"Sərdar Cəlaloğlu ingilislərin agentidir" — tanınmış analitikdən ŞOK AÇIQLAMALAR

21:24
14.06.2018
14621
Ölkə
A
"Sərdar Cəlaloğlu Türkiyə-Azərbaycan konfederasiyası yaradılması məsələsini qaldırmaqla təxribat yaratmağa çalışır".

Bu sözləri "Ölkə.Az"a açıqlamasında tanınmış yazıçı publisist, siyasi analitik Tahir Cəfərli bildirib. 

T.Cəfərli deyib ki, Sərdar Cəlaloğlunun sözügedən təklifi Azərbaycan dövlətinin zərərinədir:
"Bütün dünya Azərbaycanın müstəqilliyini qəbul edib. Aydın məsələdir ki, müstəqil ölkənin öz ərazisi, sərhəfdləri və müstəqil əhalisi olmalıdır. Azərbaycanın müstəqilliyi BMT tərəfindən də tanınır. BMT Azərbaycanın ərazi bütövlüyünü və Ermənistanın işğalçı ölkə olduğunu da tanıyır. Artıq biz erməni işğalı altında olan torpaqları azad etməyə başlamışıq. Hazırda Ermənistanda xaos hökm sürür, cəmiyyət parçalanıb. Təsəvvür edin ki, belə bir həssas məqamda Sərdar Cəlaloğlu dünya ermənilərini Azərbaycana qarşı birləşməyə təhrik edir. Deyir ki, Azərbaycan Türkiyə ilə birləşib Ermənistanı əzsin. Sabah ermənilər də deyəcək ki, biz də başqaları ilə birləşək vəsairə. Bu çox səhv fikirdir, təxribatdır, Azərbaycanın müstəqilliyinə qarşı yönəlib".

O qeyd edib ki, Azərbaycan heç zaman konfederasiya ola bilməz:

"Çünki BMT-nin bununla bağlı müvafiq qərarı var. Sərdar Cəlaloğlu dünyada 1992-ci ildən bəri bir ölkə göstərsin ki, o konfederasiyaya çevrilib. Bu konfederasiyanın yaradılması o deməkdir ki, BMT-nin Azərbaycanın müstəqilliyi və ərazi bütövlüyü ilə bağlı qəbul eetdiyi qərarları, o cümlədən Dağlıq Qarabağın Azərbaycanın ərazisi olması ilə bağlı qətnamələri heç olur. Bu Azərbaycan dövlətçiliyinə və prezident İlham Əliyevə qarşı təxribatdır. Çünki ölkə başçısı hər zaman bildirir ki, müsəlman dövlətləri heç zaman birləşib xaristian dövlətlərinə qarşı olmayıb. Sərdar Cəlaloğlunun bu cür fikirləri çox səhvdir və yolverilməzdir".

T.Cəfərli vurğulayıb ki, Sərdar Cəlaloğlu bu cür fikirləri ilə Azərbaycan prezidentini xarici təzyiqlər altında qoymağa çalışır:

"Sərdar Cəlaloğlunun ailə üzvləri və qardaşı Qurban Məmmədov Qərb ölkələrində sığınacaq alıb. Əslində, bu amil hər şeyi deyir. Xaricdə siyasi sığınacaq almaq üçün gərək daxildə nə isə qələt edəsən, ölkə daxilində təxribat yaradasan və sairə. Buradan aydın olur ki, bu tapşırıqlı oyundur. Mən bunu ingilislərin Azərbaycana qarşı çirkin oyunu hesab edirəm. Hamıya yaxşı məlumdur ki, ingilislər də ermənipərəstdirlər. Sərdar Cəlaloğlu da ermənipərəslərin sözünü deyir, onların agentidir. Təsəvvür edin ki, indi biz qələbə ərəfəsindəyik. Naxçıvanda Qarabağın yarısı qədər ərazi boşaldılıb, işğaldan azad olunub. Bunun dalınca da digər işğal altındakı ərazilərimiz azad olunacaq. Belə bir məqamda Sərdar Cəlaloğlu təxribat çıxışlar edir. Bu, Azərbaycana qarşı olan ən böyük təxribatlardan biridir".

Zaur Əziz
Ölkə.Az

ŞƏRH YAZ
0

Bakıda məktəblilər həyatlarını belə təhlükəyə atırlar — VİDEO

Bakıda məktəblilər həyatlarını belə təhlükəyə atırlar
00:52
Bu gün
1193
Ölkə
A
Avtomobillərə işarə verərək dayanmalarını istəyirələr. Azyaşlı oladuqları üçün sürücülər onlara piyada zolağının olmadığı ərazidə yol verirlər. Amma uşaqlar yolu oynayaraq keçirlər.

