Silvio Berluskoni ilə nahar etməyin qiyməti nə qədərdir?
"Ölkə.Az" xəbər verir ki, Berluskoni onunla nahar etməyi hərraca çıxarıb. Sabiq baş nazir bildirib ki, cömərd və xeyirxah bir xeyriyyəçini tanımaqdan xoşbəxtlik hissi duyacaq. Hərracda əldə edilən gəlir zəlzələdən əziyyət çəkənlərə veriləcək.
İtaliyanın ən zəngin adamlarından sayılan Silvio Berluskoni ötən aylarda ölkədə baş verən zəlzələdə ziyan çəkən şəxslərə kömək etmək üçün bu addımı atdığını bildirib.
Berluskoni şəxsi "Facebook" hesabında bu sözləri yazıb: "Sevimli dostlarım, Abruzzo vilayətində zəlzələdən əziyyət çəkənlərə kömək məqsədi ilə xeyriyyə işi üçün bu hərraca qatılmağa qərar verdim. Hər kəsi çətin vəziyyətdə olan italyanlara gücü çatdığı qədər kömək etməyə səsləyirəm. Cömərd və həssas bir xeyriyyəçi ilə nahar etməkdən şad olaram".
Hikmət
Ölkə.Az