Sevdiyiniz insanla mübahisə etməyin, təmasları sərinlətməyin — Günün qoroskopu

Sevdiyiniz insanla mübahisə etməyin, təmasları sərinlətməyin
09:00
17.09.2019
11187
Maraqlı
A
"Ölkə.Az" günün ulduz falını təqdim edir:

Qoç - Yetərincə mürəkkəb gündür. Ciddi və mürəkkəb iş planlaşdırmasanız da, çətinliklərlə qarşılaşacaqsınız. İstəmədiyiniz işi görmək zərurəti yaranacaq. Dəstəyinə və ya yardımına bel bağladığınız insanlar vədlərini yerinə yetirməyəcəklər. Buna görə də tək işləməlisiniz.

Günün ikinci yarısında uzaq qohumlardan biri xoş olmayan xəbər gətirəcək.

Özünüzü qoruyun. Travma riskinin artdığı zamandır. Xəstələnsəniz, sağalma prosesi uzun çəkəcək. Sevdiyiniz insanla mübahisə etməyin, təmasları sərinlətməyin. Məntiqli, ağıllı olun.

Buğa - Məqsədə çatmaq üçün müəyyən qurbanlar vermək gərəkdir. Planları reallaşdırmaq üçün nəzərdə tutulduğundan daha çox vaxt və maliyyə vəsaitinin gərəkli olacağına hazırlaşın. Hər şey ilkin variantlara uyğun olmayacaq.

Günün ikinci yarısında yaşam prioritetlərini bir daha dəqiqləşdirin. Qarşınızda duran vəzifələri, həllini gözləyən problemləri saf-çürük edin, görüləsi işlərin aktuallığını dəyərləndirin.

Hədəfdən yayınmayın, yolunuzdan sapmayın. Qətiyyətli olun, qorxmayın.

Əsla geri çəkilməyin.

Əkizlər - Darıxdırıcı və rutin gündür. Yaddaqalan təəssüratlar, qeyri-adi görüşlər istəyirsiniz. Onların heç biri olmayacaq. Ciddi dəyişikliklərə can atmayın. Cəhdlər uğursuzdur. Yaxınlarınızla fikir ayrılıqları yarana bilər. Mövqelərinizi müdafiə edin, yersiz güzəştə getməyin.

Günün ikinci yarısında müzakirə və ya diskussiya zamanı soyuqqanlı olun. Əks təqdirdə danışıqlar qarşılıqlı iradlara və tənqidlərə çevriləcək.

İmiclə eksperimentlər etməyin. Ənənəvi prosedurlara üstünlük verin.

Xərçəng - Yaşananlara daha nikbin nəzərlərlə baxın. Proseslər o qədər də pis deyil. Yeni imkanlar yaranır, sərfəli perspektivlər formalaşır. İntuisiyanıza, işgüzar duyumunuza güvənə bilərsiniz. Yaxın ətrafınızdakı insanların məsləhətlərinə çox qulaq asmayın. Onlar situasiya ilə bağlı müfəssəl məlumatlara, yerinə yetirilməli işlə bağlı təfərrüatlı informasiyalara malik deyillər.

Günün ikinci yarısında yanlış xəbərlərə aldanmayın. İnnovasiyalardan yararlanın, zamanla ayaqlaşın. Hadisələrin nəbzini tutun.

Şir - Uğurlar zəhmət və cəhdlərlə düz mütənasib olacaq. Nəyəsə nail olmaq istəyirsinizsə, tənbəllik etməyin. Kimsənin yardımına və ya köməyinə bel bağlamayın. Müstəqil olun, təkbaşına işləyin. Yaxınlarınız sizə yardım etməyə tələsməyəcəklər.

Günün ikinci yarısında yaşlı qohumlardan biri ilə fikir ayrılıqları yaranacaq. Ciddi münaqişəyə yol verməyin.

İdmanla məşğul olmaq üçün yaxşı zamandır. Sağlamlıq prosedurlarını unutmayın. Pəhriz saxlamağa başlasanız, qaydalara riayət etmək çətinlik yaratmayacaq.

Qız - Astagəl və tənbəl olmayın. Süst insanın qalib gəlməsi, uğur qazanması mümkün deyil. Məqsədə çatmaq üçün var qüvvənizlə çalışmalısınız. Təcrübəli və bilikli olduğunuz sahədə fəaliyyətinizi aktivləşdirin.

