Şeyxülislam Azərbaycan xalqını təbrik etdi

Şeyxülislam Azərbaycan xalqını təbrik etdi
16:20
13.06.2018
1978
Ölkə
A
Qafqaz Müsəlmanları İdarəsinin sədri, şeyxülislam Allahşükür Paşazadə Azərbaycan xalqını Ramazan bayramı münasibəti ilə təbrik edib.

İdarədən "Ölkə.Az"a verilən məlumata görə, təbrikdə deyilir:

"Bismillahir-rəhmanir-rəhim!

Əziz həmvətənlərimiz, müsəlman qardaş və bacılarım!

Dünya müsəlmanlarının əziz günü Mübarək Ramazan bayramı münasibətilə hamınızı səmimi qəlbdən təbrik edir, Allahdan oruc və namazlarınızın qəbul, dualarınızın müstəcəb olmasını diləyirəm.

Əzəmət və sevinci hədsiz olan bu ülvi bayram insanlara böyük səadət və fəxarət bəxş edir. Həmd-səna olsun Uca Allaha ki, Onun Rizasını qazanmaq üçün müsəlman qardaş və bacılarımız bu mübarək ay boyunca bütün ibadətlərini sonsuz ehtiram, fərəh və səylə tamamlayaraq, Ramazani-Şərifin bayram səadətinə qovuşmağa nail olmuşlar. Islam dininə ehtiramımı nümayiş etdirmiş, Allahın vacib hökmü olan oruc ibadətini səmimi hisslərlə başa vurmuş xalqımıza bu mübarək ayın fəzilət və bərəkətlərindən nəsib olsun, inşallah!

Savab, mərhəmət ayı olan Ramazan bəşər övladına dözüm, mərhəmət, xeyirxahlıq, yardımlaşmanı təlqin edir. Bu ülvi bayram günündə qohum-əqrəba, valideynlərə baş çəkilməsi, küsülülərin barışması, yetim, kimsəsiz və ehtiyacı olanlara şəfqət göstərilməsi, dünyasını dəyişmiş yaxınların qəbirlərinin, xüsusilə şəhid ailələrinin ziyarəti müstəhəb əməllərdəndir.

Allah Təbarəkə və Təalanın Lütfü və Mərhəməti sayəsində Ramazan bayramını qarşılayan xalqımızın ülvi arzuları Vətənimiz üçün səadət, əmin-amanlıq istəkləri ilə qovuşur. Bu əziz gündə biz Allaha dualar edirik ki, inşallah, işğal altında olan torpaqlarımızın azad edilməsini, dövlətçiliyimizin davamlı olaraq tərəqqisini, Azərbaycanın dünya birliyində mövqe və nüfuzunun daha da möhkəmlənməsini bizlərə nəsib etsin.

Bayram günündə qədirbilən xalqımız Azərbaycanın milli-mənəvi dəyərlərinin dirçəldilməsi və inkişafında əvəzsiz xidmətləri olmuş ali mənəviyyat sahibi, bu il 95-ci ildönümünü qeyd etdiyimiz ümummilli liderimiz, Müstəqilliyimizin qurucusu, Qurtuluşumuzun banisi, Ulu Öndər Heydər Əliyevin ruhuna rəhmət oxuyur və onun layiqli davamçısı, müstəqil Azərbaycanın siyasi, iqtisadi, mədəni-mənəvi qüdrətinin təmini üçün yorulmaz səylər göstərən, yüz illiyini qeyd etdiyimiz Cümhuriyyət tariximizə yeni, qürurverici səhifələr yazan Prezident İlham Əliyev həzrətlərinə Azərbaycanın tərəqqisi, Haqq işimizin qələbəsi naminə fəaliyyətində böyük nailiyyətlər diləyirlər.

Bir daha əziz bayram – Eydül-Fitr səadətinə yetişən bütün müsəlmanlarımızı səmimi qəlbdən təbrik edir, xeyir-dualarımı yetirirəm.

Qoy qəlbində Allah məhəbbəti yaşadan xalqımızın, inşallah, bütün xoş arzu və niyyətləri gerçəkləşsin! Allah cəmi şəhidlərimizə rəhmət eləsin! Allah orucumuzun əcri olaraq Öz Lütfü sayəsində bizlərə xeyir və bərəkətini artırsın, mənəvi birliyimizi gücləndirsin! AMIN!

Vəs-səlamu əleykum və rəhmətullahi və bərəkatuhu!"

ŞƏRH YAZ
0

Dövlət büdcəsinin 10 aylıq gəlir və xərcləri

Dövlət büdcəsinin 10 aylıq gəlir və xərcləri
18:35
Bu gün
153
Ölkə
A
Maliyyə Nazirliyinin təqdim etdiyi operativ məlumatlara əsasən yanvar-oktyabr aylarında dövlət büdcəsinin gəlirləri 18196,9 milyon manat, xərcləri 17769,9 milyon manat təşkil edib.

Dövlət Statistika Komitəsindən "Ölkə.Az"a bildiriblər ki, büdcənin icrasında 427,0 milyon manatlıq və ya ümumi daxili məhsulun 0,7 faizi qədər profisit yaranıb.

Ölkə.Az

ŞƏRH YAZ
0

EGE Hospital-da «Check-up ayı» başladı!

EGE Hospital-da «Check-up ayı» başladı!
18:00
Bu gün
484
Ölkə
A
Ümumdünya Səhiyyə Təşkilatının (ÜST) tövsiyəsinə görə 35-40 yaşdan sonra hər kəs ən az ildə bir dəfə tibbi müayinədən keçməlidir.

Ən yaxşı müalicə erkən diaqnostika və profilaktika olduğunu nəzərə alaraq EGE Hospital 10 dekabradək bir aylıq Check-up ayı elan edir! EGE Hospital sizlərə kardiloji, terapevtik, diabetik, ginekoloji, uroloji və müxtəlif Check-up paketlərini təqdim edir.

Check-up ayı ilə əlaqədar EGE Hospital elan edir:
Bütün əməliyyatlara 40% endirim, Həkim müayinəsi 35 AZN deyil 21 AZN
Angioqrafiya 396 AZN deyil 234 AZN 

Ətraflı məlumat üçün 1117 nömrəsinə zəng edin.
Ünvan: Akademik Həsən Əliyev küçəsi 38
Ege Hospital-Sağlamlığınız Sağlamlığımızdır!

ŞƏRH YAZ
0
BAĞLA