Şimali Koreya və Cənubi Koreya münasibətlərində soyuqluq
Şimali Koreya Cənubi Koreya ilə avtomobil yollarının müştərək inspeksiyası layihəsini təxirə salıb.
“Ölkə.Az” xəbər verir ki, bu barədə rəsmi Pxenyan təktərəfli qərar qəbul edib. Qərarın qəbul edilmə səbəbi barədə məlumat verilmir.
Cənubi Koreya mətbuatının xəbərinə əsasən, Şimali Koreya hökuməti bir müddət əvvəl Seula məktub göndərib. İnspeksiya bu gün Şimali Koreya şossesində başlamalı idi. Bu şosse yolu Kessn sərhəd şəhərindən Pxenyana doğru uzanan avtomagistraldır. Planda isə hər iki Koreya respublikasının paytatxını bir yol vasitəsilə birləşdirmək var idi.
Tərəflər bu barədə aprel ayında, tarixi sammit vaxtı razılıq əldə ediblər.
Amma ekspertlər qeyd edirlər ki, BMT Təhlükəsizlik Şurasının iqtisadi sanksiyaları Şimali Koreyaya bu planı reallaşdırmağa mane olur.
Hikmət Həsənov
Ölkə.Az