Sevginin əbədi olduğunu sübut edən 16 ULDUZ CÜTLÜK — FOTOLAR

Sevginin əbədi olduğunu sübut edən 16 ULDUZ CÜTLÜK
14:10
06.12.2018
16706
Maraqlı
A
Ulduzlar arasında möhkəm nikah nadir hallarda görünür. Onlar tez-tez boşanır, yenidən ailə həyatı qururlar.

 “Ölkə.Az” xəbər verir ki, bununla belə, çətinliklərə baxmayaraq, əl-ələ tutub həyatda addımlayan, nəvə və övlad böyüdən ulduz cütlüklər də var. Bu gün oxuculara əbədi sevgisi olan ulduzları təqdim edirik.


Adriana Çelentano və Klaudiya Mori

52 il birlikdə

Adriana və Klaudiyanın sevgisi yarım əsrdən çoxdur ki, davam edir və sönmür. Onlar 52 ildir ki, birlikdədirlər və hələ də bir-birlərini sevirlər.


Kit Riçards və Patti Hansen

 38 il birlikdə

38 ildir ki, Kit və Patti birlikdə yaşayırlar. Onlar birlikdə bir çox çətinliyin öhdəsindən gəliblər və bir-birlərinə dəstək olublar. Hansen deyir: “Kit məni xilas etdi. Onun sevgisi və qayğısı məni enerji və ümidlə doldurur, depresiyadan çıxarır”.


Maykl Keyn və Şakira Bakiş

44 il birlikdə

Ser Maykl Keyn Şakiranı ilk dəfə televiziyada qəhvə reklamında görüb. Mayklın qızdan o qədər xoşu gəlib ki, həmən axtarmağa başlayıb. Hazırda cütlük 42 ildir ki, biryerdədirlər.


Ozzi Osborn və Şeron Osborn

38 il birlikdə

Ozzi qrupdan qovulanda Şeron onun karyerası ilə maraqlanmağa başladı və cütlük arasında sevgi yarandı. 3 il sonra Ozzi və Şeron evləndilər və 3 uşaq sahibi oldular.


Semyuel L.Cekson və Latanya Riçardson

37 il birlikdə

Onların nikahı bütün çətinliklərdən keçib. Semyuel deyir:

“30 il nikahda olanda təbii ki, çox söz demək olar. Hər şeyi kənara atmaq da olar, davam etmək də olar”.


Stinq və Trudi Stayler

35 il birlikdə

Onlar 1982-ci ildə tanış olublar və bir il sonra evləniblər.

“Heç vaxt düşünə bilməzdim ki, ehtirasımı bir insanla məhdudlaşdıra bilərəm. Sevdiyin və səni sevən bir insan varsa, bu əla hissdir”, - deyə Stinq bildirib.


Ceymi Li Kertis və Kristofer Gest

33 il birlikdə

İlk baxışdan məhəbbət Ceymi Li və Kristofer haqqında deyilib. Ceymi Li onun fotosunu jurnalda görəndə rəfiqəsinə deyib: “Mən bu oğlana ərə gedəcəm”. Belə də oldu, cütlük tanış oldu və ailə qurdu.


Kevin Beykon və Kira Secvik

29 il birlikdə

Kevin uzun müddət Kiranın arxasınca qaçıb. Kira ona ümid vermirdi. Amma sonradan aktrisa Kevinə şans verdi və onlar evləndilər. Hazırda cütlüyün iki övladı var.


Hyu Lori və Co Qrin

28 il birlikdə

Hyu Lori və Co Qrin bir dəqiqə də bir-birlərindən ayrı qalmamağa çalışırlar. Lori bildirir ki, Hyu ilə birlikdə olmaq əladır və illər keçdikcə daha da yaxınlaşıblar.

Liza Kudrou və Mişel Ştern

22 il birlikdə

Cütlük 1987-ci ildə tanış olsa da, Liza Mişeli ciddi qəbul etməyib. Bir neçə il sonra “Dostlar” serialının çəkilişində onlar yenidən qarşılaşdılar və aralarında sevgi başladı. Hazırda cütlüyün oğul övladı var.


Sindi Krouford və Rendi Gerber

22 il birlikdə

1995-ci ildən görüşüblər. 3 il sonra Krouford özü Gerberə evlənmək təklif edib. Nəticədə ailə və iki övlad. Sindi deyir: “Bu, dostluqdan yaranan ilk münasibətimdir. Mən hamıya bunu məsləhət görürlər. Belə olanda nikah çox möhkəm olur”.


Sara Mişel Gellar və Freddi

20 il birlikdə

Bu cütlük bütün vaxtını birlikdə keçirməyə üstünlük verir və insanların arasına nadir hallarda çıxırlar. Freddi bildirir ki, ailəsini yad gözlərdən qorumaq üçün belə bir addım atırlar.