Günün ikinci yarısında bəzi məsələlərin çözümünü yaxın ətrafınızdakı, etibar etdiyiniz insanlara həvalə etmək olar. Həmkarlar və tərəfdaşlarla aktiv işbirliyində olun. Biliklərin artırılması, peşə məziyyətlərinin yüksəldilməsi üçün yaxşı gündür.

Orqanizminizə fikir verin. İzafi çəkidən qurtulmağın zamanı deyilmi?

Tərəzi - Yeniliklər və fərqli layihələrin həyata keçirilməsi üçün ən yaxşı günlərdən biri deyil. Rutin məsələlərin həllinə, cari işlərin görülməsinə xüsusi diqqət ayırın. Genişmiqyaslı işləri ertələmək də olar.

Yaranmış şanslardan maksimum istifadə edin. Maraqlarınızı başqalarının mənafelərinə qurban verməyin.

Günün ikinci yarısında dostlardan və ya qohumlardan biri yardım üçün sizə müraciət edəcək. Mövcud çətin situasiyadan çıxış yollarını birgə arayın. Son qərarı verməyə tələsməyin.

Eqoist insan təsiri bağışlamayın.

Əqrəb - Parlaq, yaddaqalan gün olacaq. Günün ilk yarısı xoş xəbər və ya dəyər verdiyiniz insanla görüş sizi sevindirəcək. Yeni tanışlıqlar üçün əlverişli zamandır. Amma əsla romantikaya dalmayın.

Günün ikinci yarısında diqqət tələb edən mürəkkəb işə başlayın. Müsbət təmayüllərin təsiri güclənəcək. Sürpriz və etiraf istisna deyil.

Axşam saatlarında normal istirahət edin.

Oxatan - Günün ilk yarısında situasiyaya kəskin müdaxilələr edərək hadisələrin axarını köklü şəkildə dəyişməyə can atmayın. Hər şeyi nəzarətdə saxlamaq mümkün deyil. Daha təcrübəli həmkarınız və ya tərəfdaşınızın məsləhətinə ehtiyacınız var. Yaxın ətrafınızdakı insanlarla dil tapmağa çalışın.

Günün ikinci yarısında yarımçıq işlərin hamısını başa vurmağa çalışın. Tələsməyin, düşünülməmiş addımlar atmayın. Səbrli davranın. Emosiyaların əsirinə çevrilməyin.

Axşam saatlarını əyləncəyə həsr edin.

Oğlaq - Vurnuxmadan və tələskənlikdən kənar durun. Təcili işlərdən yan qaçmayın, hadisələrin axarını diqqətlə izləyin. Başqalarının problemlərinin həllinə can ataraq öz çətinliklərinizi unutdurmayın. Əsas məqsədləri müəyyənləşdirin.

Günün ikinci yarısında fəaliyyət müstəvinizi genişləndirin. Təmasları aktivləşdirin. Şərtlərə əməl etsəniz, ödənişlər vaxtında ediləcək. Əməkdaşlığın təfərrüatlarını əvvəlcədən dəqiqləşdirin.

Axşam saatlarını dəyər verdiyiniz insanlara həsr edin.

Dolça - Ətalətli, süst, astagəl olmayın. İndiyədək sizə maraqlı və cazibədar təsir bağışlayan işlərin bəzilərinin gerçək mahiyyətini anlayacaqsınız. Gündəlik qayğıları qulaqardına vurmayın. Yaşam məkanı, daşınmaz əmlak və ailə üzvlərinin problemləri ilə bağlı laqeyd davranmayın.

Günün ikinci yarısında yarımçıq işləri başa vurun. Yaxın ətrafınızdakı insanlardan birinin ideyasını dəyərləndirsəniz, gəlir əldə edə bilərsiniz.

Axşam saatlarını evdə keçirin. Hobbinizə vaxt ayırın.

Balıqlar - Günün ilk yarısından rutin işlərin və adi problemlərin sayı artacaq. Karyera inkişafı ilə bağlı konkret addımlar atmaq üçün əlverişli zaman deyil. İşdə rəhbərlik təşəbbüslərinizi dəstəkləməyəcək.

