Sevgilisiylə ərini baltalayan 4 uşaq anasından TÜKÜRPƏDİCİ ETİRAFLAR — VİDEO

Sevgilisiylə ərini baltalayan 4 uşaq anasından TÜKÜRPƏDİCİ ETİRAFLAR
15:15
24.09.2018
3986
Hadisə
A
ARB TV-nin “Rezonans” proqramında bu dəfə yoldaşını, onun dostuyla əlbir olub öldürən 4 uşaq anası öz həyat tarixçəsindən danışıb.

Arzu Musayeva – Məhkum (Cəzası 17 il) – “Göyçayın kəndində yaşayırdım. 4 övladım var. Özüm öz istəyimlə qoşulub qaçmışam. 7-8 il mehriban ailə olmuşuq. Dözə bilmədim çox hərəkətinə. Parniklərdə işləmişəm. Ən çox dəstəyi anamgil edib. Yoldaşım içən idi, pulunu çatdırmaq olmurdu. Ancaq deyirdi ki, Arzu, pul ver”.

"Ölkə.Az" xəbər verir ki, məhkum həmin gecəni belə xatırlayır:

“Qızımın ad günü idi. Gediş-gəlişimiz olan dostu qonaq gəldi. Yeyib-içəndən sonra bu hadisə baş verdi. Dostu Seymurla həm də qohum idik. Bir-birimizi istəmişik, verməyiblər ayrılmışıq. Gəlib gördü ki, yoldaşım zülm verir. Yoldaşım məndən pul istədi. Dedim verməyəcəm. Seymur da qıraqdan baxırdı. Yoldaşım söydü məni. Dedi ki, bu qədər təhqir eləmə qızı. Günah məndədir, pulu versəydim, olmazdı. Çox içizdirdi Seymur. Dedi ki, Arzu bıçaq hardadır? Hirsimdən dedim ki, öldür canım qurtarsın. Bilirdim ki, gecə öldürəcək. 3 bıçaq vurdu, bir də baltayla boynundan vurdu. Səhəri günü həyətdə quyu var idi. Orada basdırdıq. 2-3 gün sonra qayınanama gedib dedim ki, evə gəlməyib neçə gündür. Fikirləşdim ki, gizlətməyimin mənası yoxdur. Gedib təslim oldum. Yeri göstərdim ki, burada basdırmışıq. Biri var cavan vaxtımda tutulam, biri də var yaşlı vaxtı. 17 il yarım iş verdilər, sonra yarımı götürdülər. Ona da 18 il iş verdilər. İstintaq zamanı dedi ki, sən götür boynuna. Dedim ki, nə sən çıxası deyilsən, nə də mən, düzünü deyək”.

Sonda Arzu Musayeva öz valideynlərindən üzr istəyib:

“Buradan səslənirəm ki, bağışlayın məni, üzr istəyirəm. Nə olsa da qızınızam. Övladlarımı axtarsınlar. İndi fikirləşirəm ki, etməməliydim”.      

ŞƏRH YAZ
0

Bakıda oğul mənzilə görə atasını və bacısını döydü

Bakıda oğul mənzilə görə atasını və bacısını döydü
14:18
Bu gün
65
Hadisə
A
Binəqədi rayonunda mənzil üstündə atası və bacısını döyən şəxsə qarşı xuliqanlıq maddəsi ilə cinayət işi başlanıb.

“Ölkə.Az”ın məlumatına görə, cinayət məcəlləsinin 221.3-cü maddəsi ilə təqsirləndirilən Quliyev Amil Qarsalan oğlunun məhkəmə prosesi aprel ayının 11-də hakim Fərid Əmirəliyevin sədrliyi ilə keçiriləcək. 

İttiham aktına görə, xuliqanlıq cinayəti Binəqədi rayonu Şövkət Məmmədova küçəsi, 2 saylı Evtikmə Kombinatının həyətindəki qaçqın şəhərciyində qeydə alınıb.  6 saylı binanın 14-cü mənzilində məskunlaşan,  Xocalıdan məcburi köçkün Quliyev Qarsalan Sultan oğlu 2009-cu ildən həmin binada yaşadığını bildirib. Özü, həyat yoldaşı, qızı və 3 məktəb yaşlı nəvəsi ilə adı çəkilən ünvana qeydiyyatdadır.  Oğlu Amil Quliyev ailə qurduqdan sonra iki azyaşlı övladı ilə həmin ünvana qeydiyyata alınıb. Məhkəmə qərarı ilə ora köçürülüb. Bundan sonra tez-tez  ailədaxili münaqişələr baş verib.

Sonuncu insident isə ötən il may ayının 23-də gecə baş verib. Quliyev Amil həyat yoldaşı ilə evə girmək istəyib. Quliyev Qarsalan isə bir neçə gün əvvəl oğlunun onlara ağır xəsarət yetirdiyini əsas gətirərək onları içəri buraxmayıb. Elə bu səbəbdən də münaqişə düşüb. Bundan sonra hər iki tərəf polisə müraciət edib. Quliyev Qarsalan və onun qızı Quliyeva Solmazın iddiasına görə,  Amil narkotik istifadəçisi və satışı ilə məşğul olur. Şikayətçilərin əsas tələbi Qaçqınların və Məcburi Köçkünlərin işi üzrə Dövlət Komitəsindən onlara verilmiş 4 otaqlı evin geri alınması, onlara yeni müvafiq mənzillərin verilməsidir.

Natiq Allahverdiyev
Ölkə.Az

ŞƏRH YAZ
0

Dünya çempionumuzun qardaşı faciəvi şəkildə həlak oldu — VİDEO

Dünya çempionumuzun qardaşı faciəvi şəkildə həlak oldu
13:45
Bu gün
445
Hadisə
A
Boks üzrə dünya çempionu Ramil Hacıyevin qardaşı Şamil Hacıyev yol qəzasında ölüb.

"Ölkə.Az" Avtosfer.az-a istinadən xəbər verir ki,  Şamil Hacıyevin idarəetməsindən çıxan BMV markalı avtomobil əvvəlcə park edilmiş “Hyunday Sonata”ya, sonra da havaya qalxaraq elektrik xəttinə çırpılaraq yanıb. Qəza Ukraynanın Odessa şəhərində baş verib.

Hadisə şahidlərinin bildirdiyinə görə, toqquşmadan sonra BMV hissələrə ayrılıb və parçaları 10 metrələrlə ətrafa saçılıb.

22 yaşlı sürücü Şamil Hacıyev və 33 yaşlı qadın sərnişin xəstəxanaya çatdırılsalar da, onların həyatını xilas etmək mümkün olmayıb. 

Ölkə.Az

ŞƏRH YAZ
0
BAĞLA