Ərdoğan səslərin yarıdan çoxunu yığıb — YENİLƏNİB

Ərdoğan səslərin yarıdan çoxunu yığıb
23:57
24.06.2018
13859
Dünya
A
Türkiyədə keçirilən növbədənkənar prezident seçkilərində səslərin 96,19 faizi hesablanıb.

“Ölkə.Az” xəbər verir ki, hazırki prezident Rəcəb Tayyib Ərdoğan 52,60 faiz səslə liderdir.

Digər namizədlərin səs göstəriciləri isə aşağıdakı kimidir:

Məhərrəm İncə - 30,70 faiz
Səlahəddin Dəmirdaş – 8 faiz
Meral Akşenər – 7,40 faiz
Temel Karamollaoğu – 0,80
Doğu Perinçek – 0,20

***

Son rəqəmlərə görə, Türkiyədə keçirilən növbədənkənar prezident seçkilərində prezident Rəcəb Tayyib Ərdoğan 53 faiz səs toplayıb.

“Ölkə.Az” Türkiyənin Mərkəzi Seçki Komissiyasına (YSK) istinadən xəbər verir ki, hazırda səslərin 92,29 faizi hesablanıb. 

Cümhuriyyət Xalq Partiyası (CHP) namizədi Məhərrəm İncə - 30,50% səs, Demokrat Xalq Partiyasının (HDP) namizədi Səlahəddin Dəmirdaş - 7,80%, yeni qurulan «İyi parti»nin namizədi Meral Akşener 7,40%, “Səadət" partiyasının (SP) namizədi - Temel Karamollaoğlu 0,90% və "Vətən" partiyasının namizədi - Doğu Perinçek 0,20% səs toplayıblar.

***

Türkiyədə keçirilən növbədənkənar prezident seçkilərində hesablanan səslərin daha bir qismi açıqlanıb.

“Ölkə.Az” xəbər verir ki, son rəqəmlərə görə, səslərin 80,64 faizi sayılıb. Sayılan səslərin 54,20 faizini hazırki prezident Rəcəb Tayyib Ərdoğan, 29,90 faizini CHP-nin namizədi Məhərrəm İncə, 7,40 faizini Meral Akşener, 7,20 faizini Səhaləddin Dəmirdaş yığıb.

***

Türkiyədə keçirilən prezident seçkilərində səslərin 68,19 faizi hesablanıb.

“Ölkə.Az” xəbər verir ki, ölkənin hazırki prezidenti Rəcəb Tayyib Ərdoğan 55,20 faiz səslə səsvermədəki liderliyi hələ də əldən verməyib. Səslərin 29,30 faizini CHP-nin namizədi Məhərrəm İncə yığıb. 

***

Türkiyədə keçirilən növbədənkənar prezident seçkilərindən sonra səslərin 46,63 faizi hesablanıb.

“Ölkə.Az” Türkiyə mətbuatına istinadən xəbər verir ki, nəticələrə görə, səsverməyə hazırki prezident Rəcəb Tayyib Ərdoğan liderlik edir. O, səslərin 56,70 faizini yığıb. Onun CHP-dən olan rəqibi səslərin 28,40 faizinə yiyələnib. 

***

Türkiyədə keçirilən növbədənkənar prezident seçkilərinin ilkin nəticələri açıqlanıb.

“Ölkə.Az” xəbər verir ki, məlumatı Türkiyə Mərkəzi Seçki Komissiyası açıqlayıb. Rəsmi rəqəmlərə görə, Türkiyənin hazırki prezidenti Rəcəb Tayyib Ərdoğan hesablanan 34,29 faiz səsin 57,40 faizini topayıb.

Onun seçkidəki rəqibi CHP-dən namizəd olan Məhərrəm İncə səslərin 27,90 faizini yığıb. Meral Akşener isə 7,4 faiz səsə yiyələnib.

Bu isə səslərə Ərdoğanın liderlik etdiyini göstərir.

Ölkə.Az

 

ŞƏRH YAZ
0

Minsk şəhərində “Bakı Bulvarı” — FOTOLAR

Minsk şəhərində “Bakı Bulvarı”
16:08
Bu gün
48
Dünya
A
Belarusun paytaxtı Minsk şəhərinin mərkəzində - şəhər şurasının qarşısında artıq üçüncü ildir ki, Azərbaycan İcmaları Konqresinin təşəbbüsü və təşkilatçılığı ilə "Bakı bulvarı" adlı Azərbaycan mədəniyyəti günü keçirilir.

