Sevgilisinin oğlu tərəfindən öldürülən azərbaycanlı məşhurlar — Döyülənlər, bıçaqlananlar -SİYAHI

Sevgilisinin oğlu tərəfindən öldürülən azərbaycanlı məşhurlar
22:30
11.11.2019
80484
Maqazin
A
Xəbər verdiyimiz kimi, Bakının Pirallahı rayonunda 1989-cu il təvəllüdlü Bernardo Xose Pabloviç tanıdığı şəxslər tərəfindən bıçaqlanıb. Azərbaycan vətəndaşı olan Xose Bernardo uzun müddət televiziya proqramlarında, şou-proqramlarında aparıcılıq edib.

"Ölkə.Az" bıçaqlanan məşhurların siyahısını təqdim edir:

-2010-cu ildə Xalq artisti Faiq Ağayev, mühafizəçiləri Ramin Bayramov və Azər Musayev naməlum şəxslər tərəfindən bıçaqlanıb. Qeyd edək ki, xalq artistinə 6 bıçaq zərbəsi vurulmuşdu.

-2011-ci ildə Azərbaycanı "Eurovision"-da təmsil edən müğənni Samir Cavadzadə dostu Elvin Hüseynovu bıçaqlayıb. Qeyd edək ki, bıçaqlanan E.Hüseynov Samir Cavadzadə ilə birgə 2008-ci ildə Azərbaycanı "Eurovision"-da təmsil edən Elnur Hüseynovun qardaşıdır.

-2015-ci ildə Azərbaycanlı müğənni Vüqar Muradov Rusiyanın paytaxtı Moskva şəhərində vəhşicəsinə döyülüb. Müğənni Vüqar toy adı ilə Moskvaya dəvət aldığını bildirib. Onu toya dəvət edənlər azərbaycanlılar olub və 1000 dollar beh də alıb. Təyyarədən endikdən sonra hava limanında quldur basqınına məruz qalıb. Müğənninin başına sılah dayayaraq açıq sahəyə aparıblar və soyundurub döyüblər. Vüqar 45 dəqiqə şaxtada, açıq havada yerdə hərəkətsiz vəziyyətdə qalıb.Vuqar Muradov 23 martda Moskvaya yola düşüb. Beh İlkin adlı köməkçisinə verilib.

-Xalq artisti Niyaməddin Musayev 31 il bundan əvvəl Gəncədə konsert verərkən hər kəsin gözü önündə bıçaqlanıb. İddialara görə, sənətçini bıçaqlayan onun fanatlarından olub. Konsert zamanı həmin fanatı N.Musayevə gül verərkən, gül buketinin içindən bıçağı çıxardaraq sənətçinin boğazına və qarın nahiyəsinə zərbələr endirib. Hadisənin hansı səbəbdən baş verdiyi bu günə qədər məlum deyil. Sənətçiyə hadisə ilə bağlı sual verdikdə isə bu barədə danışmaq istəmədiyini bildirir. Qeyd edək ki, həmin vaxt ağır yaralanan sənətçinin vəziyyəti yaxşı olmadığı üçün Moskvaya aparılıb və orada müalicəsini davam etdirib.

-Bıçaqlanib qətlə yetirilən sənətçilərin sırasında tanınmış meyxanaçı Elçin Maştağalı da var. 1994-cü ildə o, yaxın dostu, meyxanaçı Məşədibaba Aydəmirov tərəfindən bıçaqlanaraq, dünyasını dəyişib. Hadisəyə səbəb dostlar arasında baş vermiş mübahisə olub. Elçin Maştağalı xəstəxanaya gec çatdırıldığı üçün çox qan itirərək vəfat edib.

-Gənc xanəndə Samir Mustafayev öldürülüb. Qeyd edək ki, xanəndəni sevgili olduğu qadının oğlu 11-ci sinif şagirdi, 16 yaşlı Aydın Orucov bıçaqlayaraq qətlə yetirib.

-Xanəndə Miryusif Mirizadə dostu Novruz Hüseynov tərəfindən qətlə yetirilib. Belə ki, Novruz Hüseynov dostunu 14 bıçaq zərbəsi ilə öldürdükdən sonra özünü Qarabağ su kanalına ataraq intihar edib.

-Məşhur aparıcı Elçin Əlibəyli Olimpiya çempionu Namiq Abdullayevin qardaşı Natiq Abdullayev tərəfindən döyülüb. (big.az)

ŞƏRH YAZ
0

Dünyanın ən nüfuzlu qadınları — SİYAHI

Dünyanın ən nüfuzlu qadınları
21:16
12.12.2019
7818
Maqazin
A
“Forbes” jurnalı 2019-cu ilin ən nüfuzlu qadınlarının adlarını açıqlayıb.

