Sərxoş sürücü avtomobilini mağazaya çırpdı, xəsarət alanlar var — FOTOLAR

Sərxoş sürücü avtomobilini mağazaya çırpdı, xəsarət alanlar var
09:14
11.08.2018
3092
Hadisə
A
Binəqədi rayonunda yol-nəqliyyat hadisəsi zamanı 2 nəfər xəsarət alıb.

"Ölkə.Az" Report-a istinadən xəbər verir ki, hadisə Biləcəri qəsəbəsində baş verib.

39 yaşlı Ağayev Anar Elşad oğlu idarə etdiyi "Opel" markalı avtomobillə yüksək sürətlə hərəkətdə olan zaman ötmə əməliyyatı edib. Bu zaman qarşıdan gələn "Daewoo" markalı avtomobilə dəyib. Daha sonra idarəetmədən çıxan "Opel" yaxınlıqdakı mağazaya çırpılıb.

Nəticədə "Opel"-də olan sürücü A.Ağayev və sərnişin Ələsgər Babayev ağır bədən xəsarətləri alaraq 1 saylı Kliniki Tibbi Mərkəzə yerləşdirilib.

Qəzanı törətməkdə şübhəli bilinən "Opel"-in sürücüsü A.Ağayev sərxoşluğun müayinə məntəqəsinə aparılıb. 

Bu zaman o, Binəqədi Rayon Polis İdarəsinin əməkdaşlarına tabe olmaqdan boyun qaçırıb.

O, polis əməkdaşlarının köməkliyi ilə Binəqədi RİP-ə aparılıb.

Faktla əlaqədar araşdırmalara başlanılıb. 

ŞƏRH YAZ
0

Lerikdə maşın aşıb, ölən var

Lerikdə maşın aşıb, ölən var
17:23
Bu gün
168
Hadisə
A
Lerik rayonunun Vıjaker kəndi ərazisində yol-nəqliyyat hadisəsi baş verib.

DİN-dən "Ölkə.Az"a verilən məlumata görə, oktyabrın 14-də saat 14 radələrində Lerik rayonunun Vıjaker kəndi ərazisində kənd sakini Nazim Şərifov idarə etdiyi “QAZ-66” markalı avtomobili aşırıb. Nəticədə sərnişini, Conu kənd sakini Təvəkkül Mirzəyev hadisə yerində ölüb.

Lerik RPŞ tərəfindən araşdırma aparılır.

ŞƏRH YAZ
0

Şabranda yeniyetmə qonşusunu güllələdi

Şabranda yeniyetmə qonşusunu güllələdi
15:40
Bu gün
204
Hadisə
A
Oktyabrın 13-də Şabran rayonunun Zeyvə kənd sakini Mahir Şıxəliyev qırma yaraları ilə xəstəxanaya gətirilib və həmin gün orada ölüb.

DİN-dən "Ölkə.Az"a verilən xəbərə görə, polis və prokuroluq orqanlarının əməkdaşları tərəfindən aparılan araşdırmalar zamanı qonşusu olan bir yeniyetmənin ov tüfəngi ilə ehtiyatsız davranması nəticəsində açılmış atəşlə M.Şıxəliyevin baş nahiyəsinə xəsarət yetirməsi müəyyən edilib.

Yeniyetmə saxlanılıb, “TOZ-12” və “İJ-16” markalı tüfənglər maddi sübut kimi götürülüb. 
Faktla bağlı cinayət işi başlanılıb.

ŞƏRH YAZ
0
BAĞLA