Sevgilisini döydü, pulunu aldı, sırğalarını çıxardı
Hadisə Xətai rayonu, Ukrayna dairəsi deyilən ərazidə qeydə alınıb.
“Ölkə.Az”ın məlumatına görə, Soltan adlı şəxs qeyri-rəsmi yaşadığı Əfqanə Əliyevanı döyərək 60 manat pulunu aldıqdan sonra qulağından sırğalarıda çıxarıb. Baş vermiş hadisə ilə bağlı zərərçəkmiş DİN-nin 102 Zəng mərkəzinə müraciət edib. Ə. Əliyevanın şikayəti ərazi üzrə Xətai RPİ-nin 35-ci Polis Bölməsi tərəfindən araşdırılmağa başlanılıb, qadının izahatı alınıb. Məlum olub ki, 2 ildən artıqdır bir yerdə yaşadığı Soltan Əfqanənin hərəkətlərindən şübhələndiyi üçün onu döyüb. Hətta ad gününə hədiyyə etdiyi sırğalarıda qulağından çıxarıb.
Qadının izahatından sonra Soltanın da izahatı alınıb. Eyni ifadə verən təqsirləndirilən tərəf barəsində polis bölməsində araşdırmalara başlanılıb, məhkəmə-tibbi ekspertizası təyin edilib.
