Şimali Koreya Trampı hədələdi
Şimali Koreyanın xarici işlər naziri Li Yön Xo BMT Baş Assambleyasının iclasında iştirak etmək üçün Nyu-Yorkda səfərdədir.
"Ölkə.Az" xəbər verir ki, Li Yön ABŞ prezidenti Donald Trampın çıxışına cavab olaraq Sakit Okeanda hidrogen bombasının sınaqdan keçirilə biləcəyini bəyan edib.
Diplomat deyib: "Mən dəqiq bilmirəm, bu çıxışa görə hansı tədbirlər görüləcək. Bu bizim dövlət şurasının sədri Kim Çen İnin işidir. Bu səbəbdən dəqiq bilmirəm".
Kim Çen isə Trampın çıxışını "sərsəmləmə", ABŞ prezidentinin özünü isə "xuliqan, qanqster və odla oynayan" adlandırıb. Şimali Koreya lideri bildirib ki, Trampın çıxışna görə çox sərt tədbirlər görüləcək.
Qeyd edək ki, Tramp çıxışında bildirmişdi ki, əgər Şimali Koreya ABŞ-ın təhlükəsizliyini təhdid etsə, onu yer üzündən siləcək.
Hikmət Həsənov
Ölkə.Az
