Şərqdə gərginlik artır
Çin rəhbərliyi Koreya yarımadası ətrafında artan gərginlik fonunda Şimali Koreya ilə sərhəd rayonlarına 100 minlik ordu cəlb edib.
"Ölkə.Az" xəbər verir ki, paralel olaraq Şimali Koreya ordusu da hazırlıq vəziyyətinə gətirilib.
Bildirilir ki, bu ehtiyat tədbirləri aprel ayının ortalarından görülür. ABŞ son dövrlər dəfələrlə bəyan edib ki, nüvə-raket sınaqlarını dayandırmayan Şimali Koreyaya qarşı hərbi gücə əl ata bilər. Ötən il rəsmi Pxenyan iki nüvə və 20 ballistik raket sınağı həyata keçirib. Kosmosdan əldə edilən məlumatlara əsasən, Şimali Koreyanın şimali-şərqində yerləşən poliqonda 6 nüvə qurğusu partlayışa hazır vəziyyətdədir.
Qeyd edək ki, hazırda ABŞ hərbi donanmasının təyyarədaşıyan kreyseri Koreya yarımadasına yaxınlaşır. Paralel olaraq yaponlarla amerikalılar hərbi təlimlər keçirirlər.
Hikmət
Ölkə.Az