Günün ikinci yarısında çətinliklərin həllində kreativ olun. İntuisiyanızı dinləyin. Bədxərclik etməyin, alış-verişdə diqqətli olun.

Axşam saatlarında yaxşıca istirahət etməyə çalışın.

Ölkə.Az

ŞƏRH YAZ
0

Uşaqlarda psixi sıxıntılardan xəbər verən 15 əlamət — Valideynlərin DİQQƏTİNƏ!

Uşaqlarda psixi sıxıntılardan xəbər verən 15 əlamət
07:11
Bu gün
2159
Maraqlı
A
Azyaşlı uşaqların psixikasında olan dəyişikliklər bəzən keçid dövrü, yaş sindromu və ya uşağın kaprizli xarakteri ilə səhv salınır. Bəs hansı əlamətlər artıq həqiqi psixi pozulmaların siqnalıdır?

"Ölkə.Az" medicina.az-a istinadən psixiatr Aziz Mustafayevin bu barədə tövsiyələrini təqdim edir.

Uşaqlarda bu əlamətlərdən ən azı 10-u varsa:

  1. Bağçada və məktəbdə olan davamlı problemlər
  2. Digər uşaqlar və heyvanlar ilə qəddar davranır.
  3. Özünə xəsarət yetirir.
  4. Yaxınları (ailə və dostlar ilə) ünsiyyətdən qaçır.
  5. Əhval ruhiyyəsi tez-tez, səbəbsiz olaraq dəyişir.
  6. Çox güclü emosiyalar yaşayır (aqressiya, qorxu)
  7. 7. Davamlı yorğun və həvəssizdir.
  8. Diqqətini cəmləməkdə və intellektual fəaliyyətdə sıxıntı yaşayır.
  9. Yuxu problemləri var( tez tez oyanir, dəhşətli yuxular görür, gecələr yatmır).
  10. Zahirinə və geyiminə qarşı diqqətsizdir (əşyalarına və otağına qarşı da o cümlədən)
  11. Çoxsaylı bədənsəl sıxıntıları vardır (baş ağrıları, mədə bağırsaq sıxıntıları, ürək döyünmə, boğulma)
  12. Normaldan daha çox və daha az yemək.
  13. Oğurluq və yalan danışma halları( davamlı)
  14. Kompüter və telefon ilə böyük zaman keçirmə,oyunlara aludəçi olması.
  15. Sidiyini idarə edə bilməməsi (enurez)

Bu hallar varsa, usağı psixiatra göstərmək lazımdır. Xatırladaq ki, nevroloq bu problemlərlə məşğul olmur.

Ölkə.Az

ŞƏRH YAZ
1

“Marsda həyat izləri 40 il əvvəl tapılıb” — NASA-nın keçmiş alimi

“Marsda həyat izləri 40 il əvvəl tapılıb”
01:58
Bu gün
1475
Maraqlı
A
NASA-nın keçmiş alimi Gilbert Levin bəyan edib ki, Marsda həyat izləri hələ 40 il əvvəl tapılıb.

“Ölkə.Az” report-a istinadən xəbər verir ki, bu barədə alimin “Scientific American” portalındakı məqaləsində deyilir.

Levin, araşdırmanın 1976-cı ildə “Vikinq” proqramı çərçivəsində həyata keçirildiyini bildirib. O, qeyd edib ki, proqram Mars torpağının nümunələrində həyat izlərini axtarmağı özündə ehtiva edirdi.

Alimin fikrincə, alınan nümunələrdə oksigenin yüksək səviyyədə olmasını sübut edən “mikrob tənəffüsünü” aşkar etmək mümkün olub.

Ümumilikdə 4000 mil məsafəyə enmiş iki kosmik gəmidən dörd müsbət nəticə əldə edilib.

O, qeyd edib ki, bununla belə NASA, nümunələrin yalnız həyatı təqlid edən bir maddənin mövcudluğunu bəyan edib. Alim əlavə edib ki, son 43 ildə NASA heç vaxt Marsa göndərilən kosmik gəmiləri təkrar sınaqların keçirilməsini nəzərdə tutan avadanlıqla təchiz etməyib.

Ölkə.Az

ŞƏRH YAZ
0
BAĞLA