“Sərdar Cəlaloğlu PKK terrorçuları ilə görüşüb” — ŞAHİDLƏRDƏN SENSASİON AÇIQLAMALAR

“Sərdar Cəlaloğlu PKK terrorçuları ilə görüşüb”
14:32
22.06.2018
49382
Siyasət
A
Azərbaycan Demokrat Partiyasının (ADP) sədri Sərdar Cəlaloğlunun 26 il öncə PKK terrorçuları ilə keçirdiyi məxfi görüşlə bağlı yeni detallar üzə çıxıb.

"Ölkə.Az" xəbər verir ki, ADP sədri Sərdar Cəlaloğlu PKK terror təşkilatının lideri Abdullah Öcalanın Avropa üzrə təmsilçisi, "Dilan" kod adlı xanım terrorçu ilə gizli görüş keçirib.

Məlumatda qeyd edilir ki, Şərurun Dərəkənd kəndində baş tutan görüş Sərdar Cəlaloğlunun ailəvi dostu olmuş PKK-nın "Kürd Əli" adlı gizli casusunun vasitəçiliyi ilə baş tutub. 

Məlumat üçün bildirək ki, "Kürd Əli" kimi tanınan Əli adlı travmatoloq uzun illər Naxçıvanda həkimlik fəaliyyəti ilə məşğul olub. Onun Sərdar Cəlaloğlu ilə əlaqələri də buradan yaranıb. 

Həmin dövrdə PKK terror təşkilatının yüksək vəzifəli şəxslərinin Sərdar Cəlaloğlu ilə görüş keçirməsi təsadüfi ola bilməzdi. 
Mənbənin məlumatına görə, həmin görüş zamanı Sərdar Cəlaloğlu PKK-nın "Dilan" kod adlı nümayəndəsindən hakimiyyətə gəlmək üçün dəstək istəyib. Qarşılığında isə Sərdar Cəlaloğlunun onlara nə vəd etməsi insanı düşündürməyə bilməz. 

Sözügedən görüşün olmasını Azad Demokratlar Partiyasının (ADP) sədri, keçmiş milli təhlükəsizlik nazirinin sabiq birinci müavini Sülhəddin Əkbər də təsdiqləyib.

O, "Ölkə.Az"a açıqlamasında deyib ki, həmin görüşün olmasını Sərdar Cəlaloğlu özü də etiraf edib:

"Bir vaxt Sərdar Cəlaloğlu iddia edirdi ki, guya həmin görüşdə mən də iştirak etmişəm. Ancaq bütün bunlar yalan və cəfəngiyyatdır. Mən Azərbaycanın kəşfiyyatına və əks-kəşfiyyatına rəhbərlik etmişəm, dünyanın müxtəlif adamları ilə görüşüm olub. Əgər ehtiyac olsaydı, çəkinmədən deyərdim ki, o görüşdə iştirak etmişəm. Şəxsən mən kəşfiyyatçı kimi bu görüşlə bağlı xüsusi araşdırmalar aparmamışam. Ancaq görüş zamanı Sərdar Cəlaloğlunun yanında olan insanlar var. Onlar etiraf edirlər ki, Sərdar Cəlaloğlunun PKK-dan belə bir insanla görüşü olub. Ancaq "Dilan" adlanan o xanımın əsl adının nə olması barədə heç bir məlumat yoxdur. Ancaq həmin dövrdə Sərdar Cəlaloğlunun kürd əsilli bir həkimlə əlaqəsinin olduğunu bildirdim. Həmin adamın adı Əli idi. Sərdar Cəlaloğlu Əli ilə məni də tanış etmişdi. Sonradan mən o adamı Xalq Hərəkatının mitinqlərində də görmüşəm. Əli həkim Şərur rayonunda travmatoloq işləyirdi. Bir dəfə mən həmin Əlinin otağında olanda kürd liderlərinin şəkillərini gördüm. Bu zaman əmin oldum ki, Əlinin PKK ilə əlaqəsi var və mütəmadi olaraq görüşürlər. Bunundan sonra həmin adamla əlaqəni dərhal kəsdim".

S.Əkbər qeyd edib ki, Sərdar Cəlaloğlunun ona qarşı iddiaları ilə bağlı məhkəmə çəkişmələri də olub: 

"Sərdar Cəlaloğlu iddia edirdi ki, guya həmin görüşdə mən də iştirak etmişəm. Ancaq mən onu məhkəməyə verib sübut etdim ki, o görüşdə iştirak etməmişəm. Nəticədə Sərdar Cəlaloğlu məhkəmədə mənə uduzub". 

Sabiq nazir müavini bildirib ki, həmin vaxtı Sərdar Cəlaloğlunun PKK nümayəndəsi ilə görüşməsi səhv addım idi:  
"Siz jurnalistsiniz. Gedib araşdırın görün PKK-da "Dilan" adlı şəxs olub? Ümumiyyətlə, PKK-da ikinci şəxs qadın olmayıb. Böyük ehtimalla "Dilan" onun kod adıdır. PKK-çılar heç zaman öz adlarını təqdim etmirlər".

Həmin görüşün keçirilməsinə şahidlik etmiş Milli Şuranın üzvü, 1988-ci ilin Milli Azadlıq Hərəkatının fəalı hacı Ramiz Mirzəoğlu da təsdiq edib ki, sözügedən görüş Şərurun Dərəkənd kəndində baş tutub:

"Həmin vaxtı mən Naxçıvanda musiqi məktəbinin direktoru işləyirdim. Həm də Xalq Hərəkatında iştirak edirdik. Xalq Cəbhəsinin yeni yaranan vaxtları idi. Sərdar Cəlaloğlu və bir neçə adam gəlib mənim evimdə yığışmışdı. Naxçıvanda "Kürd Əli" kimi tanınan həkim-cərrah vardı. O, Sərdar Cəlaloğlunun dostu idi. Bir gün o, gəlib dedi ki, Türkiyədən Abdullah Öcalanın Avropa üzrə təmsilçisi Dilan adlı xanım gəlib sizinlə görüşmək istəyir. Sonra özləri gedib Şərurun Dərəkənd kəndində onunla görüşdülər. Amma mənə dedilər ki, sən kiçik adamsan, biz liderlərik. Ona görə mənim gəlməyimə razı olmadılar. Sərdar Cəlaloğlu, "Kürd Əli" və digər adamlar gedib onunla görüşüblər. Ancaq həmin görüşdə nə danışılmasından heç bir məlumatım yoxdur. 
Sərdar Cəlaloğlu iddia edir ki, guya həmin görüşdə Sülhəddin Əkbər də iştirak edib və sairə. Amma mən bunu görməmişəm. Həmin görüşə mənim evimdən Sərdar Cəlaloğlu, Firdovsi və digər 2 nəfər gedib. Sülhəddin Əkbər isə həmin vaxtı mənim evimə gəlməyib. Mən Sülhəddin bəyin o görüşə getdiyinə şahid olmamışam". 

Zaur Əziz
Ölkə.Az

ŞƏRH YAZ
1

"Lukaşenko MDB məkanında Azərbaycanın mövqeyini daim müdafiə edir” — Arif Rəhimzadə

16:30
Bu gün
1915
Siyasət
A
Milli Məclisin Azərbaycan-Belarus parlamentlərarası əlaqələr üzrə işçi qrupunun üzvü, Yeni Azərbaycan Partiyası (YAP) İdarə Heyətinin üzvü, Parlamentin regional məsələlər komitəsinin sədri, deputat Arif Rəhimzadə Prezident İlham Əliyevin Belarusa səfərini şərh edib.

Arif Rəhimzadə "Ölkə.Az"a açıqlamasında deyib ki, hazırda Azərbaycan və Belraus əlaqələri bütün sahələrdə inkişaf edir:

"Təbii ki, bu əlaqələrin inkişafında hər iki ölkənin dövlət başçılarının dostluq münasibətləri böyük rol oynayır. Belarus prezidenti Aleksandr Lukaşenko çox saf, sözünü deyən və dürüst adamdır. Onun Azərbaycan Prezidenti cənab İlham Əliyevlə çox yaxşı münasibətləri var. Cənab Lukaşenko MDB məkanında Azərbaycanın mövqeyini daim müdafiə edir. Azərbaycan tərəfi də Belarusun prezidentinin bu mövqeyini yüksək qiymətləndirir. Hesab edirəm ki, ölkələrimiz arasında formalaşan bu cür dostluq əlaqələri Azərbaycan ilə Belarus arasında bütün sahələrdə əməkdaşlığı daha da gücləndirəcək".

Komitə sədri qeyd edib ki, prezident Aleksandr Lukaşenko bu yaxınlarda Nikol Paşinyana da layiqli cavabını verib:

"Bu yaxınlarda Kollektiv Təhlükəsizlik Müqaviləsi Təşkilatının erməni baş katibini çıxartdılar. Nikol Paşinyan istəyirdi ki, onun yerinə başqa ermənini təyin etsinlər. Ancaq cənab Aleksandr Lukaşenko buna imkan vermədi. Bildirdi ki, Kollektiv Təhlükəsizlik Müqaviləsi Təşkilatının yeni baş katibi dalbadal erməni ola bilməz. Lukaşenko Ermənistana öz növbəsini gözləməyi söylədi. Bütün bunlardan da bir daha aydın olur ki, Prezident Lukaşenko sözübütöv adamdır. O, yaxşı dostdur".

Xatırladaq ki, ötən gün Prezident İlham Əliyevin Belarusda rəsmi səfərdə olub. 

