Şəmkirdə polis əməliyyatı — Silah, narkotik vasitə (FOTOLAR)

Şəmkirdə polis əməliyyatı
10:20
16.05.2018
660
Hadisə
A
Daxili işlər orqanlarının əməkdaşları tərəfindən keçirilən növbəti əməliyyat nəticəsində qanunsuz olaraq odlu silah-sursat saxlayan və narkotik tərkibli bitkilərin kultivasiyası ilə məşğul olan şəxs saxlanılıb.

DİN-dən “Ölkə.Az”a verilən məlumata görə, Baş Mütəşəkkil Cinayətkarlıqla Mübarizə İdarəsinə Şəmkir rayon sakini Qalib Məmmədovda odlu silah olması barədə məlumat daxil olub. Baş İdarə və Şəmkir Rayon Polis Şöbəsi əməkdaşlarının həyata keçirdikləri təxirəsalınmaz əməliyyat tədbirləri nəticəsində həmin şəxs saxlanılıb. Onun rayon ərazisindəki evinə baxış zamanı oradan 1 ədəd “Makarov” markalı tapança, həmin silaha məxsus içərisində 8 ədəd patron olan sandıqça aşkar olunaraq götürülüb.

Əməliyyat tədbirlərinin davamı olaraq Q.Məmmədova məxsus istixanaya da baxış keçirilib. Oradan saxlanılan şəxs tərəfindən xüsusi qulluq edilərək yetişdirilən 243 ədəd narkotik tərkibli çətənə bitkisi aşkar olunaraq götürülüb.

Qeyd edilən faktlarla bağlı Baş İdarənin İstintaq Şöbəsində Cinayət Məcəlləsinin müvafiq maddələri ilə cinayət işi başlanılıb, zəruri əməliyyat tədbirləri və istintaq hərəkətləri davam etdirilir.

 

ŞƏRH YAZ
0

Qazaxda qadının qarnı kəsildi — Qohumları yıxıldığını deyir

Qazaxda qadının qarnı kəsildi
22:30
Bu gün
59
Hadisə
A
Qazax rayonunda qadın yıxılaraq xəsarət alıb.

"Ölkə.Az"ın "Report"a istinadən məlumatına görə, 39 yaşlı Dağ Kəsəmən kənd sakini Afət Abdullayeva qarın nahiyəsi kəsilmiş halda xəstəxanaya daxil olub.

Əməliyyat olunan qadının vəziyyəti orta-ağırdır.

Yaxınlarının bildirdiyinə görə, A.Abdullayeva evdə ehtiyatsızlıqdan şüşə qabın üstdə yıxılıb və qarın nahiyəsindən kəsik xəsarəti alıb.

Faktla bağlı araşdırma aparılır.

Ölkə.Az

ŞƏRH YAZ
0

Ağstafada yol qəzası — İki nəfər xəsarət aldı

Ağstafada yol qəzası
21:58
Bu gün
103
Hadisə
A
Ağstafa rayonunda xəsarətlə nəticələnən yol-nəqliyyat hadisəsi baş verib.

"Ölkə.Az"ın "Report"a istinadən məlumatına görə, qəza zamanı Ağstafa rayon sakinləri - 1994-cü il təvəllüdlü Süleymanov Vüsal Mahir oğlu və 1968-ci il təvəllüdlü Ələkbərov Vəli Nəsib oğlu müxtəlif bədən xəsarətləri alaraq xəstəxanaya yerləşdirilib.

Onların vəziyyətlərinin qənaətbəxş olduğu bildirilir.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA