Sevdiyiniz insan qayğı və diqqət tələb edir... — Ulduzların proqnozları

Sevdiyiniz insan qayğı və diqqət tələb edir...
00:26
20.06.2018
3827
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - günün ilk yarısında yaxın perspektivə yönəlmiş layihəyə başlamaq olar. Əlavə impulsdan yararlanın, enerjili çalışın. Aktiv insan təsiri bağışlayın.

Tənbəllik etməyin.

Günün ikinci yarısındakı situasiya sizdən problemlərin həllinə yaradıcı yanaşma ilə bahəm, dəqiqlik də tələb edəcək. 

Kommersiya üçün əlverişli zamandır.

Ailə üzvlərinin tələblərinə diqqətsiz qalmayın.

Buğa - günün ilk yarısında başlanan proseslər sizə sakit dövr vəd etmir.

Qarşınıza qoyduğunuz məqsədlərə çatmaq üçün yaxşıca çalışmalı, zəhmət çəkməli olacaqsınız. Nəticə isə gözləntilərinizə uyğun gəlməyə bilər.

Günün ikinci yarısında yeni layihə və ya təklif istisna deyil. Mümkün qədər səbrli, təmkinli olun. Şərikin və ya tərəfdaşın mövqelərini nəzər alın.
Axşam saatlarında qonaqlar gələ bilər. Yaxşı vaxt keçirəcəksiniz.

Əkizlər - süst və ətalətli olmayın. Maraqlı layihəyə başlamaq imkanları yaranıb. Təklifləri dərhal qəbul etməyin. Yüz ölçün, bir biçin. Mümkün variantlar arasında ən sərfəlisini və effektivini seçin.

Günün ikinci yarısında tələsməyin. Ünsiyyətdə kasadlıq müşahidə olunmayacaq. Orijinal ideyanı reallaşdıranda emosiyalara qapılmayın.

Sağlam qidalanın, rasiona fikir verin. Əks təqdirdə əhvalınız korlana bilər.

Xərçəng - kiçik risk və eksperimentlərdən qorxmayın. Nüfuzunuz, maddi durumunuz və yaxın perspektivdəki planlarınızı təhlükəyə ata biləcək addımlardan çəkinin. Yaxşı tanımadığınız insanlara etibar etməyin. 

Günün ikinci yarısında tərəfdaşlarla müttəfiqlərin sayını artırın. Maliyyə və əmlak məsələlərində anlaşılmazlıqlar yarana bilər. Sığorta, təzminat, ödəniş və s. məsələlərdə sərvaxt davranın.

Yaxınlarınızın qayığısına qalmaq söz yox, əməl tələb edir.

Şir - yaxşı imkanlar vəd edən gündür. Sərvaxt davranın, yaranan şansları dəyərləndirin. Yaşam mövqeləriniz və prioritetlərinizin əsasını aktivlik təşkil etməlidir. Bir yerdə qalsanız, işlərinizdə irəliləyişlərə nail ola bilməyəcəksiniz.

Günün ikinci yarısında bilik və bacarıqlarınızı artırın. Özünüzdən bədgüman qalmayın. Tənqidə sərt reaksiya verməyin. Bacarıqlarınızı və imkanlarınızı obyektiv dəyərləndirin. 

Axşam saatlarında gəzintiyə yollana bilərsiniz.

Qız - özünüzü pis hiss etməyəcəksiniz. Müxtəlif layihələrə başlamazdan əvvəl yaxşı düşünün. Mümkün dividendlərlə bahəm, məruz qala biləcəyiniz itkiləri dəyərləndirin.

Günün ikinci yarısında liderlik məziyyətlərinizi çəkinmədən nümayiş etdirin.

Rəqibləri üstələmək üçün obyektiv şərtlərdən maksimum istifadə edin.
Axşam saatlarını təbiət qoynunda keçirsəniz, əla olar. Yaxınlarınızla təmaslarda təmkinli, səbrli davranın. Anlaşılmazlıq yarada biləcək suallara zəmin yaratmayın.

Tərəzi - yaşananları dəqiq qiymətləndirin. Kobud səhvlərin fəsadları çox ağır ola bilər. İllüziyaların əsiri olmayın. Reallığı yanlış dəyərləndirsəniz, işlərinizdə axsamalar və ləngimələr olacaq.

Günün ikinci yarısında təriflərə aldanaraq fəaliyyət tempini aşağı salmayın uğurlar başınızı gicəlləndirməsin. Məqsədləri təftiş edin, daha yüksək səviyyəyə can atın.

Əqrəb - məqsədə doğru daha fəal hərəkət üçün yaxşı motivasiya var. Yaxın ətrafınızdakı insanların yardımlarından dəyərlənməyə çalışın. Zərurət yaranarsa, məsləhətlərə qulaq asın.

Günün ikinci yarısında intizamlı olun. Vaxtınızın qədrini bilin. Sevdiyiniz insan qayğı və diqqət tələb edir. 

Axşam saatlarında gəzintiyə çıxın.

Oxatan - günün ilk yarısı pozitiv və məhsuldar zaman vəd edir. Hadisələrin azarına kobud müdaxilə etməyin. Olayların nəzarətdən çıxmasına imkan verməyin.

Günün ikinci yarısında qayda və normalar çərçivəsindən kənara çıxmayın.

Riski gərəkli saysanız belə, qanun və normaları tapdalamayın. Yaxın ətrafınızdakı insanlarla münsibətlərdə mövqelərinizin sərhədlərini dəqiq müəyyənləşdirin. 

Axşam saatlarında kimsəyə imkan verməyin ki, sizə kobud təzyiqlər etsin.

Oğlaq - müsbət emosiyalar, xoş hadisələr vəd edən gündür. Uzun müddətdən bəri sərf etdiyiniz əməyin bəhrəsini görə biləcəksiniz. İşinizdə və şəxsi münasibətlərinizdə irəliləməyə çalışın.

Günün ikinci yarısında hər hansı tipdə və ya formada riskdən uzaq durun.

Şübhəli əməliyyatlara, fırıldaqlara qatılmayın. 

Axşam saatlarını sevdiyiniz insana sərf edin.

Dolça - rutin işlərdən usanmayın. Bu işləri sizin əvəzinizə kimsə görəsi deyil.

Əməyinizin qədrini bilin, işləri yarımçıq qoymayın. Fəaliyyətinizdə iradəli olun.

Günün ikinci yarısında emosiyalar burulğanına düşərək qarşınıza qoyduğunuz məqsədi unutmayın. Başqalarının uğurlarına paxıllıq etməyin. İrəliləyiş üçün var qüvvə ilə işləyin.

Axşam saatlarında normal istirahət edin.

Balıqlar - maddi məsələlərə xüsusi diqqət yetirin. Ödəniş qabiliyyəti və maliyyə problemlərinin həlli xüsusi əhəmiyyət kəsb edir. Stabillik axtarışları sizi iş yerini dəyişməyin labüdlüyü ilə bağlı fikirlərə tuş etməsin.

Günün ikinci yarısında gəlir mənbələrini artırmağa çalışın. Karyera perspektivlərini düşünün. Yaxın gələcəklə bağlı planları dəyişmək olar.

Dəyər verdiyiniz insanlara, ailə üzvlərinizə və qohumlarınıza yetərincə vaxt ayırın.

Axşam saatlarında gəzintiyə çıxmaq olar. 

Ölkə.Az

ŞƏRH YAZ
0

Gərgin, hadisələrlə zəngin və yorucu gündür — Günün qoroskopu

Gərgin, hadisələrlə zəngin və yorucu gündür
01:29
Bu gün
1681
Maraqlı
A
"Ölkə.Az" milli.az-a istinadən günün qoroskopunu təqdim edir:

Qoç - ehtiyatlı və sayıq olun. Mühüm, maraqlı, əhəmiyyətli hadisələr baş verə bilər. Heç nəyi diqqətdən qaçırmayın. Gördüklərinizi təhlil edin. Faktları normal müqayisə edə bilsəniz, bədxahlarınızı geridə qoymağınıza imkan verəcək addımlar ata bilərsiniz.

Günün ikinci yarısında səhv etmək çox asandır. Şəxsi münasibətlərdə ciddi problemlər yarana bilər. Dəyər verdiyiniz təmaslar sonuclana bilər. Maliyyə durumu stabilliyi ilə fərqlənmir. Tələsik qərarlar qəbul etməyin.

Buğa - qələbələr və nailiyyətlər əldə etmək çətindir. Fəqət yaxşı çalışıb səy göstərsəniz, irəliləyəcəksiniz. Əməyinizin müqabilində ödəniş pis olmayacaq. Taleyə şikayətlənməyə dəyməz.
İşlərinizdə aktiv və enerjili olun. Günün ikinci yarısında sizi maraqlı tanışlıq gözləyir.
Mövqe və baxışlarınızı gizləmək istəməyərək yaxın ətrafınızdakı insanlara onların eşitmək istəmədikləri sözləri deyirsiniz.
Düz söz danışanı kimsə sevmədiyindən bir qədər ehtiyatlı olun. Rəğbət bəslədiyiniz insanlarla əlaqələri sərinlətməyin.

