Sərhəddən 1 kilo qızıl keçirtmək istədi

Sərhəddən 1 kilo qızıl keçirtmək istədi
19:31
13.02.2018
1257
Hadisə
A
Bakı Baş Gömrük İdarəsinin "Beynəlxalq Dəniz Ticarət Limanı" gömrük postunda Türkmənistan Respublikasından "Bagtyyar" gəmisi ilə Azərbaycana gələn Türkmənistan vətəndaşı Muhammet Charyyev gömrükdən qanunsuz yolla qızıl məmulatları keçirtmək istəyərkən saxlanılıb.

"Ölkə.Az"ın Dövlət Gömrük Xidmətinin saytına istinadən məlumatına görə, M. Charyyev nəzarətindən keçdikdən sonra postun qarşısında duraraq Azərbaycana gələn digər sərnişinlərdən qızıl məmulatlarını qəbul etməsi barədə BBGİ Gömrük hüquqpozmalarına qarşı mübarizə şöbəsinə əməliyyat məlumatı daxil olub.

Məlumat əsasında vətəndaş Charyyev Muhammet saxlanılaraq təkrarən gömrük postuna dəvət olunub və onun üzərində qızıl məmulatlarının olub-olmaması barədə sorğu-sual edilib. Keçirilən gömrük nəzarəti zamanı vətəndaş Charyyev Muhammet ümumi çəkisi 203 qram olan qızıl məmulatlarını gömrük nəzarətinə təqdim edərək bildirib ki, həmin qızıl məmulatları Türkmənistan vətəndaşı Moshyyeva Bıbıjemala məxsusdur və onun xahişi ilə digər üç nəfər qadın sərnişindən götürüb, sonradan isə həmin məmulatları onunla birgə "Bagtyyar" gəmisi ilə gələn və həmin qızıl məmulatlarının sahibi olan Moshyyeva Bıbıjemala təhvil verəcək.

Bundan sonra Türkmənistan Respublikasından "Bagtyyar" gəmisi ilə Azərbaycana gələn Türkmənistan vətəndaşları Palıvanova Oguljennetin və Moshyyeva Bıbıjemalın üzərlərində şəxsi yoxlama aparılıb və əl çantalarına baxış keçirilib. Şəxsi yoxlama və əl çantasına baxış zamanı ümumi çəkisi 790 qram olan qızıl məmulatları aşkar olunub. Beləliklə, hər üç vətəndaşdan ümumilikdə, cəmi çəkisi 993 qram olan qızıl məmulatları aşkar edilib.

ŞƏRH YAZ
0

“Qəbələ”nin məşqçisinin öldüyü qəzanın DƏHŞƏTLİ GÖRÜNTÜLƏRİ — VİDEO

“Qəbələ”nin məşqçisinin öldüyü qəzanın DƏHŞƏTLİ GÖRÜNTÜLƏRİ
16:50
Bu gün
1143
Hadisə
A
Hadisə Qəbələdə "Toyota" markalı minik avtomobilinin yol kənarındakı ağaca çırpılması nəticəsində baş verib.

"Ölkə.Az" ARB TV-yə istinadən xəbər verir ki, noyabrın 15-də saat 1 radələrində Qəbələ şəhəri ərazisində Zarağan kənd sakini 66 yaşlı Rafiq Məmmədov idarə etdiyi “Toyota Prado” markalı avomobili yolun kənarındakı ağaca vurub.

Nəticədə sərnişini, Qəbələ şəhər sakini 44 yaşlı Teymur Musayev hadisə yerində ölüb, özü isə xəstəxanaya yerləşdirilib. 

FHN-in məlumatına görə, hadisə yerinə cəlb olunmuş Şimal-qərb Regional Mərkəzinin müvafiq xilasetmə qüvvələri avtomobildə sıxışıb qalan Teymur Musayevin meyitini nəqliyyat vasitəsindən çıxarıblar. 

"Qəbələ" futbol klubundan verilən məlumata görə, qəzada həlak olan Teymur Musayev "Qəbələ" futbol akademiyasının məşqçisi olub. Teymur Musayev ailəli idi, iki oğlu və bir qızı var. Sürücü Rafiq Məmmədovun vəziyyəti isə ağır qiymətləndirilir. Onun müalicəsi Qəbələ rayon Müalicə Diaqnostika Mərkəzinin reanimasiya şöbəsində davam etdirilir.

Ölkə.Az

ŞƏRH YAZ
0

Avtomobilləri qarət edənlər tutuldu

Avtomobilləri qarət edənlər tutuldu
12:10
Bu gün
1112
Hadisə
A
Sumqayıt şəhərində avtomobillərdən oğurluq etməkdə şübhəli bilinən şəxslər polis əməkdaşları tərəfindən saxlanılıblar.

DİN Mətbuat Xidmətindən "Ölkə.Az"a verilən məlumata görə, noyabrın 12-də gecə saat 3 radələrində Sumqayıt şəhərinin 17-ci mikrorayon ərazisində “VAZ-2107” markalı avtomobildən oğurluğa cəhd göstərən 2 nəfər ərazidə xidmət aparan Sumqayıt ŞPİ 1-ci Polis Bölməsinin əməkdaşları tərəfindən cinayət başında yaxalanıblar.

Araşdırmalarla onların şəhər sakinləri Ceyhun Ələkbərov və əvvəllər məhkum olunmuş Rəşad Quliyev olduqları müəyyənləşib.

Saxlanılan şəxslərin törətdikləri digər analoji cinayət əməllərinin də üstü polis əməkdaşları tərəfindən açılıb. Belə ki, onların digər şəhər sakini ilə birlikdə daha 12 avtomobildən pul, akkumulyator və sənəd oğurlamaları da müəyyən edilib. İstintaq-əməliyyat tədbirləri davam etdirilir.

Ölkə.Az

ŞƏRH YAZ
0
BAĞLA