Sərhədini pozmaq istəyən əcnəbilər tutuldu

Sərhədini pozmaq istəyən  əcnəbilər tutuldu
11:20
16.10.2018
984
Ölkə
A
Dövlət Sərhəd Xidməti (DSX) tərəfindən etibarlı sərhəd mühafizəsinin təmin edilməsi sahəsində tədbirlər davam etdirilir.

DSX-dən "Ölkə.Az"a verilən məlumata görə, 2018-ci ilin 10 oktyabr tarixində saat 02:40 radələrində keçirilən əməliyyat-axtarış tədbirləri nəticəsində Yardımlı rayon Arvana kəndi ərazisindəki sərhəd zastavasının xidməti sahəsində İran İslam Respublikasından Azərbaycan Respublikası istiqamətində dövlət sərhədini pozan 2 nəfər naməlum şəxsin hərəkəti sərhəd naryadı tərəfindən müşahidə olunub.

Hərbi qulluqçular tərəfindən sərhəd pozucuları saxlanılaraq sərhəd zastavasına gətirilib, onların üzərinə baxış keçirilərkən 1 ədəd qara rəngli əl çantasının içərisində 6 ədəd polietilen bağlamada 5 kq tiryək aşkar edilib.

Saxlanılmış sərhəd pozucularının şəxsiyyəti müəyyənləşdirilib, onların İran İslam Respublikası vətəndaşları - 1990-cı il təvəllüdlü Pənahi İbrahim Əli və 1993-cü il təvəllüdlü Nəravi Mehdi Əhməd olmaları məlum olub. Fakt üzrə zəruri əməliyyat-istintaq tədbirləri davam etdirilir.

ŞƏRH YAZ
0

Saxta şprislərlə bağlı AİİB-in sədri “razborkaya”çağrılıb

Saxta şprislərlə bağlı AİİB-in sədri “razborkaya”çağrılıb
12:31
Bu gün
185
Ölkə
A
Son dövrlərdə media vasitələrində saxta və keyfiyyətsiz şprislərlə bağlı silsilə yazılar gedəndən sonra Səhiyyə Nazirliyi Analitik Ekspertiza Mərkəzi (AEM) yayılan məlumatlara münasibət bildirib. Mərkəzin yaydığı məlumata görə, AEM-ə standartlara uyğun olmayan şiprislərlə bağlı şikayət daxil olmayıb. Bununla belə AEM vətəndaşlara hər hansı şikayət olduğu halda onlara məlumat verilməsini tövsiyyə edib.

Azad İstehlakçılar İctimai Birliyinin (AİİB) rəhbəri Eyyub Hüseynov yaranmış vəziyyətdən narahat olaraq məsələnin araşdırlması ilə bağlı aidiyyatı quruma müraciət edib. Onun müraciəti fərqli formada qarşılanıb. 

Bu barədə “Ölkə.Az”açıqlama verən AİİB sədri Eyyub Hüseynov bildirib ki, noyabrın 20-də standartlara uyğun olmayan, aptekləri zəbt etmiş,vətəndaşların sağlamlığı üçün təhlükə törədən şprislərlə bağlı dövlət orqanlarına və mətbuata verdiyim məlumatlara görə Səhiyyə Nazirliyinin Analitik Ekspertiza Mərkəzinə çağrıldım.

“Əslində onlar məni ora məsələni müzakirə edib, araşdırmağa yox, “razborka”ya çağırmışdılar.  Mərkəzin 4 əməkdaşı ilə aramızda gedən müzakirəni ancaq  “razborka” adlandırmaq olar. Çünki, orada  gedən müzakirələrdə məlum oldu ki, bu şprislərin satışının lobbiçiliyi aparılır. Ona görə də nə ekspertiza sənədinə, nə yeni qəbul olunmuş standartlara, nə də nazir müavininin imzası ilə standartlara, nə də nazirliyin təkliflərinin 8.13.4 bəndinə məhəl qoyulmur”, - deyə AİİB sədri deyib.

O əlavə edib ki, saat yarım davam edən sözgüləşdirməsi onunla nəticələndi ki mən”haqsızam”. Onların fikrincə, kim necə istəyirsə elə də qazanır:

“Böyük dövlət vəsaiti hesabına tikilib istifadəyə verilmiş şpris zavodunun rəhbərliyi də, heç vecinə almır ki, niyə təhlükəli şprislər bazarı zəbt edib?!”

Mürtəza
Ölkə.Az

 

 

ŞƏRH YAZ
0

"Boşanmış ailələrdə uşaqlar zorakılığa məruz qalırlar" — Ombudsman

12:05
Bu gün
611
Ölkə
A
"Azərbaycanda uşaqların zorakılığa məruz qalmasının səbəblərindən biri də çoxsaylı boşanmalardır. Çünki belə ailələr arasında münaqişələr və kobud rəftarlar baş verir. Uşaqlar da bunu həm görür, həm də şiddətə məruz qalırlar".

"Ölkə.Az" xəbər verir ki, bunu Azərbaycanın İnsan Hüquqları üzrə Müvəkkili (Ombudsman) Elmira Süleymanova "Uşaqlara qarşı zorakılığın qarşısının alınması və ləğv edilməsi" mövzusunda keçirilən konfransda deyib.

E.Süleymanova bildirib ki, ölkədə uşaqlara qarşı zorakılıq hallarının səbəbləri də məlumdur: "Səbəblərdən biri qaçqın və məcburi köçkün ailələrində valideyn himayəsinin daha zəif olmasıdır. Erkən nikahlar da bu səbəblərə aiddir. Digəri məişət zorakılığıdır ki, bu da dünyanı bürüyüb, bizdə də müşahidə olunur. Həmçinin mətbuatda, sosial şəbəkələrdə yayılan faktlar, uşaqlara qarşı zorakılığın ifrat dərəcədə göstərilməsi şübhəsiz ki, uşaqlara təsirsiz ötüşmür".

O qeyd edib ki, uşaqların belə zorakılıqlara məruz qalması psixoloji travma yaradır: "Bu, onların fiziki, əqli inkişafına mənfi təsir göstərir, onlarda güclü psixoloji stresslərə səbəb olur. Bundan başqa, bəzən erkən yaşda qızlarımız dünyaya uşaq gətirirlər. Belə faktlar az sayda olsa da, Azərbaycanda da müşahidə olunur. Belə körpələr də fiziki və ya əqli qüsurlu olur. Bunlar hamısı uşaqlara mənfi təsirini göstərir".

ŞƏRH YAZ
0
BAĞLA