Əkizlər - zəruri ehtiyac olmadan risk etiməyin, tələsik addımlar atmayın. Yaxın ətrafınızdakı insanların sizdən kəskin şəkildə narazı qalmalarına imkan verməyin. Sizi intriqalara cəlb etməyə, təxribatlara çəkməyə çalışırlar. Yaxşı tanımadığınız insanların boş vədlərinə uymayın. Bədxahlarla düşmənlərin sayını artırmayın. İşgüzar ünsiyyət baxımından çox çətin gündür. Şəxsi münasibətlərdəki çətinliklərin sayını artırmayın.
Yaxınlarınız sizi sevir, dəyər verirlər.
Rasionunuza fikir verin. Tamahkarlıq etməyin. Fiziki işi azaldın.

Xərçəng - çətinliklərə və anlaşılmazlıqlara rəğmən konstruktiv çalışın. Son həftələr ərzində sizi narahat edən problemləri həll etmək imkanlarınız var. Bunun üçün qeyri-standart addımlar atmaq gərəkdir. Şablon təfəkkür zərərlidir.
Birgə layihələrə qatılın, əməkdaşlıq təmaslarında fəal olun.
Probleminizlə bağlı dövlət qurumlarına baş çəkə bilərsiniz.
Axşam saatları bilik və bacarıqların artırılması, yaradıcılıq üçün əlverişlidir.

Şir - Etiraf etmək istəməsəniz də, bu gün yaşanan münaqşələrin tam əksəriyyətinin səbəbkarı sizsiniz. Yaxınlarınızı mənasız iradlar və yersiz hərəkətlərlə qıcıqlandırmayın.
Dəvət aldığınız tədbirə yollanmayın. Amma o tədbirə getməkdə qərarlısınızsa, diqqət mərkəzində olmamağa çalışın. Alış-veriş məsləhət deyil.

Qız - maliyyə baxımından əlverişli gün deyil. Xərclər və məsrəflər çoxdur. Sərmayə kimi yatırdığınız pulların yaxın zamanda "qayıdış" ehtimalı azdır.
Alış-veriş üçün münasib gün deyil. Bu gün alacağınız əşyalar gözləntilərinizi doğrultmayacaq. Yaşam potensialı səviyyəsi aşağıdır. Adi günlərdən fərqli olaraq daha çox yorulursunuz. Hətta ən sadə və rutin işlər sizə mürəkkəb, yorucu təsir bağışlayır.
Dostlarla görüşlər, qonaq qəbul etmək üçün əlverişli gündür. Yaxınlarınızın yanında özünüzü rahat hiss edəcək, bir çox problemləri unudacaqsınız. Kiçik səfər və ya səyahət üçün əlverişli zamandır. Lakin sükan arxasında olmayın.
Axşam saatları ailəvi istirahət üçün münasibdir.

Tərəzi - rəğbət bəslədiyiniz insanlara yardım edin, onlarla birlikdə işləməyə çalışın. Yaxın ətrafınızdakı insanlar sizinlə maraqlanırlar. Gün xoş görüşlər, ilginc tanışlıqlar, yeni layihələr vəd edir.
Yeni və ciddi romantik münasibətlərin əsasını qoyula bilər. Dəyişikliklər yaşamınızda önəmli rol oynaya bilər.
Maliyyə baxımından əlverişli gündür. Gəlir, uğurlu investisiya, sərfəli alış-veriş istisna deyil. Nüfuzlu insanlarla təmaslar və danışıqlar üçün əlverişli zamandır. Hami, investor tapa bilərsiniz.

Əqrəb - ilk baxışdan göründüyünün tam tərsinə olaraq irəliləyiş və uğur çətin deyil. Başlayacağınız işlərin bəzilərini tanıdığınız insanlar görə bilmirlər. Özünüzə əmin, qətiyyətli olun ki, ətrafınızdakı insanlar da sizdən ibrət alsınlar.
Köç və ya iş yerini dəyişmək üçün pis gün deyil.
Yeni tərəfdaşlarla əməkdaşlıq başlana bilər. Onlar uzun çək-çevir olmadan sizə kart-blanş verəcəklər və nəticədə mühüm qərarları təkbaşına qəbul edə biləcəksiniz.
Kommersiya layihəsi gəlir vəd edir.

