Sərbəst güləşçilərimiz beynəlxalq yarışlara hazırlaşırlar — EKSKLÜZİV FOTOLAR

Sərbəst güləşçilərimiz beynəlxalq yarışlara hazırlaşırlar
11:58
11.08.2017
90
İdman
A
Sərbəst güləş üzrə Azərbaycan milli komandası bu gün Güləş Federasiyasının idman zalında növbəti təlim-məşq toplantısı keçirib.

“Ölkə.Az” sərbəst güləşçilərimizin təlim-məşq toplantısını yaxından izləyib. 

Təlimləri Azərbaycan Güləş Federasiyasının vitse-prezidenti Elçin Cəfərov və sərbəst güləş üzrə milli komandanın baş məşqçisi Firdovsi Umudov da yaxından izləyib. 

F.Umudov “Ölkə.Az”-a açıqlamasında deyib ki, sərbəst güləşçilərimiz qarşıdan gələn beynəlxalq yarışlara çox ciddi hazırlaşırlar:

“Bizim üçün əsas hədəf yarışlardan medal qazanmaq, Azərbaycan himnini səsləndirmək və üçrəngli bayrağımızı göylərə qaldırmaqdır. Hazırda bütün idmançılarımız bu amalla yarışlara hazırlaşırlar. Güləşçilərimizdə yüksək ruh yüksəkliyi var, hər birimiz Ali Baş Komandanın bizə yaratdığı yüksək şəraitdən razıyıq. İnşallah biz də bu zəhmətin qarşılığını Azərbaycana medallar qazandırmaqla ödəməyə çalışacağıq”. 

Ötən ay bir neçə güləşçimizin maaşla bağlı gecikmələrə etiraz etməsi məsələsinə də toxunan baş məşqçi bildirib ki, artıq sözügedən problem öz həllini tapıb:

“Bilirsiniz, maaşlar gecikə bilər. Bu cür hallar bütün ölkələrdə olur. Ancaq bundan qalmaqal və ya şou yaratmaq doğru hal deyil. Gərək ki, idmançılarımız da bu cür halların yaranmasına rəvac verməsinlər. Hazırda bütün komanda heyəti yarışlara çox ciddi hazırlaşır. Sağ olsun cənab Prezident və Azərbaycan hökuməti ki, bizə yaxşı şərait yaradır. Hər birimiz Ali Baş Komandanın əsgərləriyik. Biz elə etməliyik ki, daim ölkəmizin üçrəngli bayrağı göylərdə dalğalansın, düşmən sevinməsin!”. 

Güləşçilərimizin təlim-məşq toplantısından çəkilən fotoları təqdim edirik:

 

Vasif Həsənli
Ölkə.Az

ŞƏRH YAZ
0

Qış Olimpiya Oyunlarında Azərbaycanın bayraqdarı kim olacaq?

Qış Olimpiya Oyunlarında Azərbaycanın bayraqdarı kim olacaq?
16:55
22.01.2018
452
İdman
A
Cənubi Koreyanın Pxençxan şəhərində keçiriləcək XXIII Qış Olimpiya Oyunlarında Azərbaycan nümayəndə heyətinin tərkibi və bayraqdar müəyyənləşib.

 "Ölkə.Az" xəbər verir ki, bu barədə "Report"a Milli Olimpiya Komitəsinin (MOK) beynəlxalq əlaqələr İdarəsinin müdiri və Azərbaycanın şef de-missionu Anar Bağırov məlumat verib.

Onun sözlərinə görə, fevralın 9-da start götürəcək olimpiadanın Açılış mərasimində bayraqdar funksiyasını ölkənin yeganə təmsilçisi Patrik Braxner yerinə yetirəcək. Braxner slalom və böyük slalom yarışlarına qatılacaq.

A.Bağırov bildirib ki, əvvəlki qış olimpiadalarında nümayəndə heyətinin istənilən üzvü bayrağı daşımaq imkanına malik olub. Amma bu dəfə Beynəlxalq Olimpiya Komitəsi ölkə bayrağını yalnız idmançının daşımalı olduğuna dair tələb irəli sürüb. Ona görə də bu missiyanı elə avstriyalı legionerin özü yerinə yetirməli olacaq.

Nümayəndə heyətində isə ümumilikdə 11 nəfər, o cümlədən, MOK-un vitse-prezidenti Çingiz Hüseynzadə, baş katibin müavini Azər Əliyev, gənclər və idman nazirinin müavini İsmayıl İsmayılov, nazirliyin idman şöbəsinin müdiri Fərid Mansurov, Azərbaycan Dağ Xizəkçiliyi Federasiyasının prezidenti Rauf Xəlilov yer alacaq.

Braxner ardıcıl ikinci olimpiadada Azərbaycanı təmsil edəcək. O, 2014-cü il Soçi Qış Olimpiya Oyunlarında da iştirak edib. Həmin vaxt böyük slalom növündə 53-cü yeri tutmuş Braxner slalomçuların mübarizəsində finişə çata bilməyib.

Qeyd edək ki, ümumilikdə 2500 idmançının qatılacağı "Pxençxan-2018"ə fevralın 25-də yekun vurulacaq. 

ŞƏRH YAZ
0

Kriştianu Ronaldu oyun vaxtı al-qana qərq oldu — VİDEO

Kriştianu Ronaldu oyun vaxtı al-qana qərq oldu
13:12
22.01.2018
713
İdman
A
"Real Madrid" klubunun hücumçusu Kriştianu Ronaldu İspaniya çempionatında zədələnib.

 "Ölkə.Az" xəbər verir ki, "Deportivo" ilə oyun vaxtı portuqaliyalı oyunçu yerə düşən topa kəllə vurmaq istəyib. Rəqib komandanın müdafiəçisi isə səhvən top yerinə Ronaldunun başına təpik vurub.

Nəticədə Ronaldunun başı partlayıb və o, meydançanı tərk etmək məcburiyyətində qalıb. Meydançanı tərk edən futbolçu telefon vasitəsilə sifətini nəzərdən keçirib. Ronaldu gördüyü mənzərədən narazı qalıb.

Qeyd edək ki, 7-1 "Real Madrid"in qələbəsi ilə başa çatan oyunda Ronaldu 2 qola imza atıb.

Hikmət Həsənov
Ölkə.Az

ŞƏRH YAZ
0
BAĞLA