Ərdoğan səslərin yarıdan çoxunu yığıb — YENİLƏNİB

Ərdoğan səslərin yarıdan çoxunu yığıb
23:57
24.06.2018
13186
Dünya
A
Türkiyədə keçirilən növbədənkənar prezident seçkilərində səslərin 96,19 faizi hesablanıb.

“Ölkə.Az” xəbər verir ki, hazırki prezident Rəcəb Tayyib Ərdoğan 52,60 faiz səslə liderdir.

Digər namizədlərin səs göstəriciləri isə aşağıdakı kimidir:

Məhərrəm İncə - 30,70 faiz
Səlahəddin Dəmirdaş – 8 faiz
Meral Akşenər – 7,40 faiz
Temel Karamollaoğu – 0,80
Doğu Perinçek – 0,20

***

Son rəqəmlərə görə, Türkiyədə keçirilən növbədənkənar prezident seçkilərində prezident Rəcəb Tayyib Ərdoğan 53 faiz səs toplayıb.

“Ölkə.Az” Türkiyənin Mərkəzi Seçki Komissiyasına (YSK) istinadən xəbər verir ki, hazırda səslərin 92,29 faizi hesablanıb. 

Cümhuriyyət Xalq Partiyası (CHP) namizədi Məhərrəm İncə - 30,50% səs, Demokrat Xalq Partiyasının (HDP) namizədi Səlahəddin Dəmirdaş - 7,80%, yeni qurulan «İyi parti»nin namizədi Meral Akşener 7,40%, “Səadət" partiyasının (SP) namizədi - Temel Karamollaoğlu 0,90% və "Vətən" partiyasının namizədi - Doğu Perinçek 0,20% səs toplayıblar.

***

Türkiyədə keçirilən növbədənkənar prezident seçkilərində hesablanan səslərin daha bir qismi açıqlanıb.

“Ölkə.Az” xəbər verir ki, son rəqəmlərə görə, səslərin 80,64 faizi sayılıb. Sayılan səslərin 54,20 faizini hazırki prezident Rəcəb Tayyib Ərdoğan, 29,90 faizini CHP-nin namizədi Məhərrəm İncə, 7,40 faizini Meral Akşener, 7,20 faizini Səhaləddin Dəmirdaş yığıb.

***

Türkiyədə keçirilən prezident seçkilərində səslərin 68,19 faizi hesablanıb.

“Ölkə.Az” xəbər verir ki, ölkənin hazırki prezidenti Rəcəb Tayyib Ərdoğan 55,20 faiz səslə səsvermədəki liderliyi hələ də əldən verməyib. Səslərin 29,30 faizini CHP-nin namizədi Məhərrəm İncə yığıb. 

***

Türkiyədə keçirilən növbədənkənar prezident seçkilərindən sonra səslərin 46,63 faizi hesablanıb.

“Ölkə.Az” Türkiyə mətbuatına istinadən xəbər verir ki, nəticələrə görə, səsverməyə hazırki prezident Rəcəb Tayyib Ərdoğan liderlik edir. O, səslərin 56,70 faizini yığıb. Onun CHP-dən olan rəqibi səslərin 28,40 faizinə yiyələnib. 

***

Türkiyədə keçirilən növbədənkənar prezident seçkilərinin ilkin nəticələri açıqlanıb.

“Ölkə.Az” xəbər verir ki, məlumatı Türkiyə Mərkəzi Seçki Komissiyası açıqlayıb. Rəsmi rəqəmlərə görə, Türkiyənin hazırki prezidenti Rəcəb Tayyib Ərdoğan hesablanan 34,29 faiz səsin 57,40 faizini topayıb.

Onun seçkidəki rəqibi CHP-dən namizəd olan Məhərrəm İncə səslərin 27,90 faizini yığıb. Meral Akşener isə 7,4 faiz səsə yiyələnib.

Bu isə səslərə Ərdoğanın liderlik etdiyini göstərir.

Ölkə.Az

 

ŞƏRH YAZ
0

Cənubi Afrikada sərnişin təyyarənin qəzaya düşməsini lentə aldı — VİDEO

Cənubi Afrikada sərnişin təyyarənin qəzaya düşməsini lentə aldı
18:51
Bu gün
94
Dünya
A
Cənubi Afrikada sərnişin təyyarəsi qəzaya uğrayıb.

“Ölkə.Az” xəbər verir ki, sərnişinlərdən biri qəzanı lentə alıb. Lentə alan şəxs sol cərgədə oturub. O, mühərriki od tutan laynerin enişini lentə almağı bacarıb.
“Hər şey getdikcə pisləşir. Çox pisdir”, - deyə kişi kadr arxasında deyir.

Sonra isə ekran qaralır, zərbə səsi gəlir və tüstülənən salon görünür. Sərnişinlər təxliyə edilir.

Qeyd edək ki, insident Pretoriya yaxınlığında baş verib. Nəticədə 2 nəfər həlak olub, 20 nəfər xəsarət alıb.

Hikmət Həsənov
Ölkə.Az

ŞƏRH YAZ
0

Rusiyanın ən gözəl həkimi qalmaqala səbəb oldu — FOTOLAR

Rusiyanın ən gözəl həkimi qalmaqala səbəb oldu
17:57
Bu gün
552
Dünya
A
Rusiyanın ən gözəl həkimi sayılan 26 yaşlı Anastasiya İvaşevskayanın evdə çəkdiyi açıq-saçıq fotolar sosial şəbəkədə qalmaqala səbəb olub.

“Ölkə.Az” xəbər verir ki, onun bu fotoları səhiyyə sektorunda çalışanların sərt reaksiyasına səbəb olub.

Səhiyyə işçiləri Anastasiyadan bu fotoları silməyini tələb ediblər. Digər sosial şəbəkə istifadəçiləri isə “sizi görmək üçün harada ölə bilərəm” tipli rəylər yazıblar. Bəzi həkimlər isə təcili tibbi yardımda həkim işləyən Anastasiyanın hərəkətlərinə görə Səhiyyə Nazirliyinə çağırış ediblər.

Hikmət Həsənov
Ölkə.Az

ŞƏRH YAZ
0
BAĞLA