"Ölkə.Az" xəbər verir ki, Azərbaycan Milli mədəniyyətini, mətbəxini, adət və ənənələrini özündə əks etdirən festivalın təşkilinə Minsk şəhər İcraiyyə Komitəsi də dəstək göstərib.

Tədbirin çoxsaylı iştirakçıları arasında müxtəlif yerli dövlət nümayəndələri, şəhər meriyasının üzvləri, eyni zamanda Azərbaycan Respublikasının Diasporla İş üzrə Dövlət Komitəsinin təmsilçisi Elçin Soltanov, Azərbaycanın Belarusdakı Səfirliyinin nümayəndələri, Rusiyada yaşayan azərbaycanlı jurnalist, "MİSRA" xəbər portalının direktoru Fuad Abbasov və başqaları olub. 

Fetivalın açılışında çıxış edən E.Soltanov tədbirə toplaşan şəhər sakinlərini, qonaqları Dövlət Komitəsinin rəhbərliyi adından salamlayaraq iki xalq arasında dostluq əlaqələrinin inkişafında belə tədbirlərin əhəmiyyətini və diasporun xidmətlərini vurğulayıb. 


Festivalda Azərbaycan milli mahnı və rəqsləri iştirakçılara təqdim olunub, milli adətlərimizdən olan xınayaxdı mərasimi səhnələşdirilib, nərd oyunu və digər istirahət zonaları təşkil olunub. Qonaqlara Azərbaycanın milli şirniyyatları ilə çay içmək və mətbəximizin təamlarından dadmaq imkanı da yaradılıb. 

Tədbirdə həmçinin, aşpazların ustad dərsləri, milli xalçalarımızın və Azərbaycanın görməli yerlərinin, tarixi abidələrinin fotosərgisi təşkil olunub. Eyni zamanda balacalar üçün heyvanlarla təmasda ola biləcəklər zoopark və digər əyləncələr iştirakçıların ixtiyarına verilib.

Festival çərçivəsndə təşkil olunan müsabiqələrin qaliblərinə isə müxtəlif mükafatlar, o cümlədən Azərbaycana səhayət paketi təqdim olunub.

Konsert proqramında Azərbaycan və Belarus müğənniləri, o cümlədən Günəş Abbasova, Azərbaycanın xalq artistləri Lalə Məmmədova, Cahangir Qurbanov, Samir Cəfərov, "Sarı gəlin" rəqs ansamblı və digər qonaqlar iştirak edib.

Tədbir yerli mediada geniş işıqlandırılıb.

Vasif Həsənli
Ölkə.Az

ŞƏRH YAZ
0

Ərdoğan BMT-ni tənqid atəşinə tutdu: “Müəyyən güclərə xidmət edirlər”

Ərdoğan BMT-ni tənqid atəşinə tutdu: “Müəyyən güclərə xidmət edirlər”
12:17
Bu gün
281
Dünya
A
Türkiyə prezidenti Rəcəb Tayyip Ərdoğan BMT-nin 73-cü baş assambleyasından əvvəl Nyu-Yorkda çıxış edib.

“Ölkə.Az” xəbər verir ki, Ərdoğan qurumu sərt şəkildə tənqid edib.

“Bu qurumlar strukturlarına görə bir çox vaxt qlobal sülhdən çox müəyyən qüvvələrin maraqlarının qorunmasına xidmət edirlər”, - deyə Ərdoğan bildirib.
Türkiyə lideri bildirib ki, şəhid verərək keçirilən əməliyyatlar nəticəsində 260 min suriyalı vətəninə qayıdıb.  Ərdoğan Arakan, Suriya və Fələstində baş verənləri nəzərdə tutaraq deyib:

“Bütün bu problemlərin həll edilməməsində BMT Təhlükəsizlik Şurası kimi qlobal sülh və stabilliyin təminatçısı olan qurumların acizliyini qəbul edirik. Bu qurumların bir çox hallarda qlobal sülhdən çox, müəyyən qüvvələrin maraqlarının təmin edilməsinə xidmət etdiklərini bilirik”.

Hikmət Həsənov
Ölkə.Az

ŞƏRH YAZ
0
BAĞLA