Şimali Koreya sirli silahını uğurla sınaqdan keçirdi
ABŞ ilə Koreya yarımadasını nüvə silahından təmizləmə məsələsində razılığa gələn Şimali Koreya yeni “ultra-müasir” silahını sınaqdan keçirdiyini bildirib.
“Ölkə.Az” xəbər verir ki, sınaqın uğurla keçdiyi bildirilsə də, hansı silah olduğu açıqlanmayıb. Sirli silah son bir il ərzində istehsal edilib.
Əldə edilən məlumata əsasən, Kim Çen İn sınaqda iştirak edib. Bu, Şimali Koreyanın son bir ildə həyata keçirdiyi ilk silah sınağıdır.
Cənubi Koreya isə sınaqdan keçirilən silahın araşdırıldığını bildirib. ABŞ-ın xarici işlər nazirliyinin mətbuat katibi isə “Tramp-Kim Çen İn görüşündə verilən vədlərə əməl ediləcəyinə inandıqlarını” bildirib.
Hikmət Həsənov
Ölkə.Az
