Sərhəddə iki əcnəbi tələbə tutuldu

Sərhəddə iki əcnəbi tələbə tutuldu
12:38
19.06.2017
18
Ölkə
A
Dövlət Sərhəd Xidməti (DSX) əməkdaşlarının keçirdiyi əməliyyat tədbirləri nəticəsində Yardımlı ra­yo­nunun Alar kəndin­dəki sərhəd zastavasının xidməti sa­hə­sin­də Azərbaycandan İrana dövlət sərhədini pozmağa cəhd göstərən Banqladeş Xalq Respublikası vətən­daş­ları - 1991-ci il təvəllüdlü Amin MD Tacul, 1985-ci il təvəllüdlü Muham­mad Bahauddin, onlara bələdçilik edən İran İslam Respublikası vətən­daşı, 1963-cü il təvəllüdlü Həsənli Fateh Həmid oğlu saxlanıl­ıblar.

DSX-nin mətbuat mərkəzindən "Ölkə.Az"a bildirilib ki, sərhəd pozucu­ları­nın dövlət sərhədindən keçiril­mə­sinə vasitəçilik edən Azərbaycan vətən­daşı, Yar­dımlı rayonu Arvana kənd sakini Sətiyev Şəhriyar Əvəz oğlu ha­disə yerin­dən qaçmağa müvəffəq olsa da, davam etdirilən əməliyyat-axtarış tədbirləri nəticəsində yaxalanıb. İlkin araşdırma zamanı Banqladeş vətəndaşlarının "Odlar Yurdu" və "Qərb" univer­sitetlərinin tələ­bə­ləri olması müəyyən­ləşdirilib.

Cəlilabad ra­yo­nunun Əsədli kəndin­­dəki sərhəd zastavasının xidməti sa­hə­sin­də isə İrandan Azərbaycana dövlət sərhədinin pozul­ması əlamətləri aşkarlanıb. Fakt üzrə keçirilmiş əməliy­yat-axtarış tədbirləri nəticə­sin­də sərhəd pozucusunu qarşıla­maq üçün əraziyə gəlmiş Cəlilabad rayonunun Musalı kənd sakinləri Gözəlov Daxil Əhməd oğlu, onun qardaşı Şixəli Gözəlov, sərhəd pozucusu, 1980-ci il təvəllüdlü Gözəlova Aynur Əhməd qızı saxlanılaraq istintaqa cəlb olunub. Araşdırma zamanı sərhəd pozucusunun 2007-ci ildən Türkiyədə məskunlaşması, müvafiq sənədləri olmadığından 2017-ci ilin iyun ayının əvvəllərində vətənə qayıt­maq üçün Türkiyə sərhədini pozaraq İrana, oradan isə Azərbaycana keç­məsi müəyyənləşib.

Hər iki fakt üzrə cinayət işi başlanıb.

ŞƏRH YAZ
0

Azərbaycan vətəndaşı Marneulidə külli miqdarda narkotik vasitələrlə saxlanıldı

Azərbaycan vətəndaşı Marneulidə külli miqdarda narkotik vasitələrlə saxlanıldı
14:47
Bu gün
12
Ölkə
A
Gürcüstan Daxili İşlər Nazirliyinin (DİN) əməkdaşları Azərbaycan vətəndaşını külli miqdarda narkotik vasitələrlə saxlayıb.

"Ölkə.Az" APA-ya istinadən xəbər verir ki, Marneulidə saxlanılan 1977-ci il təvəllüdlü P.Q. adlı şəxsdən iki bağlamada 6,07 qram heroin olmaqla, 11,607 qram narkotik vasitə müsadirə olunub.

Həmin şəxs saxlanılan zaman narkotik vasitələrin təsiri altında olub. O, günahını etiraf edib.

Azərbaycan vətəndaşını 8 ildən 20 ilədək və ya ömürlük azadlıqdan məhrumetmə cəzası gözləyir. 

ŞƏRH YAZ
0

Monitorinq insidentsiz başa çatdı

Monitorinq  insidentsiz başa çatdı
13:55
Bu gün
1963
Ölkə
A
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, dekabrın 13-də Azərbaycan və Ermənistan dövlət sərhədinin Qazax rayonu istiqamətində keçirilən monitorinq insidentsiz başa çatıb.

Müdafiə Nazirliyindən "Ölkə.Az"a verilən məlumata görə, monitorinqi Azərbaycan tərəfindən ATƏT-in fəaliyyətdə olan sədrinin şəxsi nümayəndəsi Anjey Kaspşik və onun səhra köməkçisi Oqnyen Joviç, Ermənistan tərəfindən isə şəxsi nümayəndənin səhra köməkçiləri Mixail Olaru, Gennadi Petrika və Saymon Tiller keçiriblər.

ŞƏRH YAZ
0
BAĞLA