"Ölkə.Az" xəzər tv-yə istinadla bildirir ki, bununla bağlı görüntüləri paytaxtın Yasamal rayonu, Mətbuat prospektində sürücülərdən biri çəkib. O deyir ki, məktəbdən gələn uşaqlar yol istədiyi üçün bütün sürücülər avtomobili saxlayır. Amma onlar yolu oynayaraq keçirlər. Baxmayaraq ki, onların bu hərəkətləri böyük təhlükə yaradır.

Belə görüntülərə demək olar ki, paytaxtın bir çox ərazisində rast gəlmək mümkündür.

Görüntüləri izləyən yol hərəkəti üzrə ekspert Ərşad Hüseynov deyir ki, azyaşlı olmalarına baxmayaraq uşaqlar kobud qayda pozuntusuna yol verirlər. Amma qanuna görə onlar 16 yaşına çatmadıqları üçün barələrində inzibati qaydada cərimə etmək olmaz.

Ekspert deyir ki, şagirdlərlə məktəblərdə mütəmadi olaraq rayon yol polis şöbələrinin əməkdaşları profilaktik söhbətlər aparmalı və yol hərəkəti qaydaları izah edilməlidir. Hətta onlara yoldan necə keçmək haqda videoçarxlar da təqdim edilməldir ki, məktəblilərin vurulması ilə nəticələnən qəzalar olmasın.

Qeyd edək ki, bu hərəkətləri 16 yaş və ondan yuxarı piyada edərsə, İnzibati Xətalar Məcəlləsinə uyğun olaraq 20 manat cərimə edilə bilər.

Ölkə.Az

ŞƏRH YAZ
0

Bu gün Azərbaycanın Dövlət Müstəqilliyi Günüdür

Bu gün Azərbaycanın Dövlət Müstəqilliyi Günüdür
00:11
Bu gün
790
Ölkə
A
Oktyabrın 18-də Azərbaycanın dövlət müstəqilliyinin bərpasının 27-ci ildönümü - Dövlət Müstəqilliyi Günü qeyd olunur.

"Ölkə.Az"ın məlumatına görə, XX yüzilliyin sonlarında SSRİ-nin süquta uğraması ilə yaranan əlverişli tarixi şərait və taleyin bəxş etdiyi imkan nəticəsində Azərbaycan xalqı XX yüzillikdə ikinci dəfə müstəqillik bayrağını qaldırdı. Bu, xalqımızın siyasi tarixində XX əsrdəki ikinci parlaq qələbəsi idi.

Rusiyadakı demokratik qüvvələrin fəaliyyəti nəticəsində respublikalarda da mərkəzdən qaçma, öz suverenliyinə qovuşmaq istəkləri qarşısıalınmaz həddə çatdı. Belə şəraitdə Azərbaycan Respublikası Ali Sovetinin xalqın tələbi ilə çağırılmış növbədənkənar sessiyasında 1991-ci il avqustun 30-da Azərbaycan Respublikasının dövlət müstəqilliyini bərpa etmək haqqında bəyannamə qəbul edildi.

Azərbaycan Respublikasının Ali Sovetinin həmin ilin 18 oktyabr tarixli sessiyasında "Azərbaycan Respublikasının Dövlət müstəqilliyi haqqında" Konstitusiya Aktı yekdilliklə qəbul edildi.

Azərbaycan Respublikasında dekabrın 29-da ümumxalq səsverməsi keçirildi. Referendum bülleteninə bir sual yazılmışdı: "Siz "Azərbaycan Respublikasının dövlət müstəqilliyi haqqında" Azərbaycan Respublikası Ali Sovetinin qəbul etdiyi Konstitusiya Aktına tərəfdarsınızmı?"

Azərbaycan xalqı yekdilliklə respublikanın dövlət müstəqilliyinə tərəfdar çıxdı.

1992-ci ilin mayında Milli Məclis tərəfindən Azərbaycan Respublikasının Dövlət himni (musiqisi Üzeyir Hacıbəylinin, sözləri Əhməd Cavadın), az sonra üçrəngli bayraq, içində alov olan səkkiz guşəli ulduz təsvirli dövlət gerbi təsdiq edildi.

1991-ci il oktyabrın 18-dən Azərbaycan müstəqil, suveren bir ölkədir və xalq bu tarixi bayram kimi qeyd edir.

Ölkə.Az

ŞƏRH YAZ
0
BAĞLA