Sergey Lavrov: “Tramp Putini ABŞ-a dəvət edib”
Rusiyanın XİN rəhbəri Sergey Lavrov “RİA Novosti” portalına geniş müsahibə verib.
“Ölkə.Az” xəbər verir ki, Lavrov müsahibəsində ABŞ prezidenti Donald Trampın Putini Birləşmiş Ştatlara dəvət etdiyini bildirib.
“ABŞ prezidenti telefon danışığında Putinə deyib ki, onu Ağ Evdə görməkdən məmnun olardı. Sonra isə cavab səfərindən şad olardı. Tramp bu mövzuya bir neçə dəfə qayıdıb. Amma Putin hələ bu görüşə hazırlaşmır. Əgər nəsə yenilik olsa, biz xəbər verəcəyik. Diqqətinizə çatdırım ki, telefon danışığından sonra Tramp dəfələrlə Tvitterdə qeyd edib ki, Rusiya ilə problem həll edilməlidir və Rusiya ilə yaxşı münasibətlər qurulmalıdır. Bundan başqa düşünürəm ki, nə Putin, nə də Tramp müharibəyə icazə verməzlər”, - deyə Lavrov bildirib.
Hikmət Həsənov
Ölkə.Az
