Silahlı insidentin baş verdiyi məktəbin şagirdləri etiraz aksiyasına hazırlaşırlar

Silahlı insidentin baş verdiyi məktəbin şagirdləri etiraz aksiyasına hazırlaşırlar
23:15
18.02.2018
1117
Dünya
A
Ötən həftə Florida ştatındakı məktəbdə baş verən və 17 məktəblinin ölümü ilə nəticələnən silahlı insidentdən sonra bir neçə şagird ABŞ-ın paytaxtı Vaşinqtona kütləvi yürüş etməyə çağırıblar.

"Ölkə.Az" "Azərtac"a istinadən xəbər verir ki, martın 24-də keçiriləcək “Həyatımız üçün yürüş” adlanan etiraz aksiyası vasitəsilə məktəblilər ABŞ hökumətini silah satışına nəzarətin artırmasına və silah dövriyyəsinin tənzimlənməsinə dair yeni qanunların qəbul olunmasına çağıracaqlar. Təşkilatçılar baş vermiş qətliamın silah satışı qaydalarında və ümumiyyətlə, Amerika cəmiyyətində silahlardan istifadə olunması sahəsində dönüş yaradacağına inanırlar. Onlar bildiriblər ki, indiyədək məktəblərdə baş verən və şagirdlərin ölümü ilə nəticələnən silahlı hücumlardan sonra qanunvericilərin hərəkətsizliyi və laqeyd yanaşması bu faciələrin davam etməsi ilə nəticələnir.

Vaşinqtonla yanaşı, ölkənin digər şəhərlərində də etiraz aksiyalarının keçirilməsi planlaşdırılır. Təşkilatçılardan olan Kameron Kaski deyib ki, bu aksiya nə iqtidarda olan Respublikaçılara, nə də Demokratlara qarşı yönəlmiş hərəkat deyil. Milli Silah Assosiasiyasından maddi yardım alan hər bir qanunverici və hökümət nümayəndəsi belə faciənin baş verməsində günahkardır. Təşkilatçılar deyib ki, öz maraqlarını güdən və silah satışlarını artırmağa çalışan Milli Silah Assosiasiyası Amerikada silahdan istifadənin genişlənməsini təbliğ edir.

Milli Silah Assosiasiyası və silah hüquqları müdafiəçiləri hər vətəndaşların silah sahibi olmasını konstitusional hüquq sayırlar. Qurum silah satışına nəzarət edən qanunların dəyişməməsi və hətta yumuşaldılması üçün hər il qanunvericilərin və müxtəlif namizədlərin seçki kampaniyalarına maddi yardım göstərir. Donald Trampın Milli Silah Assosiasiyasından indiyədək 30 milyon dollara yaxın maddi yardım aldığı bildirilir.

Xatırladaq ki, fevralın 14-də Florida ştatındakı Marcori Stounman Duqlas məktəbində 19 yaşlı Nikolas Kruz tərəfindən törədilmiş silahlı insident nəticəsində 17 nəfər həlak olub, 14 nəfər yaralanıb. N.Kruz bu qanlı qırğını “AR-15” avtomat tüfəngi ilə törədib.

Ölkə.Az

ŞƏRH YAZ
0

Telman İsmayılovun qardaşı oğlu həbs edildi — Avraam Russonu oğurlamaqda ittiham edilir

Telman İsmayılovun qardaşı oğlu həbs edildi
21:29
20.09.2018
1237
Dünya
A
Çerkizov bazarının sabiq rəhbəri Zaur Mərdanov həbs edilib.

“Ölkə.Az” Rusiya mətbuatına istinadən xəbər verir ki, Moskvanın Basmannı rayon məhkəməsinin qərarı ilə onun barəsində 2 ay müddətinə həbs qərarı seçilib.

Z. Mərdanov müğənni Avraam Russonu oğurlamaqda ittiham edilir. 

Məlumat üçün bildirək ki, o, azərbacanlı iş adamı Telman İsmayılovun qardaşı oğludur.

Qeyd edək ki, rusiyalı müğənni Avraam Russo bir müddət əvvəl hüquq-mühafizə orqanlarına müraciət etmişdi. Bildirmişdi ki, onu 2004-cü ildə biznesmen Telman İsmayılovun sifarişinə əsasən oğurlayıb və döyüblər. 

Ehtimal olunur ki, Telman İsmayılov sənətçini oğurlatdıraraq ondan bütün konsertlərini ləğv etməsini, gələcəkdə yalnız iş adamı və onun qonaqları üçün çıxış etməsini istəyib.

O, Russonun oğurlanması üçün Mərdanovu və ətrafında olan daha 5 nəfəri bu işə cəlb edib.

 

Ölkə.Az

ŞƏRH YAZ
0

“Nənə ilə zarafat təhlükəlidir” — Amerikalı qadın alliqatoru güllələdi

“Nənə ilə zarafat təhlükəlidir”
19:32
20.09.2018
1002
Dünya
A
ABŞ-ın Texas ştatının yaşlı sakini itmiş poni atına görə alliqatordan qisas almaq qərarına gəlib.

“Ölkə.Az” xəbər verir ki, yaşlı qadın 3 metrlik timsahı güllələyib.

Cud Kokxran bildirib ki, 3 il əvvəl rançosundan poni atı yoxa çıxıb. Heyvanın qalıqları tapılmayıb. Amma qadın gərara gəlib ki, onun sevimli ponisini aliqqator yeyib.

Cud üç il ərzində ranço ətrafında alliqatoru güsüb. Amma onların hamısı kiçik ölçüdə olub və ehtimal edilən “qatil” üzə çıxmırdı. Bu həftə isə qadın 3 metrdən də böyük bir alliqator görüb. O, tələ qurub və tələyə düşən heyvanı bir güllə ilə öldürüb. Kokxran jurnalistlərə bildirib ki, “nənə ilə zarafat etmək olmaz”.

Alliqatorun əti yeməyə, dərisi isə ayaqqabıya gedəcək. Onun başından isə suvenir hazırlanacaq. Kokxran may ayında Livinqston şəhərinin meri seçilib.

Hikmət Həsənov
Ölkə.Az

ŞƏRH YAZ
0
BAĞLA