Sərkisyanın əleyhinə imza atmaqdan imtina etdiyi deyilən Kənan Aslanlının

Azərbaycan mətbuatında dünən  “Sərkisyanın əleyhinə imza atmaqdan imtina edən QHT sədrləri” başlıqlı dərc edilən məqlədə adı çəkilən Kənan Aslanlı "Ölkə.Az" saytına müraciət ünvanlayıb

Həmin müraciəti təqdim edirik: 

“Sərkisyanın əleyhinə imza atmaqdan imtina edən QHT sədrləri” başlıqlı yazıda mənim də adım hallandırılıb. Həm də “Ermənilərin müraciətinə imza atanlar bu gün Sərkisyanın əleyhinə imza atmaqdan imtina ediblər” ifadəsinə yer verilib.

Rəsmən bildirmək istəyirəm ki, mən Kənan Aslanlı heç bir yerli QHT-nin rəhbəri və əməkdaşı deyiləm. Heç bir erməni müraciətinə heç bir zaman imza atmamışam. Bunlar hamısı səbəbini bilmədiyim çirkin iftiradan başqa bir şey deyil və bütün bu ittihamları qətiyyətlə rədd edirəm.

Ümumiyyətlə, son bir neçə ildir yerli QHT-lərin və onların alyanslarının (o cümlədən, Şərq Tərəfdaşlığı Vətəndaş Cəmiyyəti Forumu Azərbaycan Milli Platformasının) tədbirlərində aktiv iştirak edə bilmirəm. E-mail yazışmalarını diqqətlə izləməyə, təəssüf ki, vaxt baxımından imkanım olmur. Milli məsələlərdə prinsipal mövqeyim də məni tanıyan hər kəsə bəllidir.

Kənan Aslanlı

Qeyd edək ki, həmin iddia ilə BAXCP sədrinin müavini Niyaməddin Orduxanlı çıxış etmişdi.