Sentyabrın 10-u hərrac keçiriləcək

Sentyabrın 10-u hərrac keçiriləcək
20:00
14.08.2019
2114
İqtisadiyyat
A
Əmlak Məsələləri Dövlət Komitəsi müasir üsullarla özəlləşdirmə xidmətlərini həyata keçirərək iştirakçıların məmnunluq və rahatlığını təmin edir.

"Ölkə.Az" xəbər verir ki, keçirilən hərraclarda hər kəs üçün elektron qaydada seçim və sifariş imkanları yaradılıb. Elektron hərrac sistemi isə sifarişçilərlə bərabər, hərracı izləmək istəyənlər üçün özəlləşdirmədə iştirakı əlçatan edir.

Komitə tərəfindən 14 avqust tarixində dövlət əmlaklarının özəlləşdirilməsi üzrə növbəti hərrac keçirildi. Budəfəki hərracda Şəki və Sumqayıtda yerləşən kiçik dövlət müəssisələri, o cümlədən nəqliyyat vasitələri özəlləşdirildi. Şəki rayonunun Qudla kəndindəki dövlət əmlakının faydalı sahəsi 372.1 kv.m-dir. Turizm sahəsi üzrə fəaliyyət göstərən obyekt 10 min kv.m-lik torpaq sahəsi ilə birgə özəlləşdirildi. Digər kiçik dövlət müəssisəsi isə Sumqayıt şəhəri, Heydər Əliyev prospektində yerləşir. Özəlləşdirilən ticarət obyektinin faydalı sahəsi 629.9 kv.m-dir.

Hərracda özəlləşdirilən nəqliyyat vasitələri Mitsubishi, Nissan və Fiat markalarına aiddir. Bu avtomobillərin buraxılış tarixləri 1997-2010-cu illərdir.
Qeyd edək ki, Əmlak Məsələləri Dövlət Komitəsi tərəfindən dövlət əmlaklarının özəlləşdirilməsi üzrə növbəti hərraclardan biri 10 sentyabr tarixində keçiriləcək. Bu dəfə hərraca ümumilikdə 79 dövlət əmlakı çıxarılıb. Onlardan 37-si kiçik dövlət müəssisəsi və qeyri-yaşayış sahəsi, 22-si səhmdar cəmiyyəti, 20-si isə nəqliyyat vasitəsidir. Özəlləşdirməyə çıxarılan kiçik dövlət əmlaklarının ümumi faydalı sahəsi 26.2 kv.m ilə 2095 kv.m arasındadır. Ən yüksək ümumi faydalı sahəsi olan dövlət əmlakı Şəmkir rayonu, Keçili kəndindəki zavod filialıdır. Adıçəkilən dövlət müəssisəsi 27.1 min kv.m-lik torpaq sahəsi ilə birgə özəlləşdirməyə çıxarılıb. Xidmət və ofis obyekti kimi istifadəyə uyğun olan qeyri-yaşayış sahələri Tərtər və Sabirabadda yerləşir. Bu dövlət əmlaklarının faydalı sahələri 86.2 kv.m və 44 kv.m-dir.

Hərraca çıxarılan səhmdar cəmiyyətləri sırasında nəqliyyat, kəndkimya, inşaat, təmir,  istehsal, xidmət və digər sahələrə aid müəssisələr vardır. Belə səhmdar cəmiyyətlərinə “Şıxlar Broyler”, “Ucar İnşaat Xidmət”, “Neftçala Ət”, “Tovuz Məişət” və digər bu kimi dövlət müəssisələri aiddir. Qeyd edilməlidir ki, hərraca çıxarılan səhmdar cəmiyyətləri paytaxtla yanaşı, respublikanın müxtəlif bölgələrində yerləşir. Onların özəlləşdirməyə çıxarılan səhm paketləri ümumi səhmlərin 30%-45%-ni təşkil edir.

Avtomobil sahibi olmaq istəyən vətəndaşlar isə seçimlərini buraxılış tarixi 1990-2007-ci illər olan nəqliyyat vasitələri üzrə edə bilər. Bu növ dövlət əmlakları Renault, Nissan, Mitsubishi və digər markalara aiddir.

Dövlət əmlakları barədə ətraflı məlumatları Komitənin rəsmi saytı (emdk.gov.az) və ya Özəlləşdirmə portalı (privatization.az) vasitəsilə əldə etmək mümkündür. Hərraclara qoşulmaq istəyən şəxslər operativ sifariş imkanları ilə seçdiyi əmlak üzrə hərracda iştirak statusu qazana bilər. Bunun üçün qeydiyyatdan keçmək və müvafiq dövlət əmlakının ilkin qiymətinin 10%-i miqdarında beh ödəmək kifayətdir. 

 

ŞƏRH YAZ
0

500-dən çox neftçi təxliyə edildi

500-dən çox neftçi təxliyə edildi
15:05
Bu gün
1191
İqtisadiyyat
A
Hava şəraitinin kəskin pisləşməsi ilə əlaqədar SOCAR təhlükəsizlik tədbirləri ilə əlaqədar 500-dən çox neftçi təxliyə edilib.

SOCAR-dan "Ölkə.Az"a verilən məlumata görə, 21-22 sentyabr tarixlərində hava şəraitinin kəskin pisləşməsi ilə əlaqədar SOCAR təhlükəsizlik tədbirlərini maksimum dərəcədə gücləndirib.

Bütün sahələrdə maarifləndirmə işləri aparılıb, açıq hava şəraitində işlər dayandırılıb, tikililərin və qurğuların təhlükəsiz vəziyyətə gətirilməsi haqqında göstərişlər verilib, zəruri sahələrdə növbətçilik təşkil olunub. Hava və dəniz nəqliyyatları vasitəsi ilə artıq 500-dən çox neftçi sahilə çıxarılıb.

Ölkə.Az

ŞƏRH YAZ
0

Bakı metrosu bu il 45,1 milyon gəlir gətirib

Bakı metrosu bu il 45,1 milyon gəlir gətirib
19:31
20.09.2019
3646
İqtisadiyyat
A
Səkkiz ayda hava nəqliyyatı ilə 1 milyon 851,7 min və ya ötən ilin eyni dövrü ilə müqayisədə 9,7 faiz çox sərnişin daşınıb.

Dövlət Statistika Komitəsindən "Ölkə.Az"a bildirilib ki, daşımaların 99,9 faizi dövlət, 0,1 faizi isə özəl müəssisələrə məxsus nəqliyyat vasitələri ilə həyata keçirilib.

2018-ci ilin 8 ayı ərzində metro nəqliyyatının xidmətlərindən istifadə etmiş sərnişinlərin sayı isə 150,4 mln. nəfər olub.

Ölkə.Az

ŞƏRH YAZ
0
BAĞLA