Sərdar Cəlaloğlu: "Lap 1 milyon adamı mühacirətə göndərə bilərəm"

Sərdar Cəlaloğlu:
17:04
21.04.2017
55
Siyasət
A
Son zamanlar ölkədə ən çox müzakirə olunan məsələlərdən biri də saxta sənədlərlə insanların mühacirətə göndərilməsi iddiasıdır.

Baş Prokurorluq saxta sənədlərin verilməsi və bu yolla insanların mühacirətə göndərilməsi iddiaları ilə bağlı araşdırmalar aparır. Məsələ ilə bağlı AXCP sədri Əli Kərimli də dindirilib.

Mühacirət məsələsi ilə bağlı Azərbaycan Demokrat Partiyasının sədri Sərdar Cəlaloğlu fikirlərini "Ölkə.Az"-la bölüşüb:

"Mühacirət məsələsi beynəlxalq hüquqla müəyyən edilib. Mühacirət insan hüquqlarının əsas müddəalarından biridir. Həmin hüquqa görə insanlar mühacirət etmək, istədiyi ölkədə yaşamaq hüququna malikdir. Buna görə də, nə mühacirətə gedənin, nə də mühacirətə gələnin qarşısının alınması insan hüquqlarının pozulmasıdır. Yəni, nə Avropa ölkələri mühacirətdən imtina edə bilər, nə də Azərbaycan vətəndaşının mühacirət istəyini beynəlxalq hüquqa görə məhdudlaşdıra bilər.

İnsanların mühacirətə getməsi cinayət hərəkəti yox, əksinə beynəlxalq, Azərbaycan konstitusiyası ilə təsdiq edilmiş bir hüquqi normadır. Bu hər kəsin hüququdur. Kim istəyər gedər, istəməz getməz".

İslama görə mühacirətin vacib olduğunu deyən Sərdar Cəlaloğlu bildirir ki, "Qurani-Kərim"də deyilir, ey mömünlər, əgər dininizi yaşadığınız yerdə qoruya bilmirsinizsə, mütləq oradan hicrət edin:

"Quranda bildirilir ki, insanlar yaşadıqları yerlərdən dinini qoruya bilməyib, hicrət etmirsə onlar sonda kafirlərə tabe olurlar. İslam dininə görə, bir insan əqidəsini açıq-aydın şəkildə bir ölkədə həyata keçirə bilmirsə, həmin ölkəni tərk etməlidir".

Baş Prokurorluğun mühacirətə gedənlərlə bağlı cinayət işi açması məsələsinə gəldikdə isə, ADP sədri bildirdi ki, "Quranı-Kərim"ə və beynəlxalq hüquqa görə təsdiq edilmiş məsələ ilə bağlı Baş Prokurorluğun cinayət işi açması absurddur:

Bir adam partiyamızın üzvüdürsə və bilsəm ki, siyasi əqidəsinə görə mühacirətə getmək istəyir, ona arayış verərəm. Buna görə də, Baş Prokurorluğun və digər orqanların mənə güldən ağır söz deməyə nə hüququ var, nə də haqqı. Çünki, bunu nə Quran, nə də beynəlxalq hüquq qadağan etmir. Əgər kimlərsə pul almaq qarşılığında arayış verirsə, bu, korrupsiya, sənədlərin saxtalaşdırılmasıdır. Biz hökuməti korrupsiyada ittiham ediriksə, özümüz də kimdənsə pul alıb xaricə göndəririksə, onda adama deyərlər, sənin hökumətdən nə fərqin oldu? Belə işlərə görə məsuliyyətə cəlb olunma düzgündür. 

Ancaq Azərbaycan vətəndaşlarının mühacirətə getməsi üçün sənəd vermək, kömək etmək həm beynəlxalq hüququn normalarına uyğundur, həm də "Qurani-Kərimə" uyğundur.

Bu gün Afrikadan milyonlarla insan Avropa ölkələrinə mühacirətə gedir. Onlar Avropa ölkələrinə böyük problemlər yaradır. Avropa ölkələri buna qarşı çıxmağa çalışanda BMT bildirdi ki, sizin mühacirətin qarşısını almağa ixtiyarınız yoxdur. Beynəlxalq hüquqa görə mühacirət insanların fundemantal hüququdur.

