KORONAVİRUSA YOLUXANLARIN SAYI - CANLI STATİSTİKA

Sevgilisinin başından yemək bişirən, insanları yandıran — Tarixin ən qəddar və qaniçən 10 QADINI

Sevgilisinin başından yemək bişirən, insanları yandıran
16:52
15.08.2018
7138
Dünya
A
Qəddarlıq və qaniçənlik deyəndə ilk növbədə ağlımıza kişilər gəlir. Amma dünya tarixində qəddarlığı ilə bir çox kişini kölgədə qoyan qadınlar da olub.

“Ölkə.Az” bu gün oxucularına dünya tarixinin ən qəddar 10 qadınının siyahısını təqdim edir.

1.İrma Qreze

İrma İlze Qreze 1923-cü ilin 7 oktyabr tarixində Almaniyada anadan olub və 1945-ci ilin 13 dekabrında düynasını dəyişib. İrma nasistlərin əsir güşərgələrində işləyib və Bergen-Belzendə qadınların rəhbəri olub.

O, Belzen məhkəməsi tərəfindən bəşəriyyətə qarşı cinayətdə ittiham edilərək edam edilib. İrma müxtəlif cəzaları xoşlayırdı. O, ağır çəkmə geyinir və əsirləri bu çəkmə ilə döyürdü. O, üzərində tapança gəzdirir və tez-tez istifadə edirdi.

2.Mayra Hindli

Mayra 1942-ci ildə anadan olub və ingilisdir. Yan Bredi ilə birlikdə 5 azyaşlı uşağı zorlayıb və öldürüb. Hindlini polisə qardaşı təhvil verib. Mayra ömürlük həbsə məhkum edilib və 2002-ci ildə ölüb.

3.Kastilyalı İzabella

1451-ci ildə anadan olub və 1501-ci ildə ölüb. İzabella Kastiliya və Leonun kralıçası idi. İzabella və əri müsəlmanları və yəhudiləri ölkədən qovurlar və Xristofor Kolumbun səyahətini maliyyələşdirirlər.

İzabella katolik olmayan minlərlə insanı diri-diri yandırıb.

4.Beverli Allit

İngilis qadınıdır və 4 uşağın qətlində, 3 uşağı öldürməyə cəhddə və 6 uşağa ciddi bədən xəsarəti yetirməkdə ittiham edilib. Bütün cinayətləri isə 59 gün ərzində, Kesteven xəstəxanasında edib. Burada Beverli tibb bacısı işləyib.

5.İngiltərə kraliçası I Mariya

I Mariya 1516-cı ilin 16 fevralında anadan olub, 1558-ci ilin 17 noyabrında vəfat edib. Protestantları qəddarcasına təqib etdiyi üçün “Qanlı Meri” adlandırılıb. O dövrdə bir çox protestant dini görüşünə görə edam edilib. Asılmaqdan qorxan 800 nəfər isə ölkəni tərk edib.

6.Bell Sorensen Hannes

173 sm boyu, 91 kq çəkisi olan Hanness fiziki cəhətdən güclü idi. Amerikanın ən qəddar qatillərindən sayılır. Əslən Norveçdəndir. O, hər iki ərini, övladlarını qətlə yetirib. Eyni zamanda pərəstişkarlarını qızlarının sevgililərini də öldürüb. Qətlin motivi isə acgözlükdür. Qətllərdən sonra sığorta, əmlak və zinət əşyaları onun əlinə keçib. 20-dən çox ölümə imza atıb.

7.Meri Enn Kotton

1832-ci ildə İngiltərədə anadan olub. 20 yaşı olanda Uilyam Moubreylə evlənib və Plimuta köçüb. Cütlüyün 5 övladından 4-ü qızdırma və qarın sancısından ölüb. Sonradan doğulan 3 körpə də eyni simptomlarla dünyasını dəyişib. 1865-ci ildə ailə başçısı Uilyam da ölür. Meri 35 funt sığorta pulu alır. Tezliklə onun ikinci əri və sağ qalan iki övladı da ölür.

Sonradan məlum olub ki Meri 3 ərini, sevgilisini, anasını və onlarla övladını siçan dərmanı ilə zəhərləyərək öldürüb. Edam edilib.

