"Sərkisyanın ipi öz əlində deyil"

Parlament seçkilərinin keçiriləcəyi tarix həm də ötən ilin aprel döyüşlərinin başlaması tarixilə üst-üstə düşür. Bəzi ekspertlər iddia edir ki, aprel ayının əvvəllərində cəbhədə yenidən gərginlik ola bilər. Ekspertlər bunu seçkilərdə xal almaq üçün Sərkisyanın növbəti gedişi kimi qiymətləndirirlər. Bir neçə gün öncə Sərkisyan Qarabağda olarkən Azərbaycanı "İsgəndər" raketləri ilə hədələməyi də unutmayıb.

Apreldə bizi nələrin gözlədiyi barədə politoloq Zərdüşt Əlizadə Ölkə.Az-a açıqlma verib:

"Dağlıq Qarabağ problemi ilə bağlı Sərkisyan heç nəyə qərar verə bilməz. Onun ipi öz əlində deyil.

Dağlıq Qarabağ problemini Rusiya nəzarətdə saxlayır və idarə edir. Rusiya nə desə, o da olacaq. Rusiyanın istəyi olsa, müharibə olacaq, istəyi olmasa, atəşkəs davam edəcək.

Ermənistandakı seçki prosesləri Rusiyanın maraqları çərçivəsində baş verəcək. Ona görə də, burada Sərkisyanın qərarlarına yox, Rusiyanın qərarlarına baxmaq lazımdır".

Səxavət Məmməd
Ölkə.Az