Sevgi etirafı üçün ideal gündür — Günün ulduz falı

Sevgi etirafı üçün ideal gündür
00:25
11.05.2019
3066
Maraqlı
A
"Ölkə.Az" günün qoroskopunu təqdim edir:

Qoç - Gün bütün mənalarda əlverişlidir. Əsas məsələ yenilik və qeyri-ənənəvilikdən qorxmamaqdır. Bütün kəşflər yaxşı, bütün eksperimentlər uğurlu, bütün ideyalar heyranlığa layiqdir. Diqqət mərkəzində olsanız da, uğurlarınız həsəd yaratmayacaq. Hamı başa düşəcək ki, həm qələbəyə, həm də mükafata layiqsiniz.

Sevgililər üçün əla gündür. Onlar vaxtlarını birlikdə keçirə və bir-birilərinə ən məhrəm şeylərdən danışa bilərlər. Sevgi etirafı üçün ideal gündür. Bu gün etiraflar razılıqla qarşılanacaq.

Buğa - Ötən günlə müqayisədə bu gün daha uğurlu olacaq. Əlverişli şərait yaranacaq, hətta, kimsə mane olmağa çalışsa belə, uğura asanlıqla nail olacaqsınız. Ətrafdakılara təsiriniz güclənəcək, yeni müttəfiqlər, həmfikirlər və pərəstişkarlar yaranacaq. İşlə bağlı köhnə münaqişələrin yoluna qoyulması mümkündür. Vəzifə artımı da istisna deyil.

Əgər yaxınlarınıza qarşı səbr və yumşaqlıq göstərsəniz, şəxsi həyatınızda problemlər olmayacaq. Sadəcə olaraq, "milçəkdən fil düzəltməyin". Əgər bunsuz mümkün deyilsə, onda heç olmasa, "bala fil"lə kifayətlənin.

Əkizlər - Maliyyə baxımından çox uğurlu gündür. Təkcə gəlirlərinizi artırma və faydalı sövdələşmələr əldə etmək yox, həm də çox şey vəd edən uzunmüddətli investisiyalar yatırmaq şansınız var. Riskə getmək olar: peşəkarlıq intuisiyanız sizi yanıltmayacaq. Daha maraqlı və yüksək maaşlı işə keçə bilərsiniz.

Şəxsi həyatınızda ciddi dəyişikliklər gözlənilmir. Sevinc və kədər o qədər əhəmiyyətsiz olacaq ki, onlara çətin diqqət yetirəsiniz. Valideynləriniz sizin davranışlarınızdan narazı qala bilərlər. Amma onlar öz fikirlərini sərt formada ifadə etməyəcəklər.

Xərçəng - Kifayət qədər çətin gündür. Mənfi tendensiyaların təsirlərinin öhdəsindən gəlmək üçün bütün gücünüzü səfərbər etmək lazım gələcək. Başqalarının səhvlərinə görə məsuliyyəti öz üzərinizə götürməyə, layiq olmadığınız qınaqlara qulaq asmağa hazır olun.

Öz qayğınıza qalın və bunu eqoizm ifadəsi hesab etməyin. Sizə müsbət emosiyalar çox lazımdır. Paltar və ayaqqabı almaq olar. Lakin zərgərlik məhsullarına pul xərcləməyə dəyməz - tezliklə onu sizə hədiyyə edəcəklər.

Şir - İşdə ciddi problemlər yarana bilər. Sizin mövqeləriniz möhkəm deyil və istənilən bədxahınızın ciddi zərbəsi ilə üzləşməyiniz mümkündür. Hətta ən sadə işlərdə səhvlərə yol verirsiniz və sonra onlara görə cavab verməli olursunuz. Səhvlərinizin diqqətdən yayınacağına bel bağlamayın.

Şəxsi həyatda dəyişikliklər həvəsi sizi düşünülməmiş hərəkətlərə doğru sürükləyir. Məhz bu səbəbdən yeni münasibətlərə başlayır və onların etibarsızlığından şübhələnmirsiniz. Əgər mənfi tendensiyaların təsirindən ziyan çəkmək istəmirsinizsə, hər addımınızı ölçüb-biçin, az da olsa riskli görünən istənilən işdən imtina edin.

