Səudiyyə Ərəbistanı: "Qətərli hacılar üçün 7 təyyarə ayırmışıq"

"Ölkə.Az" xəbər verir ki, şirkət hacıları Məkkəyə aparmaq üçün Qətərin icazəsini gözləyir.

Bir müddət əvvəl Səudiyyə şirkəti Qətər hökumətindən Dohaya enmək üçün icazə almadıqlarını bildirmişdi. Bəzi Səudiyyə mətbuat orqanları isə bu məsələni Qətərin hacıları aparmaq üçün Səudiyyə Ərəbistanı şirkətinə qadağa qoyduğu kimi yayımlamışdı.

Amma Qətər hökuməti bildirib ki, məsələyə bu həftənin əvvəli cavab veriləcək. Çünki hacıların daşınması 22-25 avqust tarixlərinə, geriyə qaytarılması isə 5 sentyabra müəyyənləşdirilib.

Qətərin mülki aviasiya idarəsinin rəsmi nümayəndəsi isə bildirir ki, Qətərin Səudiyyə təyyarələrinə qadağa qoyması əsassızdır və "Saudi Airways" şirkətindən eniş tələbi alıblar. Amma prosedura əsasən məsələyə İslam məsələləri üzrə nazirlikdə baxılır.

Hikmət Həsənov
Ölkə.Az