Şeyxin qudası: “Vəzifədə olan bəzi məmurlar Allahşükür Paşazadəni şərləmək istəyir”

Şeyxin qudası: “Vəzifədə olan bəzi məmurlar Allahşükür Paşazadəni şərləmək istəyir”
12:49
14.09.2017
518
Ölkə
A
Qafqaz Müsəlmanları İdarəsinin sədri Hacı Allahşükür Paşazadənin qudası, Milli Məclisin sabiq deputatı Qalib Salahzadə Şeyxin Çexiyada özünə mülk alıb, böyük biznes qurması barədə yayılan məlumatlara münasibət bildirib.

Q.Salahzadə “Ölkə.Az”-a açıqlamasında deyib ki, Şeyxin heç bir ölkədə biznesi yoxdur:

“Ötən gün məni qaralayan xəbər yayılmışdı. İndi də Şeyxi qaralayan xəbərlər yayılıb. Bütün bunlar böhtandır. Məgər Şeyxin vaxtı var, bizneslə məşğul olsun? Şeyx bütün günü Rusiyaya gedib-gəlir, Qarabağ probleminin həllinə çalışır. Onun bu Vətən üçün xidmətləri böyükdür. İndi Allahşükür Paşazadəni kimlərsə hədəfə alıblar, bu cür şərləməyə çalışırlar”.

Q.Salahzadə xarici ölkələyə gedib-gəlməkdə qəbahət görmədiyini də söyləyib:

“Şeyx nə vaxtsa Karlovı Varıya gedib bir stəkan su içib. İndi deyirlər ki, onun Çexiyada biznesi var. Birincisi, Şeyxin Karlovı Varıda biznesi yoxdur. Lap olsa nə olar? Məgər biznesi olmaq eyibdir? Mən bir daha söyləyirəm ki, bütün bunlar Şeyxə qarşı böhtandır. Bunun arxasında kimlər dayanırsa, Allah onların cəzasını verəcək”. 

Şeyxin qudası zaman-zaman özünün də bu cür şər-böhtanlara məruz qaldığını bildirib:

“2000-ci ildə məni polisə sillə vurduğum üçün həbs etmişdilər. Boynuma da ağır maddə qoymaq istəyirdilər. Deyirdilər ki, guya 8 nəfər adam öldürmüşəm. Həbsdə üç ay yatandan sonra ulu öndər Heydər Əliyev xəbər tutmuşdu. Maraqlanıb soruşmuşdu ki, Hacı Qalibi nə səbəbə həbs etmisiniz? Demişdilər ki, polisə sillə vurub. Allah rəhmət etsin, Heydər Əliyev də tapşırmışdı ki, Hacı Qalibi dərhal azad edin. O vaxtı ulu öndər məni həbsdən qurtarmışdı. Bir neçə il öncə isə bağımdan silah tapmışdılar. Deyirdilər ki, guya Hacı Qalib silah gəzdirir və sairə. Mən də keçmiş milli təhlükəsizlik naziri Eldar Mahmudova zəng edib xahiş etdim ki, bağıma minaaxtaran əməliyyatçılar göndərsin. Sağ olsun Eldar Mahmudov, kişi adamdır. O da göndərmişdi. Gəlib bağı yoxlamışdılar, ancaq heçnə tapılmamışdı. Deməyim odur ki, vəzifədə olan bəzi məmurlar üçün adamı şərləmək çox asandır. Hörmətli Şeyximizi də şərləmək istəyirlər”. 

Xatırladaq ki, Allahşükür Paşazadənin Çexiyanın Karlovı Varı bölgəsində biznesinin olması barədə sənədlər yayılıb. 

Vasif Həsənli
Ölkə.Az

ŞƏRH YAZ
0

Naxçıvanda şərab zavodu ordumuzun nəzarətinə keçib — VİDEO

Naxçıvanda şərab zavodu ordumuzun nəzarətinə keçib
23:26
Bu gün
1009
Ölkə
A
Əlahiddə Ümumqoşun Ordunun bu günlərdə həyata keçirdiyi əks-həmlə əməliyyatları nəticəsində ötən əsrin 90-cı illərindən Ermənistanın işğalı altına düşən 11 min hektar ərazi və mühüm strateji yüksəkliklər ordumuzun nəzarətinə keçib.

“Ölkə.Az” “Nuhçıxan” informasiya agentliyinə istinadən xəbər verir ki, işğaldan azad edilən mühüm obyektlərdən biri Sovetlər Birliyi dönəmində Sədərək rayonunun  Heydərabad qəsəbəsində fəaliyyət göstərən şərab zavodudur. Ordumuzun şəxsi heyəti həmin ərazini düşmən qüvvələrindən təmizləyərək strateji mövqelərdə postlar qurublar. Artıq əraziyə əsgərlərimiz nəzarət edirlər.

Şərab zavodu və onun ətrafına ermənilər yüzlərlə mina basdırıblar. Hazırda ərazidə minatəmizləmə işləri həyata keçirilir və tam yararsız vəziyyətə salınan şərab zavodu tullantılardan təmizlənir.

Qeyd edək ki, bu zavod ötən əsrin 70-ci illərində ulu öndər Heydər Əliyevin təşəbbüsü ilə inşa edilib və Şərur-Sədərək bölgəsinin iqtisadi həyatında mühüm yer tutub.

Ölkə.Az

ŞƏRH YAZ
0

Daha bir pambıq sahəsində zəhərlənmə — 24 nəfər xəstəxanalıq oldu + ADLAR + YENİLƏNİB

Daha bir pambıq sahəsində zəhərlənmə
23:12
Bu gün
1283
Ölkə
A
Yevlax rayonunda yerləşən pambıq sahələrindən birində zəhərlənənlərin sayı 24 nəfər çatıb.

"Ölkə.Az" "Report"a istinadən xəbər verir ki, onlardan 8 nəfəri valideynləri ilə birgə pambıq sahəsinə gedən uşaqlardır.

Hazırda zərərçəkmiş şəxslərin hamısının vəziyyəti sabitdir və onlar həkim nəzarəti altındadırlar.

Zəhərlənənlər:

Ağakişiyeva Fərqanə (1992)

Ağakişiyev Natiq (1976)

Vahidova Rövşənə (1984)

Muradova Lalə (1986)

İsmayılova Ayşən (1985)

Məmmədova Rahidə (1973)

Əsgərova Lalə (1988)

Əliyeva Solmaz (1982)

Əliyev Xəyal (1987)

Tapdıqova Aynur (1987)

Abbasova Süsənbər (1959)

Hüseynova Sevinc (1965)

Nuriyev Füzuli (1989)

Abbasova Rəksanə

Qasımov Zəlimxan (2000)

Həziyev Rəşad (2001)

Allahverdiyev Amil (2005)

Sarıyev Ayxan (2002)

Hüseynli Ayxan (2004)

Vəliyev Hüseyn (2002)

Qasımov Samir (2003)

Hüseynli Munis (2003)

Əlizadə Ülvi (2001)

Ağakişiyeva Aysel (2004)

***

Yevlax rayonundakı pambıq sahələrindən birində növbəti kütləvi zəhərlənmə hadisəsi baş verib.

"Ölkə.Az" Report-a istinadən xəbər verir ki, Hacımahmudlu kəndi ərazisində yerləşən pambıq sahəsində işləyən yerli və qonşu Murallı kəndinin sakinləri sahədə zəhərləniblər.

İlkin məlumatlara görə, 16 nəfər xəstəxanaya aparılıb. Onların kimyəvi maddədən zəhərləndiyi bildirilir.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA