Sergey Lavrov: \"Rusiya Suriyaya hər cür yardım etməyə hazırdır\"
“Qərb koalisiyasının Suriyaya hücumu Moskvanı, Rusiyanın Suriya ordusuna hər cür yardım etməyə hazır olacağına inandırdı”.
“Ölkə.Az” xəbər verir ki, bu barədə Rusiya xarici işlər naziri Sergey Lavrov BBC telekanalına müsahibəsində bildirib.
"Bu (qərbin Suriyaya hücumu), bizi də təhdid edir, ona görə də Suriyaya hər cür yardımı nəzərdən keçirməyə hazırıq”, - deyə XİN rəhbəri vurğulayıb.
“Rusiya Suriyanı S-300 raketləri ilə təmin edəcəkmi?” sualına Lavrov belə cavab verib: "Prezident Putin artıq bu barədə danışıb. O, xatırladıb ki, bir neçə il bundan öncə tərəfdaşlarımızın xahişi ilə S-300-ləri Suriyaya verməməyə qərar vermişdik. Lakin hazırda Suriyanı ABŞ, Fransa və Böyük Britaniyanın təhdidlərindən qorumaq üçün bu məsələni yenidən gündəmə gətirə bilərik”.
Ölkə.Az
