Şimali İraq Kürd Muxtariyyətini Türkiyə ilə dostluğa nə vadar edir? — ABŞ-ın gizlin planı

Şimali İraq Kürd Muxtariyyətini Türkiyə ilə dostluğa nə vadar edir?
00:54
28.09.2017
832
Analitika
A
Şimali İraq Kürd Muxtariyyətinin baş naziri Neçrivan Bərzani referendumdan sonra verdiyi açıqlamada bildirib ki, Türkiyə başda olmaqla, regionla dialoq qurmaq istəyirlər.

Bərzani deyib: "Keçirilən referendumun Türkiyənin milli təhlükəsizliyinə təhlükə olaraq qəbul edilməsini istəmirik. Türkiyə ilə münasibətlərimiz uzunmüddətlidir və davam edəcək. Qətiyyən sərhədləri dəyişdirməyəcəyik. Sərhəd olduğu kimi qalacaq. Türkiyə ilə dialoqu genişləndirmək istəyirik. Türkiyə bizim xaricə açılan qapımızdır. Bölgədə sabitlik faktoru olacağıq".

Bərzani Bağdad ilə məsələni dialoq yolu ilə həll etmək istədiklərini bildirib: "Müharibəyə səbəb olacaq bir müstəqillik istəmirik. Bağdad ilə dialoq vasitəsilə həll istəyirik".

Azərbaycanlı siyasətçilər isə bu açıqlamanı birmənalı qarşılamırlar. Politoloq Zərdüşt Əlizadə “Ölkə.Az”a açıqlamasında deyib ki, bu dialoq kürdlərin təhlükədən sığortalanması üçün “qalxan”ıdır. Onun sözlərinə görə, kürdlər bir müddət qorunmaq üçün danışıq və razılaşmalardan istifadə etmək istəyirlər.

“Şimali İraq Kürd Muxtariyyəti de-fakto olsa da, müstəqilliyini elan edib. Onlar başa düşürlər ki, çox zəifdirlər. Anlayırlar ki, İraq Türkiyə və İran birləşsə, onları məhv edərlər. Ona görə də, özlərini dost kimi təqdim edirlər. Əslində İraqın ərazisini almaqla, onlar Türkiyə üçün də təhlükə yaradırlar. Ermənistan da deyir ki, biz Azərbaycanla düşmən deyilik. Bu necə ola bilər axı, ərazisini işğal edən dövlətlə dost olasan?”, - deyə politoloq bildirib.

Z.Əlizadə deyir ki, bütün bu oyunların arxasında ABŞ dayanır: “Suriyada kürdləri Amerika silahlandırır, onlar Suriyanı parçalamağa çalışırlar. Digər tərəfdən Türkiyə kürdləri ayağa qalxır. İraqdakı kürdlərə nümunə kimi baxırlar. Müsəlman dövlətlərinin parçalanmasını İsrail istəyir. Onların da arxasında Amerika dayanır. ABŞ sözdə Kürdüstanı dövlət kimi tanımır. Lakin Şimali İraq Kürd Muxtariyyəti üçün bütün şəraiti Amerika yaratdı”. 

Ziya Səccad
Ölkə.Az

ŞƏRH YAZ
0

Sabah dollar neçəyə olacaq?

Sabah dollar neçəyə  olacaq?
17:14
10.09.2018
329
Analitika
A
Sentyabrın 11-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 11.09.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il sentyabrın 10-da da USD/AZN rəsmi məzənnəsi 1,7000 manat təşkil edib.

ŞƏRH YAZ
0

Ötən gecə cəbhə

Ötən gecə cəbhə
09:38
07.09.2018
342
Analitika
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 91 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan kəndində, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Quşçu Ayrım, Cəfərli, Bala Cəfərli kəndlərində, Berd rayonunun Çinari kəndində yerləşən mövqelərdən Tovuz rayonunun Koxanəbi, Əsrik Cırdaxan kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Nəmirli, Qaraqaşlı, Seyidli, Sarıcalı, Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

ŞƏRH YAZ
0
BAĞLA