Silvestr Stallone kinostudiyanı məhkəməyə verdi
Aktyor Silvestr Stallone "Warner Bros. Entertainment" kinostudiyasını məhkəməyə verib.
"Ölkə.Az" xəbər verir ki, aktyor şirkəti "Dağıdıcı" filminə görə kassa gəlirindən payını vermədiyinə görə ittiham edir. Film 1993-cü ildə lentə alınıb.
Los-Anceles məhkəməsində qaldırılan iddiaya əsasən, aktyor müqaviləyə görə "Dağıdıcı" filmi 125 milyon dollardan çox gəlir götürsə, studiya aktyora gəlirinin 15 %-ni ödəməli idi. Film isə dünya prokatında 159 milyon dollardan çox gəlir əldə edib.
Amma şirkət bəyan edib ki, 57 milyon dollar büdcəsi olan film gəlir əldə etməyib. Stallone vəziyyəti aydınlaşdırmağı tələb edəndə şirkət ona 2.8 milyon dollarlıq qəbz göndərib.
70 yaşlı aktyor faizdən əlavə təzminat da tələb edir.
Hikmət
Ölkə.Az