Serj Sarkisyanın qardaşının fondunda axtarış

“Ölkə.Az” News.am-a istinadən xəbər verir ki, "DJLDJ Projekt Company" şirkəti iri məbləğdə vergidən yaynmaq üçün saxta məlumatların verilməsində ittiham olunur. Şirkətin 2010-cu ildə yaradıldığı müəyyənləşdirilib. 

Şirkətin təsisçilərindən biri səhmlərin 40% -inə sahib olan "Pünik" xeyriyyə fondudur. Kompaniya İrəvanın Byüzand küçəsində çoxfunksiyalı binanın tikilməsini həyata keçirib. 2013 - 2017-ci illərdəki fəaliyyət zamanı dövlət büdcəsinə cəmi 3 mln. 527 min dram ödənilib. Halbuki "DJLDJ Projekt Company" dövlət büdcəsinə 147 milyon dram məbləğində vergi ödəməli imiş.
Məlum olub ki, Pünik fondunun təsisçisi və direktoru, "DJLDJ Projekt Company"nin 40 % səhmlərinin sahibi Levon Azatoviç Sarkisyandır. Şirkətin səhmlərinin 20 %-nə isə oğlu Narek Sarkisyan yiyələnib.

Artıq şirkətə məxsus 10 müxtəlif ünvanda axtarış aparılıb. Kompaniyanın ölkə büdcəsinə 300 milyon dram ziyan vurduğu müəyyən edilib.

Ölkə.Az