"Şeydayevə 1 milyona yaxın vəsait xərcləyiblər ki, dəli kimi ora-bura qaçsın?" — FOTO

10:28
06.10.2017
449
İdman
A

"Ölkə.Az" bildirir ki, futbol üzrə milli komandamızın dünən Çexiyaya uduzduğu oyundan sonra bəzi idman jurnalistləri Ramil Şeydayev haqda tənqidi fikirlər səsləndiriblər.

"Xəzər" televiziyasının aparıcı-şərhçisi Ceyhun Rzayev Əfran İsmayılovun ötürməsindən sonra rəqib qapıçıyla təkbətək qalan gənc hücumçunun qaçırdığı qol epizoduna "kül Şeydayevin başına, Ramilin canı o vəziyyətdə mən qol vurardım..." yazmaqla reaksiya verib. Rzayev ardınca əlavə edib ki, Şeydayevin bombardirlik keyfiyyəti yoxdur:

"Türkiyəli futbol yazarı Gürcan Bilgiç danışır ki, Hakan Şükürün "İnter"də oynayan vaxtlarıdır, italyan sevgilimlə Milanda restorana getmişdik. Yemək sifariş verənden sonra "İnter" fanatı olan ofisiantdan Hakanı soruşdum. Dedi ki, inciməyin, Hakanın səviyyəsi aşağıdır, qol epizodlarını xərcləməklə məşğuldur. Bildirdim ki, Türkiyədə onu bəyənirlər, 90 dəqiqə dayanmadan qaçır, müdafiəçiləri təzyiq altında saxlayır. Ofisiant dedi ki, biz ona 2 milyonu qol vurmaq üçün veririk. İstənilən atletə 200 min versək, Hakandan çox qaçar. İtalyan ofisiantın sözü olmasın, Şeydayevə 1 milyona yaxın vəsait xərcləyiblər ki, dəli kimi ora-bura qaçsın? Azərbaycan futbolunun yetirməsi Əfran İsmayılov zərgər dəqiqliyi ilə "mejdu noq" pas verir, Rusiya futbolunun "otxod"u Ramil qol vura bilmir. Bu insanda bombardirlik keyfiyyəti yoxdur. Belə görünür ki, heç vaxt da olmayacaq".

Qeyd edək ki, DÇ-2018-in seçmə mərhələsində millimiz yer aldığı C qrupunda son ev oyununu Çexiya yığmasıyla keçirib və 1:2 hesabıyla məğlub olub.  Hesabında 10 xalı olan yığma qrupda beşinci pilləyə enib. 

İntiqam VALEHOĞLU
Ölkə.Az

ŞƏRH YAZ
0

Çempionlar Liqasının pley-off mərhələsinin ilk oyunları keçirildi

Çempionlar Liqasının pley-off mərhələsinin ilk oyunları keçirildi
09:29
Bu gün
62
İdman
A
UEFA Çempionlar Liqasının pley-off mərhələsinin ilk oyunları keçirilib.

"Ölkə.Az" xəbər verir ki, turun ilk oyun günündə üç görüş olub. Qitənin ən nüfuzlu klub turnirində “Qarabağ”ı mübarizədən kənarlaşdıran Belarusun BATE komandası Hollandiya təmsilçisi PSV-ni qəbul edib. Hesabı meydan sahibləri açsalar da, qonaqlar 3:2 hesablı qələbəyə nail olublar.

Portuqaliyada “Benfika” Yunanıstanın PAOK klubu üzərində qələbəni əldən verib. Tərəflər hərəyə bir dəfə fərqləniblər.

Serbiyada "Srvena Zvezda” ilə Avstriyanın “Zaltsburq”u arasındakı görüşdə isə hesab açılmayıb.

Mərhələnin digər üç qarşılaşması - “Ayaks” - “Dinamo Kiyev”, “Vidi” - AEK, “Yanq Boyz” - “Dinamo Zaqreb” avqustun 22-də baş tutacaq.

Qeyd edək ki, UEFA Çempionlar Liqasının pley-off mərhələsinin cavab görüşləri avqustun 28-də və 29-da keçiriləcək.

ŞƏRH YAZ
0

Şəhriyar Məmmədyarov Levon Aronyanla xalları bölüb

Şəhriyar Məmmədyarov Levon Aronyanla xalları bölüb
00:48
Bu gün
322
İdman
A
ABŞ-ın Sent-Luis şəhərində keçirilən "Sinquefield Cup" turnirinin IV turunda Azərbaycan şahmatçısı Şəhriyar Məmmədyarov ağ fiqurlarla ermənistanlı Levon Aronyanla qarşılaşıb.

"Ölkə.Az" xəbər verir ki, oyun 24-cü gedişdən sonra heç-heçə ilə yekunlaşıb - 0,5:0,5.

Bununla da Məmmədyarov xallarını 2,5-ə çatdırıb.

Turun digər görüşlərinə gəldikdə, rusiyalı Aleksandr Qrişuk fransalı Maksim Vaşye-Laqravla heç-heçə edib. Hazırda hindistanlı keçmiş dünya çempionu Vişvanatan Anandla norveçli hazırkı dünya çempionu Maqnus Karlsen qarşılaşır. Eyni zamanda Uesli So (ABŞ) - Sergey Karyakin (Rusiya) və Fabiano Karuana (ABŞ) - Hikaru Nakamura (ABŞ) görüşləri keçirilir.

On şahmatçının mübarizə apardığı "Sinquefield Cup" 300 min dollar mükafat fonduna malikdir. Qalib 75 min dollar qazanacaq.

Ölkə.Az

ŞƏRH YAZ
0
BAĞLA