Bizim cəmiyyətdə belə fikir formalaşdırırlar ki, mühacirətə kömək etmək cinayətdir. Bu doğru deyil. Lap 1 milyon adamı mühacirətə göndərə bilərəm, bunun heç bir cinayət tərkibi yoxdur. Göndərilmə prosesində cinayət işi ilə məşğul olsam, onda məsuliyyətə cəlb oluna bilərəm".

Səxavət Məmməd
Ölkə.Az

ŞƏRH YAZ
0

“Ermənistanın bəyanatı məsuliyyətsiz və əsassızdır” — Müdafiə Nazirliyi

“Ermənistanın bəyanatı məsuliyyətsiz və əsassızdır”
09:05
Bu gün
489
Siyasət
A
Azərbaycanın müdafiə nazirliyi Ermənistanın sərhəd xəttində mühəndis işləri aparması barədə bəyanatına münasibət bildirib.

“Ölkə.Az” xəbər verir ki, nazirlik bu bəyanatı əsassız və məsuliyyətsiz adlandırıb.

Qeyd edək ki, dünən 20 may tarixində Ermənistan-Naxçıvan sərhədində ordumuz şəhid verib. Qarşı tərəfin təxribatı nəticəsində döyüş tapşırığını yerinə yetirən ordumuzun əskəri şəhid olub.

Rəsmi bakı insidenti Ermənistanın XİN rəhbəri və müdafiə nazirinin səfəri ilə əlaqələndirib. Yerevanın gülünc və sərsəm bəyanatında bildirilir ki, sərhəd xəttində mühəndis işlərinin aktivləşdirilməsi atışmalara, eyni zamanda insan ölümünə səbəb olur.

"Ermənistan Müdafiə Nazirliyinin nümayəndəsinin Azərbaycan-Ermənistan sərhədinin bəzi hissələrində Azərbaycan ordusunun öz mövqelərini yaxşılaşdırmaq üçün guya aktiv mühəndis işləri aparması barədə məsuliyyətsiz və əsassız bəyanatı ilk növbədə Ermənistan silahlı qüvvələrinin Azərbaycan hərbçisinin öldürülməsi ilə nəticələnən təxribatına bəraət qazandırmaq və ört-basdır etmək məqsədi güdür”, - deyə nazirliyin bəyanatında deyilir.

Eyni zamanda nazirlikdən bildiriblər ki, Azərbaycan-Ermənistan sərhədinin Naxçıvan hissəsində vəziyyət son vaxtlar sabit qalmaqda davam edirdi, lakin Ermənistanın müdafiə və xarici işlər nazirləri oraya baş çəkdikdən sonra Ermənistan silahlı qüvvələri təxribat həyata keçirməyə başlayıblar.

Hikmət Həsənov
Ölkə.Az

ŞƏRH YAZ
0

"Ermənistanın Dağlıq Qarabağ münaqişənin "yalnız sülh yolu ilə həlli" barədə açıqlamaları cəfəngiyyatdır" — Hikmət Hacıyev

17:44
20.05.2018
13854
Siyasət
A
Azərbaycan Xarici İşlər Nazirliyi Ermənistan silahlı qüvvələrinin təxribatı nəticəsində Ermənistan-Azərbaycan sərhədinin Naxçıvan sahəsində Silahlı qüvvələrimizin hərbi qulluqçusunun şəhid olması ilə əlaqədar başsağlığı verib.

XİN-in mətbuat xidmətinin rəhbəri Hikmət Hacıyev "Ölkə.Az"a bildirib: "Həlak olmuş hərbi qulluqçunun ailəsinə dərin hüznlə baş sağlığı veririk. Münaqişənin həlli üçün ATƏT-in Minsk Qrupunun həmsədrləri ilə görüşmək əvəzinə Azərbaycanın işğal olunmuş ərazilərinə və Ermənistan-Azərbaycan sərhədinin Naxçıvan hissəsinə səfər edən Ermənistanın xarici işlər naziri vəziyyətin gərginləşməsini və təxribatların baş verməsini təşviq edir. Bu bir daha onu göstərir ki, Ermənistanın münaqişənin "yalnız sülh yolu ilə həlli" barədə açıqlamaları işğalçılıq siyasətini gizlətməkdən başqa bir şey deyildir və cəfəngiyyatdır".

H.Hacıyev qəti şəkildə bildirib ki, yaranmış vəziyyətə görə məsuliyyət tam şəkildə Ermənistanın üzərinə düşür.

Ölkə.Az

ŞƏRH YAZ
0
BAĞLA