Sevgilisinin şər atdığı oğlanı 99 illik həbsdən selfie fotosu xilas etdi

Sevgilisinin şər atdığı oğlanı 99 illik həbsdən selfie fotosu xilas etdi
09:37
20.11.2018
14705
Dünya
A
ABŞ-ın Texas ştatında yaşayan Kristofer Presopia çəkdiyi bir selfie foto sayəsində üzərinə atılan şərdən qurtulub.

“Ölkə.Az” xəbər verir ki, prokurorun 99 il həbs cəzası tələb etdiyi Kristoferin ailəsi məhkəməni 150 min dollar girovla oğlanı müvəqqəti azadlığa buraxmağa razı sala bilib.

21 yaşlı gəncin keçmiş sevgilisi polisə müraciət edərək Kristoferin onun evinə zorla girdiyini, onu döydüyünü, bıçaqla sinəsinə xaç qazıdığını iddia edib. Prokuror isə şikayət ərizəsinə əsasən gənc oğlan üçün 99 il həbs cəzası tələb edib.

Gəncin ailəsi məhkəməyə 150 min dollar girov qoyaraq övladlarını azadlığa buraxıblar və onun günahsız olduğunu sübut ediblər. Kristoferin anası bildirib ki, hücumun baş verdiyi gün ailə hadisə yerindən 65 km uzaqda olan bir oteldə yemək yeyib. Kristofer isə yemək zamanı selfie foto çəkib və onu sosial şəbəkədə paylaşıb. Bu foto polisi inandırıb ki, qıza hücum edilən zaman Kristofer tamamilə başqa bir yerdə olub.

Sonra isə qız Kristoferdən intiqam almaq üçün belə bir yalan uydurduğunu boynuna alıb.

Hikmət Həsənov
Ölkə.Az

ŞƏRH YAZ
1

Ukrayna hökuməti istefaya getdi

Ukrayna hökuməti istefaya getdi
00:45
Bu gün
85
Dünya
A
Ukraynanın baş naziri Vladimir Qroysman istefa verib.

"Ölkə.Az" Türk mediasına istinadən xəbər verir ki, nazir bu qərarı barədə bu gün elan edib. Qroysmanın qərarı avtomatik olaraq bütün kabinetin səlahiyyətlərinin yekunlaşması deməkdir.

"Mən hökumətin çərşənbə günü keçirilən iclasından sonra istefa vermək qərarına gəldim", - deyə Qroysman Kiyevdə brifinq zamanı deyib.

O əlavə edib ki, prezident Vladimir Zelenskinin Ukrayna xalqına etdiyi müraciətdə hökumətin istefaya getməli olduğunu dediyindən sonra bu qərarı verib.

Ölkə.Az

ŞƏRH YAZ
0

“Qara jiletlilər” Parisdə etiraz aksiyası keçiriblər

“Qara jiletlilər” Parisdə etiraz aksiyası keçiriblər
22:34
20.05.2019
255
Dünya
A
Fransanın paytaxtı Parisin Şarl de Qol (Ruasi) aeroportunda miqrantlar etiraz aksiyası keçiriblər. Aksiya iştirakçıları özlərini “qara jiletlilər” adlandırıblar.

"Ölkə.Az" xəbər verir ki, aksiyanın keçirilməsinə səbəb Fransadan deportasiya olunan əcnəbilərin sayının artmasıdır.  Etirazçılar  Fransa hava yolları şirkətindən deportasiyaya hər cür yardım göstərməyi dayandırmağı tələb ediblər.
 
 500 nəfərə yaxın sənədsiz şəxs Fransa hava yolları şirkətinin qaçqınların deportasiyası ilə məşğul olan qurumlar ilə əməkdaşlığına qarşı etiraz olaraq aeroportun 2F terminalına yığışıb.
 
 Ötən il Fransadan deportasiya olunan şəxslərin sayı 20 faiz artıb.

Ölkə.Az

ŞƏRH YAZ
0
BAĞLA