Qız - Çox məhsuldar və iş uğurları vəd edən gündür. Gündəlik işlərin öhdəsindən çox gözəl gələcəksiniz və həlli yaradıcı yanaşma tələb edən məsələlərdə özünüzü yaxşı tərəfdən göstərəcəksiniz. Bu bürcün rəhbər nümayəndələri öz işçilərinə etibar edə bilərlər: onların səliqəsinə, səyinə və icraçılığına şübhə etməyə dəyməz.

Şəxsi həyatda yaxşılığa doğru əhəmiyyətli dəyişikliklər baş verəcək. Həm kəsilmiş münasibətlərin bərpası, həm mövcud münasibətlərin möhkəmlənməsi, həm də yeni münasibətlərin qurulması üçün əlverişli gündür. Hər şey yalnız sizin istəyinizdən asılıdır.

Tərəzi - Seçdiyiniz istiqamətdə hərəkəti davam etdirin, mövqelərinizi möhkəmləndirin. Yolunuzda çətinliklər yaranarsa, təslim olmayın. Bu gün nümayiş etdirdiyiniz inadkarlığa görə ulduzlar yaxın vaxtlarda sizi mükafatlandıracaqlar. Tezliklə qarşınızda yeni qapılar açacaq əməkdaşlığın başlanması mümkündür.

Əqrəb - Diqqətinizi böyük səylər hesabına əldə etdiklərinizi itirməməyə yönəldin. Təəssüf ki, bu gün belə təhlükə var. Uzud müddətdir ciddi-cəhdlə hörmətini qazandığınız müttəfiqləriniz sizi pis vəziyyətdə qoya bilərlər.

Şəxsi münasibətlərdə yaxşılığa doğru dəyişiklik mümkündür. Sağlam düşüncə nümayiş etdirin, riskli və təhlükəli addımlardan uzaq olun. Əqrəb valideynlər bu gün övladlarına qarşı xüsusilə diqqətli olmalıdırlar. Çünki onlara istənilən an kömək lazım ola bilər.

Oxatan - İşdə çox ehtiyatlı və diqqətli olun! Müəyyən təhlükə mövcuddur. Lakin təhlükənin haradan gəldiyini müəyyən etmək asan deyil. İndi siz bədxahlarınızı müttəfiqlərinizdən ayıra bilməyəcəksiniz. Çünki onların hər ikisi özünü qəribə aparır. Sadəcə olaraq, baş verənləri müşahidə edin və tezliklə düzgün nəticə çıxara biləcəksiniz.

Emosional diskomfort hiss edirsiniz. Bundan xilas olmaq üçün dostların, imkan olsa, əks cinsin nümayəndələrinin əhatəsində olmağa çalışın. Flirtlə məşğul olmaq olar. Lakin ciddi romantik münasibətlərin başlayacağına ümid etməyə dəyməz.

Oğlaq - Çox və inadla işləyirsiniz. Bu, sizin peşəkarlıq gələcəyinizə təsir imkanları olan adamların diqqətindən yayınmır. Bu gün özünüzə müttəfiqlər seçə bilərsiniz. Müttəfiqlik üçün daha enerjili, nüfuzlu, həm özünün, həm də sizin qayğınıza qala biləcək şəxslərə üstünlük verin.

Tezliklə şəxsi həyatınızda yaxşılığa doğru əhəmiyyətli dəyişikliklər baş verəcək. Lakin hələlik hadisələri tələsdirməyə ehtiyac yoxdur. Unutmayın ki, bu gün qəbul edilən qərarların nəticəsi olacaq. Bu nəticələrin pis və yaxşı olması sizdən asılıdır.

Dolça - Bədxahların hücumlarından qorunmaq üçün zəhmət çəkməli olacaqsınız. Mövqeləriniz möhkəm deyil. Ona görə də ayıq-sayıq olmasanız, çox şey itirə bilərsiniz. Yaradıcılıq potensialı yüksək deyil. Bu gün öz fikirlərinizi həyata keçirməyə cəhd etməkdənsə, başqalarının ideyalarından yararlanmaq məsləhətdir.

Yaxınlarınız tərəfindən pislənəcək və tənqid olunacaq hərəkətlərdən uzaq olun. Düşünməyin ki, hansısa pis əməllərinizi gizli saxlaya bilərsiniz. Bu gün gizli olan şeylərin üstü mütləq, özü də dərhal açılacaq. Vaxtilə çox ciddi, eyni zamanda iztirablı əlaqələrinizin olduğu adamla görüşünüz mümkündür. Romanı oyatmağa çalışmayın: ikinci cəhd birincidən yaxşı olmayacaq.

Balıqlar - Ambisiyalı və işgüzar Balıqlar peşəkar qələbələrə və vəzifə artımına ümid edə bilərlər. Bu məsələdə çoxsaylı faydalı tanışlıqlarınız da köməyə çatacaq. Kömək və hamilik üçün sizə yaltaqlananlar olacaq. Hiyləgərlərin tələsinə düşməməyə çalışın.

Valideynləriniz və ya başqa yaşlı qohumlarınızla bağlı xəbərlərə sevinəcəksiniz. Ailə işləri ilə təkbaşına məşğul olmalı olmayacaqsınız. Bu məsələdə yaxınlarınız sizə dəstək verəcəklər.

Ölkə.Az

ŞƏRH YAZ
0

Axşam saatları səhhətinizin qeydinə qalın — Günün qoroskopu

Axşam saatları səhhətinizin qeydinə qalın
01:04
Bu gün
560
Maraqlı
A
"Ölkə.Az" günün ulduz falını təqdim edir:

Qoç - ünsiyyətlə zəngin gün olacaq. Lakin yaxın ətrafınızdakı insanlarla təmaslar o qədər də rahat olmayacaq. Sizə yeni işlər tapşırmaq istəyənlərlə yanaşı, yardımlarınızdan bəhrələnmək istəyənlər də var.

İnformasiya mübadiləsi və məlumatlardan yararlanın. Peşəkar fəaliyyətinizlə birbaşa əlaqəsi olan məsələlərlə məşğul olmaq üçün əlverişli zamandır. Eyni vaxtda bir neçə işlə məşğul olmalı olacaqsınız.

Günün ikinci yarısında nümayişkaranə müqavimət göstərməyin. Aldığınız xəbəri təhlil edin, faydalı məlumatları qulaqardına vurmayın.

Axşam saatları səhhətinizin qeydinə qalın.

Buğa - məqsəd və hədəfləriniz artdıqca yoldakı maneələrlə sədlər də ciddiləşir. Tələblərinizin sayını bir qədər azaldın, bəzi situasiyalarda güzəştə getməyi bacarın. Sizə rədd cavabı vermək istəyən adam fikrini dəyişə bilər.

Günün ikinci yarısında qərar qəbul edəndə üzdə olan variantı seçməyə tələsməyin. Situasiyanı hərtərəfli araşdırın. Hadisələr zəncirvari inkişaf edərək yaşamınıza yeni insanlar, ideyalar və planlar cəlb edə bilər.

Axşam saatlarında ziddiyyətli emosiyalar yarana bilər. Etiraf ehtiyacında birmənalı olmayan məqamlar aşkarlana bilər.

Sizdən sui-istifadə olunmasına yol verməyin.

Diqqətli və sayıq olun.

Əkizlər - kollektivdəki şərait qarşılıqlı yardımlaşma və əməkdaşlıq tələb edir. Peşəkar fəaliyyət prosesində yaranan ləngimələr və məhdudiyyətləri aradan qaldırın. Əks təqdirdə onlar yaxın vaxtlarda ciddi problemlərə çevrilə bilər.

Maraqlarınız yaxın ətrafınızdakı insanların planları ilə toqquşursa, ehtiyatlı davranın. Münaqişələri, fikir ayrılıqlarını aradan qaldırın.

Emosional olmayın.

Axşam saatlarında ciddi məsələni həll etmək mümkün deyil. Aktivliyin yeni mərhələsi ərəfəsində normal istirahət etməyi unutmayın.

Xərçəng - yeniliklər özləntisi, planların reallaşdırılmasında ərəfə istəkləri var.

Tələsməyin, düşünülməmiş addımlar atmayın. Mühüm xəbərləri gözləyin. Səbr və işlərdəki soyuqqanlılıq xoşagəlməz problemlərdən qurtulmağa yardım edər. Ünsiyyətinizi ümumi işlə məşğul olduğunuz insanlarla məhdudlaşdırın.

Günün ikinci yarısında ev işləri stressdən qurtulmağa imkan verəcək. Heç nəyi mürəkkəbləşdirməyin, çalışdığınız yerdə və yaşam arealında qayda yaradın.

Gərginliyə ehtiyac yoxdur.

Maraqlandığınız işlə məşğul olun.

Şir - yaxın ətrafınızdakı insanların planlarınıza müdaxilə etmələrinə imkan verməsəniz, çox işlər görmək olar. İşləriniz az deyil. Yığılıb qalmış məktublara cavab verin. Maraqlı məlumatlar ola bilər.

Günün ikinci yarısında tək qalmaq istəyəcəksiniz.

İdmanla məşğul olun. Bu zaman orqanizminizdəki endorfinlər sizə tam sakitlik qədər xoş təsir göstərəcək.

Axşam saatlarında köhnə dostlarla görüş əhvalınızı yaxşılaşdıracaq.

Qız - təşəxxüs və eqoizmdə heç bir xeyir yoxdur. Mühüm situasiyalara nəzarət sizdə olsa belə, həssas davranın.

Yaşanacaq hadisələr eqosentrizminizdə yanıldığınızı göstərəcək. İndiyədək sizə güzəştə gedən şəxs qəflətən müqavimət göstərə bilər. Yaxın ətrafınızdakı insanları diqqətlə müşahidə edin.

Günün ikinci yarısında təzyiqlə təkanlara əl atmayın, sözlərinizdə kateqorik və sərt olmayın.

Çətin situasiyada düzgün yolu müəyyənləşdirin. Tələsməsəniz, fayda əldə edə bilərsiniz.

 

Tərəzi - ayın sonunadək olan proseslərin ərəfəsi olan gündür. Əvvəlki günlərlə müqayisədə emosional gərginlik çoxdur. Yaxın ətrafınızdakı insanlar sizdən diqqət və yardım gözləyirlər. Belə gözlənti əsəbləri tarıma çəkə bilər.

Günün ikinci yarısında stressdən qurtulmaq üçün çalışın.

Sakit şəraitdə, tələsmədən işləyin. Problemlərin ilk siqnalları alınarsa, zəruri tədbirlərə əl atın, vəziyyəti harmonik edin.

Əqrəb - dəyərlər sisteminiz bu gün problemlər yarada bilər. Dəqiq seçim etməlisiniz. Günün uğurları və uğursuzluqları məqsədə doğru irəliləyişdə seçdiyiniz kursun müəyyənləşdirilməsindən asılıdır.

Günün ikinci yarısında seçim zərurəti yaranarsa, itki verəcəksiniz.

Hadisələri bir qədər qabaqlayın ki, daha ciddi problemlərlə qarşılaşmayasınız.

Dost məsləhəti faydalı ola bilər.

Axşam saatlarında yaxşı tanıdığınız insanlarla birlikdə olun.

Oxatan - əsas diqqəti işlərdə nizam yaradılmasına yönəldin. Maraqlarınız itkilər və çətinliklər olmadan gerçəkləşdirilə bilər. Qəfil qərarın təsiri altında maliyyə məsələlərinizlə bağlı düşünülməmiş addım atmayın.

Yaranacaq çətinliklər bundan sonra qarşılaşacağınız problemlərin carçılarıdır.

Münasibətlərinizin normada qalmasına fikir verin. Münaqişəyə səbəb arayanların toruna düşməyin. Aldığınız xəbərləri təhlil edin.

İfrat dərəcədə yorulana qədər çalışmayın.

Oğlaq - fəaliyyətdə məhdudiyyətlər yoxdur. Emosional baxımdan əhvalınız dəyişə bilər. Mənasız təşviş, səbəbsiz depressiya, baş verənlərin pis məcrada görünməsinə aludə olmayın.

Daxili durumunuzu təhlil etməyə çox vaxt ayırmamaq üçün çalışın.

Günün ikinci yarısında yaranan qayğılar müstəsna diqqət tələb edir. Problemlər həll olunmazsa və ya təxirə salınarsa, çat böyüyəcək, sonradan fəsadları aradan qaldırmaq daha da çətin olacaq.

Yaşananları ciddi şəkildə təhlil edin.

Dolça - iş həyatınızın yeganə mənası deyil. Bunu anlayın və bilin ki, işlərin bir hissəsi bilavasitə nəzarətiniz olmadan da yerinə yetirilə bilər. Qüvvə və imkanlarınızı daha ciddi layihəyə qorumaq üçün bəzi planlardan imtina etmək gərəkdir.

Günün ikinci yarısında hansısa məsələni həll edə bilmirsinizsə, situsiyaya kəskin müdaxilələr etməyin.

Hadisələrin öz məcrasında inkişaf etməsinə şərait yaradın.

Balıqlar - diqqəti cəlb etmək üçün əlahiddə addım atmağa səbəb yoxdur. Tələsik çalışmayın, sıçrayış üçün qüvvə toplayın. Sizə lazım olan məsələ əlahiddə səylər və zəhmətiniz olmadan həllini tapacaq.

Şərtlərin uğurlu durumu düzgün yolda olduğunuzu göstərəcək.

Sabah işləriniz çox olacaq və buna indidən hazırlaşın. Yaşamınızda qayda yaradın. Hadisələrin qəfil inkişafı, emosiyalar təbəddülatı istisna deyil.

Axşam saatlarında istirahət edin, dincəlin. Gərginlikdən qurtulun.

Ölkə.Az

ŞƏRH YAZ
0

Yorğunluq altında yatan ciddi xəstəliklər — Hansı analizdən keçməli?

Yorğunluq altında yatan ciddi xəstəliklər
00:38
Bu gün
348
Maraqlı
A
Bəzən yanlış olaraq yorğunluğu, halsızlığı xəstəlik, diaqnoz kimi yox, sadəcə iş-güc və stresin çoxluğuna yozurlar. Yorulmuşam keçib gedəcək, deyənlər, əgər yorğunlğunuz 3-6 ay ərzində getmirsə, günlərlə yatsanız da, tətil götürüb istirahət etsəniz də azalmırsa, əksinə hər gün sizi həyatın ritmindən geriyə çəkirsə, o zaman altda yatan ciddi səbəbləri, xəstəlikləri, riskləri araşdırıb, müayinə olunmaq lazımdır. Adi yorğunluqdur düşünüb, vaxtında həkimə getməməklə, müalicədə gecikən xəstələr minlərlədir. Sizi qorxutmaq istəməsək də, yorğunluq altında yatan, gizlənən xəstəlikləri sadalayırıq.

"Ölkə.Az" medicina.az-a istinadən bu xəstəliklərin daha çox hallarda yorğunluq, halsızlıq, gücsüzlük simptomları verdiyini bildirir.

1.Qan azlığı, anemiyanın müxtəlif növləri

Anemiya təkcə bir qanazlığı demək deyil. Onun altında müxtəlif çoxlu hemotoloji sindromlar var.

Anemiya zamanı dəri ağ, qansız, göyərmiş olur, xüsusən ağız-burun ətrafı göyərir, ürək döyünmə artır, tənəffüs çətinləşir. Qanazlığı adi hemoqlobin analizi ilə bilinir. Amma anemiyanın hansı növünün olmadı üçün müxtəlif analiz və müayinələr lazımdır ki, onu da terapevt təyin edir. Qanazlığı təkcə yeməklə düzəlmir, mütləq dərman qəbul olunmalıdır.

2.Ürəyin işemik xəstəlikləri

Əgər ürəkdə ağrı, sancl yoxdursa, deməli sağlamdır düşünənlər yanılır. Adi işdən yorulma, çox gəzəndə yorğunluq, səhər-axşam əzginlik elə ürək xəstəliklərinin ilkin simptomu ola bilər.

Ürək damarları normal işləmədikdə orqanizm qan və oksigenlə yaxşı təmin olunmur, ona görə insan lazımi enerjini almır və daim yorğun olur.
Hazırda ürəyin diaqnostikasında ən yaxşı metod kardioqramma yox, angioqrafiya hesab olunur.

3. Şəkərli diabet

Müasir dövrün bəlası, gəncləşən xəstəlik.
Qlükoza orqanizm üçün enerji mənbəyidir. İnsulin dayanıqlıq olanda o hüceyrələrə lazımi miqdarda getmir və insan güc azlığı, yorğunluq hiss edir.
Diabetdən öncə preddiabet mərhələsi olur, o zaman da insan əzgin, yorğun ola bilər.

Ona görə istənilən uzun müddətli yorğunluq halında venadan şəkər analizi verilir. Aclıq və toxluq şəkəri fərqləndirilir. Şübhə varsa, endokrinoloqa gedib, dəqiq müayinə olunur.

Ümumdünya Səhiyyə Təşkilatı dəfələrlə bildirir ki, şəkərli diabet nəsildən, irsi keçir. Ona görə ailəsində, yaxınlarında bu xəstəlik olanlar ildə 1 dəfə yoxlanmalıdır.

4.Onkoloji şişlər

Hamının qorxduğu, istəmədiyi, gözləmədiyi diaqnoz. Çox orqanların onkologiyası uzun müddət simptomsuz gizli gedir. Amma həkimlər bildirir ki, ilkin mərhələdə iş qabiliyyətinin azalması, yorğunluq, halsızlıq, başgicəllənmə elə simptomdur. Sadəcə buna önəm verilmir.
Risk qrupunda siqaret çəkənlər, zərərli peşədə çalışanlar, kimyəvi maddələrlə təmasda olanlar, doğmalarında genetik onkoloji xəstəliklər olanlardır.

5.Xroniki yorğunluq sindromu

Bu artıq yorğunluğun xəstəliyidir. Həkimlər ciddi səbəb tapmadıqda, əzgin, bitkin insanlara bu diaqnozu qoyur. Səbəbi dəqiq bilinmir. Diaqnoz üçün xəstə qan analizi verməli, USM olunmalı, terapevt, kardioloq, endokrinoloq, kardioloqdan keçməlidir. Çünki bu xəstəlik asan diaqnoz olunmur, altından 100 səbəb çıxır.

Daha çox nevroloq nəzarətində xüsusi rejim, qidalanma, sakitləşdirici dərmanlarla, istirahətlə, psixoloqla müalicə edilir.

6.Vitamin çatışmamazlığı

İndi kimin yetəri qədər vitamini var ki? Orqanizm tükənir, qidalar isə zərərli. Hətta bir vitaminin çatışmaması orqanizmin işində pozulma yaradır.
Yorğunluqda adətən D vitamini, B6, B12, kalsium, maqnezium, E vitamini yoxlanılır.Çatışmazlıq varsa, dərmanlar və dieta yazılır.

7. İnfeksiya xəstəlikləri

İnfeksiyaya yoluxduqda, orqanizm onun məhv edilməsi üçün xeyli enerji, güc ehtiyatı sərf edir, immunitet zəifləyir. Sağaldıqdan sonra ümumi yorğunluq, gücsüzlük hiss olunur. Amma istər uşaq, istər böyük insan il ərzində tez-tez infeksiya, virusa yoluxan insanlarda orqanizm bərpa olmur. Xüsusən xəstə olanda işə çıxan, yataq rejimində olmayan insanlar daim yorğun olur.

Ölkə.Az

ŞƏRH YAZ
0
BAĞLA