Səudiyyə Kralı şahzadə oğlunun səlahiyyətlərini əlindən aldı
“Ölkə.Az” “Sputnik”ə istinadən xəbər verir ki, vəliəhd şahzadə Məhəmməd bin Salmanın iqtisadiyyat və maliyyə sahəsində qərar qəbul etməsi məhdudlaşdırılıb.
Vəliəhd şahzadə iki həftədir əhəmiyyətli tədbirlərdə iştirak etmir. Şahzadənin investisiya qərarlarına kralın adından yeni milli təhlükəsizlik müşaviri Musaed al-Aibanın nəzarət edəcəyi bildirilib.
Ata oğulun arasını vuran hadisə isə İstanbulda Səudiyyə Ərəbistanın səfirliyində jurnalist Camal Qaşıqçının öldürülməsi olub. Ər-Riyad rəhbərliyi cinayətdə şahzadənin rolu olduğu iddialarını tez-tez rədd etsə də, Məhəmməd bin Salmanın nüfuzunun sarsıldığı deyilir.
Son olaraq Rusiya xarici işlər naziri Sergey Lavrov Ər-Riyada həyata keçirdiyi səfər zamanı Məhəmməd bin Salman ilə bir araya gəlməyib. Hindistan və Çin səfirləri ilə və digər görüşlərdə də şahzadə iştirak etməyib.
Ölkə.Az