Oxatan - müsbət təmayüllərin təsiri güclənir. Gün uğurludur. İşgüzar aktivlik səviyyəsi yüksəkdir və bu, sizə rəqiblərinizlə müqayisədə daha yaxşı mövqelər əldə etməyə imkan verir.
Biznesin genişləndirilməsi, iri sövdələşmə və anlaşmalar üçün əlverişli gündür. Genişmiqyaslı layihə çərçivəsində işə başlamaq olar. Bir şərtlə ki, uzun müddət ərzində bütün vaxtınızı bu işə həsr etməyə hazır olasınız.
Şəxsi münasibətlərdə təşəbbüskar olun. Yaxınlarınızı işlərinizə cəlb etməkdən çəkinməyin. Ehtiyacınız olan yardımı alacaqsınız. Qısamüddətli səfərlər pozitiv emosiyalar bəxş edəcək.

Oğlaq - gün sürprizlərlə doludur. Onların hamısı xoş deyil. Hər şeyə rəğmən pozitiv əhval-ruhiyyə problemləri çözməyə və sədləri dəf etməyə, qarşınızda yaranan imkanlardan tam yararlanmağa şərait yaradır.
Bahalı və xoş hədiyyələr istisna deyil.
Şəxsi həyatınızdakı dəyişikliklər ciddi səciyyəli ola bilər. Bir sıra məqamlar istəklərinizdən asılıdır. Səfərdə, yolda ehtiyatlı olun. Hər hansı formada riskə yol verməyin.
Axşam saatlarını evdə keçirin.

Dolça - gərgin, hadisələrlə zəngin və yorucu gündür. Ruhdan düşməyin, irəliləyin. Nə üçün çalışdığınızı anlayın. Qarşınıza qoyduğunuz məqsəd ciddi və konkret olmalıdır. Qohumlarınız işlərinizə qarışmağa çalışacaqlar. Münaqişəyə yol verməmək üçün onlara başa salın ki, işlərin çəmini anlayırsınız. Bu və digər situasiyada necə davranmaqla bağlı məsləhət gözləməyin.

Mühüm məsələləri həll etmək olar. Köç və ya iş yerinin dəyişdirilməsi ilə bağlı düşünmək olar. Tələsik addım atmayın, sağlam məntiqlə davranın. Belə olarsa, yanlışlıq və səhv riski azalacaq.

Balıqlar - istənilən işə başlamaq olar. Dostlar, tərəfdaşlar və yaxınlar sizi dəstəkləməyə hazırdırlar. Çoxdan bəri reallaşdırmaq istədiyiniz planı həyata keçirmək üçün münbit şəraitdir. Aktiv olun, süstlük etməyin. Çətin situasiyalarda bel bağlamağa adət etdiyiniz insanın dəstəyini itirə bilərsiniz.
Yaxınlarınızla münasibətlər birmənalı deyil. Bəzi məqamlar açıqlanmır. Sirlərin çox olduğu şəraitdə qarşılıqlı anlaşma çətinləşir.
Bundan başqa, aldığınız informasiyaların əksəriyyəti səhih deyil. Nəyin yanlış, nəyin dürüst olduğunu dəqiqləşdirin.

Ölkə.Az

ŞƏRH YAZ
1

Uşaq ensiklopediyasında biabırçı səhv — FOTO

Uşaq ensiklopediyasında biabırçı səhv
23:57
23.02.2019
2846
Maraqlı
A
Sosial şəbəkədə uşaq ensiklopediyasında biabırçı səhvin olduğunu əks etdirən şəkillər yayılıb.

“Ölkə.Az” xəbər verir ki, fotolarda Perunun pul vahidinin adının tərcüməsində edilən yalnışlıq əks edilib.

“Diqqət yetirin “Mən dünyanı öyrənirəm” uşaq ensiklopedik toplusunda müəlliflər Peru haqqında məlumatda, dəhşətə gətirəcək tərcüməylə yazıblar ki, Perunun pul vahidi “Təzə Duz” dur. Sol pul vahidini rus dilində sanıb duz kimi tərcümə ediblər. Bunu öyrənən uşağın ilk bilgiləri bu qədər yanlışlar üzərində kök atarsa nələr olar...",-deyə istifadəçilərdən biri yazıb.

Ölkə.Az

ŞƏRH YAZ
0
BAĞLA