"Ölkə.Az" oxu.az-a istinadən xəbər verir ki, 100 nəfərin arasından ilk yeri Almaniyanın kansleri Angela Merkel tutub.

İkinci yerə BVF-nin direktoru Kristin Laqard layiq görülüb.

Üçüncü yerə isə ABŞ Konqresinin Nümayəndələr Palatasının spikeri Nensi Pelosi seçilib.

Jurnalın məlumatına görə, 2019-cu ilin ən nüfuzlu qadınları arasında son yeri İsveç ekoaktivisti Qreta Tunberq tutub.

Ölkə.Az

ŞƏRH YAZ
0

"Heç mənə lazım da deyil..." — Aşıq Zülfiyyə

14:52
12.12.2019
18386
Maqazin
A
Aşıq Zülfiyyə "Space" telekanalının bayram çəkilişi zamanı yaranan narazılıqla bağlı xəbərlərə aydınlıq gətirib.

“Ölkə.Az”ın əməkdaşı ilə söhbətində o, bildirib ki, saat 1-də çəkilişə dəvət olunduğuna baxmayaraq, axşam saat 6-ya qədər orada gözləməli olub.

“Vallah, bizi çəkiliş üçün saat 1-ə dəvət etmişdilər. Bu aralar səhhətimdə bir az problem var deyə, xahiş etdim ki, çəkiliş nə zaman başlayacaqsa, dəqiq o saatı desinlər, gəlib orada çox gözləməyim. Çünki səhhətim buna imkan vermir. Dəfələrlə rica etdim ki, 1-2 saatdan artıq gözləməyim. Bundan başqa da duet ortağım Babək növbə ilə çalışdığına görə saat 6-da işdə olmalı idi. Çəkilişlərə nəzarət edən qıza yenə də söylədim ki, bizi çox gecikdirməsin. Həmin xanım söz verdi ki, 6-ya işləmiş bizi çəkəcəklər. Çünki bizdən əvvəl gələn sənətçilər var idi. Mən hər zaman hamıya hörmətlə yanaşmışam, yerimi bilmişəm. Buna da razılaşdım ki, əvvəl Babəki çəkərlər, mən qalaram. Əsas o, işə gecikməsin. Ancaq sonra gördüm ki, məndən sonra gələn cavan kadrları bir-bir çəkib yola salırlar, biz qalmışıq. Qıza yenə yaxınlaşdım ki, xanım, bu nə məsələdi? Deyir, Zülfiyyə xanım, vallah, rejissor da operator da öz tanışlarını irəliyə çəkir, mən də başımı itirmişəm, qalmışam belə. Mən də birinə dözdüm,ikincisi, üçüncüsünə göz yumdur. Gördüm ki, yox, bu, düzələn deyil. Mənim 4-5 saat gözləməyə nə hövsələm çatır, nə də səhhətim yol verir. Çox əsəbləşdim, dedim belədirsə, heç mənə lazım da deyil və  oradan çıxdım. Özləri bayram çəkilişi üçün dəvət edirlər, sonra da işlərinə bu cür hörmətsiz yanaşırlar. Nə Babək oxudu, nə də mən. Çəkilişi yarımçıq qoyub, oradan çıxdıq”.

İfaçı bildirib ki, belə hadisələrlə dəfələrlə rastlaşıb.

 “Birinci dəfə deyil ki, mən bu cür halla üzləşirəm. Mənim fikrimcə özünə, sənətinə hörmət edən məhz belə etməlidir ki, onlara da dərs olsun. Sabah bu səhvi yenidən təkrarlamasınlar. Bizə qarşı bu cür hörmətsiz yanaşmasınlar. Yenə də deyirəm ki, məndən yaşda böyüklər olsaydı, yenə də göz yummağa çalışardım. Ancaq dünən səhnəyə çıxan müğənniləri irəli buraxıb, mənə qarşı edilən bü cür ədəbsiz hərəkətləri bağışlaya bilmərəm”,- deyə aşıq fikrini tamamlayıb.

Qeyd edək ki, Aşıq Zülfiyyə "Space" telekanalının bayram çəkilişi zamanı əksər sənətçilərdən öncə gəlməsinə baxmayaraq, ona gec söz verildiyinə görə sərt şəkildə narazılığını bildirib və məkanı tərk edib.

Vüsalə Balayeva
Ölkə.Az

ŞƏRH YAZ
0
BAĞLA