Şimali İraq Kürd Muxtariyyatının müstəqillik referendumundan sonra nələr baş verəcək? — Politoloq rəyi

Şimali İraq Kürd Muxtariyyatının müstəqillik referendumundan sonra nələr baş verəcək?
21:51
21.09.2017
1064
Analitika
A
Şimali İraq Kürd Muxtariyyatı 25 sentyabrda müstəqillik barədə referendum keçirtməyə hazırlaşır. Bu məsələ İraq hökuməti başda olmaqla, Türkiyə, İran, ABŞ və bir sıra dövlələri narahat edir. Dünya siyasətçiləri düşünürlər ki, referendum ərəfəsində və bundan sonrakı dövrlərdə İraq ərazisində böyük çaxnaşmalar olacaq.

Azərbaycanlı siyasətçilər də referendumdan sonra regionda böyük gərginlik yaşayacağını düşünürlər. Politoloq Fikrət Sadıqov “Ölkə.Az”a açıqlamasında bildirib ki, onsuzda proseslərin mürəkkəbliyilə seçilən regionda keçiriləcək referendum vəziyyəti daha da gərginləşdirəcək. Onun sözlərinə görə, buranın yeni münaqişə ocağına çevrilməsi istisna deyil.

“Referendumun qarşısını almaq çox çətindir. Bu Şimali İraq Kürd Muxtariyyatının daxilində keçirilir. Düşünürəm ki, referendum keçiriləndən sonra da, onlar tam sakit şəkildə yaşaya bilməyəcəklər. Regionda ciddi proseslər baş verəcək. Bununla bağlı rəsmi Ankara xəbərdarlıq da edib. Bildirilib ki, bu məsələyə biganə qalmayacaqlar və adekvat addımlar atacaq”, - deyə Fikrət Sadıqov bildirib. 

Siyasətçi deyir ki, İraq hökuməti artıq zəifləyib və artıq üstün dövlət sayılmır: “Bölgədə yaşayan kürdlər və onlara rəhbərlik edən siyasətçilər hesab edirlər ki, onlar artıq müstəqil dövlət ola bilərlər. Bu müsbət amil deyil. Çünki bu amil Yaxın Şərqdə stabilliyə böyük zərbədir. Burada Türkiyə, İran, İraq və regionda yaşayan dövlətlərin mənafeyinə uyğun deyil. ABŞ, Qərb və digər aparıcı dövlətlər buna şifahi şəkildə etirazlarını bildirirlər. Lakin ABŞ və bəzi aparıcı dövlətlər bu prosesi dəstəkləyir. Bu səbəbdən də, həmin qüvvələr referendumun baş tutmasına dəstək olurlar. Əgər belə olmasaydı, referendum baş tutmazdı. Şimali İraq Kürd Muxtariyyatında da belə qüvvələrin dəstəyinə arxayın olurlar”. 

Ziya Səccad
Ölkə.Az

ŞƏRH YAZ
0

Sabah dollar neçəyə olacaq?

Sabah dollar neçəyə  olacaq?
17:14
10.09.2018
329
Analitika
A
Sentyabrın 11-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 11.09.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il sentyabrın 10-da da USD/AZN rəsmi məzənnəsi 1,7000 manat təşkil edib.

ŞƏRH YAZ
0

Ötən gecə cəbhə

Ötən gecə cəbhə
09:38
07.09.2018
343
Analitika
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 91 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan kəndində, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Quşçu Ayrım, Cəfərli, Bala Cəfərli kəndlərində, Berd rayonunun Çinari kəndində yerləşən mövqelərdən Tovuz rayonunun Koxanəbi, Əsrik Cırdaxan kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Nəmirli, Qaraqaşlı, Seyidli, Sarıcalı, Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

ŞƏRH YAZ
0
BAĞLA