Ceyms Beluşi və Cennifer Sloun

19 il birlikdə

1998-ci ildə Beluşinin başına xoşbəxtlik quşu qondu. O, Cennifer Slounla evləndi. Bu, əsl möhkəm nikah idi. Cütlüyün iki övladı dünyaya gəldi. Beluşi deyir: “Həyat yoldaşım mənə sevgini öyrətdi”.

Hikmət Həsənov
Ölkə.Az

ŞƏRH YAZ
0

Bu maddə yaddaşınızı və qaraciyərinizi normada saxlayacaq!

Bu maddə yaddaşınızı və qaraciyərinizi normada saxlayacaq!
22:34
Bu gün
330
Maraqlı
A
Lesitin maddəsı orqanizmin inşaat materialı da hesab edilə bilər. Onun çatışmazlığı bir çox fəsadlara yol açır. Buna görə də sağlam və gümrah qalmağınız üçün lesitin maddəsindən istifadə etmək lazımdır.

"Ölkə.Az" medicina.az-a istinadən bu möcüzəvi maddənin faydalarını açıqlayır:  

1. Lesitin hüceyrə divarının struktur elementi hesab olunur.
 
Alimlər bildirirlər ki, bir çox xəstəliklərin yaranma səbəbi məhz hüceyrə divarının zədələnməsidir ki, bu isə lipidlərin oksidləşməsi nəticəsində baş verir. Bu prosesi avtomobilin benzin bakının divarının eroziyası nəticəsində deşilməsi kimi təsəvvür etmək olar. Lesitin bölünən və böyüyən hüceyrələrin membranlarının tərkibi olan lipidləri oksidləşmədən qoruyur.

2. Qaraciyərin 65 %-i lesitindən ibarətdir.
Lesitin qaraciyərin viruslardan zədələnmiş hissələrini effektiv şəkildə bərpa edir. Bu maddə alkoqol səbəbindən meydana gələn sirrozun qarşısını alır. Bundan əlavə lesitin konservantların, ətirləndiricilərin və bir sıra kimyəvi maddələrin o cümlədən də dərmanların qaraciyərə vurduğu mənfi təsirlərdən qoruyur.

3. Lesitin sayəsində öd kisəsində və qaraciyər axarlarında daşlar formalaşmır.

Lesitin öd ifrazını stimullaşdıraraq xroniki xolesistitlərin əmələ gəlməsinin önləyir.

Müəyyən olunub ki, lesitin qanın tərkibini normallaşdıraraq orqan və toxumaların qanla təhcizatını asanlaşdırır. Bu maddə damarların quruluşunu qoruyaraq ürək-damar xəstəliklərinin qarşısını alır.

Lesitin maddəsi əsasən yumurta sarısından və soya bitkisindən əldə edilir. Apteklərdə toz şəklində və kapsul halında da satılır.

Toz halında olan lesitin maddəsini gündə bir xörək qaşığı yeməklərlə birlikdə qəbul etmək lazımdır. Qəbul etməyə başladıqdan bir müddət sonra orqanizminizdə böyük dəyişikliklər hiss edəcəksiniz. İlk olaraq həzm sistemi normaya düşəcək, daha sonra isə sinir sisteminə təsir edəcək.

Ölkə.Az

ŞƏRH YAZ
0

Tibb elmində inqilab — Xərçəngə qarşı dərman

Tibb elmində inqilab
18:47
Bu gün
5773
Maraqlı
A
ABŞ-ın Luisvil universitetinin tədqiqatçı qrupu xərçəngin immunoterapiya dərmanını hazırlayıblar.

 “Ölkə.Az” xəbər verir ki, bu dərman şişin yaranmasının qarşısını alır. Bu barədə “MedicalXpress” portalında məqalə dərc edilib.

Alimlər sağlam siçanlar üzərində təcrübə aparıblar. Siçanlara klonlaşdırılmış DNA-lardan əldə edilən SA4-1BBL zülalı vurulub. Sonra isə ara-sıra ağ ciyər və uşaqlıq borusundakı şişdən götürülən bədxassəli hüceyrələr orqanizmə yeridilib.

Ekspertlər müəyyən ediblər ki, SA-4-1BBL zülalı orqanizmi ineyksiyadan iki həftə sonra maksimal şəkildə bədxassəli şişdən qoruyur. Effekt isə 8 həftə davam edir.

Alimlərin fikrinə əsasən, genlərin kombinasıyasından əldə edilən zülal inqibitor rolunu oynayır.


Hikmət Həsənov
Ölkə.Az

ŞƏRH YAZ
0
BAĞLA