8.İlza Kox 

1906-cı ildə anadan olub. “Buxenvald ifritəsi” kimi tanınır. Karl-Otto Koxun arvadıdır. Amerikalı hərbçilərin mühakimə etdiyi nasistlərdəndir. 1940-cı ildə Buxenvalddakı qadın mühafizəçilərə rəis təyin edilib. O, insan dərisindən suvenir hazırlayır, tatusu olan bütün məhkumları öldürürdü. İlza məhkumları şallaqla döyür və üstlərinə it buraxırdı. 1967-ci ildə isə qadın həbsxanasında intihar edib.

9.Ketrin Nayt

1955-ci ildə anadan olub. Hələ də ömürlük həbsdədir. Ketrin dəfələrlə faciəyə səbəb olan ailə qalmaqalının səbəbkarıdır. Bir dəfə mübahisə vaxtı sevgilisinin gözü qarşısında 8 aylıq küçüyün boğazını kəsib. Digər sevgilisini ondan ayrıldığına görə döyərək dişlərini sındırıb. Onu tərk etmək istəyən Praysa isə 37 bıçaq zərbəsi vurub, başını kəsərək qazana atıb və sup bişirik. Bu yeməyi isə Praysın uşaqlarına yedirib.

10.Yelizaveta Batori

Qrafinyadır. 1560-cı ildə Macarıstanda anadan olub və 1614-cü ildə vəfat edib. Ən çox insan öldürən qadın kimi “Ginnesin Rekordlar Kitabı”na daxil edilib.
Yelizaveta kəndli qızlarını qəddarcasına döyür, yandırır, bədənlərini parçalayır, üz dərilərini soyur, iynə batırır və öldürürdü. Nəticədə qrafinyanı öz otağına həbs etdilər və o, burada öldü.

Hikmət Həsənov
Ölkə.Az

ŞƏRH YAZ
0

Dünyada koronavirus qurbanlarının sayı 349 mini ötdü

Dünyada koronavirus qurbanlarının sayı 349 mini ötdü
10:12
Bu gün
1652
Dünya
A
Dünyada bir gün ərzində koronavirus infeksiyası qurbanlarının sayı 5,5 min nəfərdən çox artıb.
"Ölkə.Az" xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.
 
Təşkilatın məlumatına görə, dünyada pandemiya qurbanlarının sayı 349 mini ötüb. Son sutka ərzində virusa 84 mindən çox yoluxma qeydə alınıb. Bununla da COVID-19-a yoluxma hallarının ümumi sayı demək olar, 5,5 milyona çatıb.
 
Təşkilatın məlumatına əsasən son bir gün ərzində COVID-19-a 84 314 yeni yoluxma qeydə alınıb, 5 581 pasiyent ölüb. Beləliklə, dünyada COVID-19-a yoluxma ilə bağlı aşkar edilmiş halların ümumi sayı 5 488 825, ölüm hadisələrinin ümumi sayı isə 349 095 təşkil edir.
 
Virusa ən çox yoluxma Şimali və Cənubi Amerikada qeydə alınıb. Bu qitədə 2 495 924 nəfər təhlükəli virusa yoluxub. 
 
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
 
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
ŞƏRH YAZ
0

Türkiyədə daha 34 nəfər koronavirusdan öldü

Türkiyədə daha 34 nəfər koronavirusdan öldü
00:08
Bu gün
11704
Dünya
A
Türkiyədə son sutkada koronavirusdan daha 34 nəfər COVID-19-un qurbanı olub.

Bu barədə "Ölkə.Az" ölkənin Səhiyyə Nazirliyinə istinadən xəbər verir.

Türkiyənin Səhiyyə naziri Fəxrəddin Qoca qeyd edib ki, bir gün ərzində COVID-19-a 1035 yeni yoluxma aşkarlanıb. Bununla da ölkədə koronavirusa yoluxanların ümumi sayı 159797 nəfərə çatıb. 

Ölkədə təhlükəli virusdan ölənlərin ümumi sayı 4431 nəfər təşkil edir. İnfeksiyaya yoluxan 122793 nəfər müalicə olunub, reanimasiyada ümumilikdə 723 xəstə var.  

Bu gün 1286 xəstə evə buraxılıb. 

Nazir “83 milyon əhalimizin əldə etdiyi uğurlu nəticələr davam etməlidir”, mesajını verib.

 

ŞƏRH YAZ
0
BAĞLA