Vasif Həsənli
Ölkə.Az

ŞƏRH YAZ
0

Nazir və müavinləri təltif olundu — SİYAHI

Nazir və müavinləri təltif olundu
16:09
Bu gün
2729
Siyasət
A
Prezident İlham Əliyev Azərbaycan Respublikasının hakimlərinə və ədliyyə orqanları işçilərinə fəxri adların verilməsi haqqında sərəncam imzalayıb.

"Ölkə.Az" xəbər verir ki, sərəncama əsasən Azərbaycan ədliyyəsinin yaranmasının 100 illiyi münasibətilə və Azərbaycan Respublikasının məhkəmə və ədliyyə orqanlarında uzunmüddətli səmərəli fəaliyyətinə görə aşağıdakı şəxslərə Azərbaycan Respublikasının fəxri adları verilib:

“Əməkdar hüquqşünas” 

Cavadov Fuad Musa oğlu

Mirzəliyev Əsəd Abdulla oğlu

Nəsibov Hafiz Qənbər oğlu

Zahirov Vilayət Həsən oğlu

“Əməkdar mühəndis” 

Məmmədov Çingiz Ələddin oğlu

“Əməkdar həkim” 

Qurbanov İftixar İlham oğlu

“Əməkdar tibb işçisi” 

Əsgərov Səttar Ələsgər oğlu.

Dövlət başçısının digər sərəncamı ilə Azərbaycan ədliyyəsinin yaranmasının 100 illiyi münasibətilə və hakim vəzifəsini nümunəvi yerinə yetirdiklərinə, ədliyyə orqanlarında qulluq keçərkən fərqləndiklərinə, ədliyyə sistemində elm, səhiyyə sahələrinin inkişaf etdirilməsində və cəza-icra siyasətinin həyata keçirilməsində fəal iştiraklarına görə aşağıdakı şəxslər təltif ediliblər:

1-ci dərəcəli “Vətənə xidmətə görə” ordeni ilə 

Məmmədov Fikrət Fərrux oğlu

Rzayev Ramiz Yaqub oğlu

2-ci dərəcəli “Vətənə xidmətə görə” ordeni ilə 

Cəfərov Azər Məmməd oğlu

Əliyev Məhərrəm Abış oğlu

Musayev Toğrul Sirac oğlu

3-cü dərəcəli “Vətənə xidmətə görə” ordeni ilə 

Əliyev Adil Şirməmməd oğlu

Qasımov Elçin Lütvəli oğlu

Mehdiyev Rəfail İbrahim oğlu

Məmmədov İlqar Kamil oğlu

Muradov Aslan Nüsrət oğlu

Yusifov Şahin Yaşar oğlu

“Tərəqqi” medalı ilə 

Abbasov İlqar Eyvaz oğlu

Əkbərov Mübariz Dosməmməd oğlu

Əliyev Alı Yusif oğlu

Əliyev Kəramət Fətəli oğlu

Hacıyev Əfqan Niyətulla oğlu

Həsənov Həbib Bəhram oğlu

Xələfov Elçin Abuzər oğlu

İsayev Məhərrəm Əli oğlu

İsgəndərova İradə Həbib qızı

İsmayılov Eldar Herov oğlu

Kazımov Araz Nurəddin oğlu

Kərimov Səyyub Həsən oğlu

Məmmədov Fazil İbrahim oğlu

Məmmədov Hüseyn Məmməd oğlu

Muradov Hicran Xasay oğlu

Nəcəfov Mehdi Ağabala oğlu

Paşayev Tofiq Temir oğlu

Tağıyev Xəqani Qəhrəman oğlu

Vəliyev Hümmət Telman oğlu

“Dövlət qulluğunda fərqlənməyə görə” medalı ilə 

Abasquliyev İlham Aydın oğlu

Bəşirova Aygün Rafiq qızı

Cəfərov Anar Ələmşah oğlu

Cəfərov Azər Vəliyulla oğlu

Fərəcova Aybəniz Məhərrəm qızı

Fərzəliyev Rəşad Xaliyəddin oğlu

Hadıyeva Güney İmran qızı

Həsənov Rasim Aydın oğlu

Hüseynov Kamal Eldar oğlu

İbrahimov Elnur Elman oğlu

Qafarov Fikrət Məhəmməd oğlu

Qədirova Səbinə Mübariz qızı

Qənbərov Natiq Zərbi oğlu

Məmmədov Xaqani Əli oğlu

Məmmədov İlqar Həbib oğlu

Məmmədova Səbinə Firudin qızı

Nağıyev Həsən Xanəli oğlu

Nəbiyeva Firuzə Mansur qızı

Nəcəfov İlkin Abdulxeyir oğlu

Paşayev Qədir Gülnəzər oğlu

Rzayev Gülmalı Umud oğlu

Sadıqov Xəqani Şababa oğlu

Salmanlı Şəfəq Yaqub qızı

Seyidov Mirsaleh Miradil oğlu

Şahbazov Xalıq Həsən oğlu.

ŞƏRH YAZ
0
BAĞLA