-17" yanğınsöndürmə helikopteri yanğınsöndürmə işlərinə cəlb olunub.

Həyata keçirilmiş təxirəsalınmaz tədbirlər nəticəsində qısa müddətdə yanğının yayılmasının qarşısı alınıb və yanğın saat 18:25-də söndürülüb.

Yanğın nəticəsində 10 ha sahədə quru ot, kol-kos və ağaclar yanıb. Meşə zolağının qalan sahəsi yanğından mühafizə olunub.

Ölkə.Az

ŞƏRH YAZ
0

Tanınmış aparıcının evi soyuldu — 37 minlik ziyan

Tanınmış aparıcının evi soyuldu
16:46
Bu gün
355
Hadisə
A
ATV telekanalının idman xəbərlərinin aparıcısının Abşerondakı evi qarət edilib.

“Ölkə.Az”ın məlumatına görə, hadisə dünən Abşeron rayonu Mehdiabad qəsəbəsində qeydə alınıb.

Vüsal Qurbanovun evindən 30 min manat dəyərində zinət əşyaları və 7 min manata yaxın pul oğurlanıb.

Faktla bağlı Abşeron RPİ-nin Mehdiabad polis bölməsinə müraciət edilib. Bildirilib ki, hadisə yerinə baxış keçirilib, dəlillər toplanıb.

Araşdırma davam etdirilir.

Ölkə.Az

ŞƏRH YAZ
0

Həbsdən çıxan ər arvadını bıçaqladı — Bərdədə

Həbsdən çıxan ər arvadını bıçaqladı
15:18
Bu gün
469
Hadisə
A
Bərdə rayonunda yaşayan məcburi köçkün ailəsində faciə baş verib.

“Ölkə.Az”ın Oxu.Az-a istinadən məlumatına görə, hadisə rayonun Cəyirli kəndində qeydə alınıb.

Kənddə yaşayan əslən Kəlbəcərdən olan Şahvələd Pənah oğlu Nadirxanov həyat yoldaşı 1983-cü il təvəllüdlü Pərvanə Arif qızı Yəhyayevanı bir neçə bıçaq zərbəsi ilə yaralayıb.

Əldə etdiyimiz məlumatlara görə, Ş.Nadirxnovun psixi durumu yerində olmayıb:

“Onlar kənd sakinləri deyil, Kəlbəcərdən məcburi köçkündürlər. Kişi 10 ilə yaxın Rusiyada həbsdə olub. Narkotik üstündə saxlanılmışdı. Elə üç ay olar çıxmışdı həbsdən. Heç bilmirik hansı səbəbdən bıçaqlayıb.

Qadın çox sakit, kasıb ailənin qızı olub. Deyilənə görə, kişinin psixi durumu yerində olmayıb. Hadisədən sonra qadını Bərdə Mərkəzi Rayon Xəstəxanasına yerləşdiriblər. Həkimlər vəziyyətinin ağır olduğunu deyib”.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA