Sevgilisini qısqanan qadın onun başında noutbuk sındırdı
ABŞ-da təyyarədə sevgililər arasında insident yaşanıb.
“Ölkə.Az” xəbər verir ki, Los-Ancelesdən Mayami şəhərinə uçan təyyarədə qadın sevgilisini qısqandığı üçün onun başını noutbukla yarıb.
Belə ki, təyyarədə olan qadın əvvəl sevgilisini başqa qadına baxdığına görə təhdid edib. Bununla hirsi soyumayan qadın, ona fiziki təzyiq göstərib. Bunu görən ekipaj üzvləri vəziyyətə müdaxilə ediblər. Onlar kişini oradan uzaqlaşdırmaq istəyərkən, qadın əlindəki noutbuku arxadan sevgilisinin başına çırpıb.
İnsident ekipaj üzvünün polis çağırması ilə bitib.Cütlük təyyarədən endirilib, qısqanc qadın isə həbs olunub.
Vüsalə Balayeva
Ölkə.Az
