"Şimali Koreyadan sonra növbə Çinə çata bilər" — Politoloq rəyi

17:35
13.04.2017
167
Siyasət
A
Tramp prezident seçildikdən sonra Şimali Koreyanı müharibə ilə hədələyib. Şimali Koreyanın yeni nüvə silahını sınaqdan keçirmə planı ABŞ-ı daha da qəzəbləndirib. Rusiya bu məsələyə səssiz qalsa da, Çin öz narahatçılığını dilə gətirir.

ABŞ-ın Şimali Koreya planı, Çin və Rusiyanın mövqeyi barədə politoloq Zərdüşt Əlizadə Ölkə.Az-a danışıb:

"Siyasətçi ilə qeyri-siyasətçi arasında fərq var. Siyasətçi hakimiyyətə çatmaq üçün, hakimiyyəti saxlamaq üçün istənilən cinayətə getməyə, qanunu pozmağa hazırdır. Suriyanın raketlə vurulması onu göstərdi ki, Donald Tramp həqiqətən də siyasətçidir. Tramp Suriyanı raketlə vurana qədər onun impiçment məsələsi çox ciddi müzakirə edilirdi. Ancaq Tramp Suriyanı raketlə vurduqdan sonra Trampın əsl ABŞ prezidenti olduğunu dedilər və onun impiçment məsələsi aktuallğını itirdi. Donald Tramp indi hakimiyyətini möhkəmləndirmək üçün Şimali Koreyanı vurmaq istəyir. Ən azı Tramp Şimali Koreyanı şantaj etmək istəyir.

Fikrimcə, Tramp Şimali Koreyanı vurmaqla səhv edər. Şimali Koreya teokratik bir ölkədir. Orada tam fərqli bir rejim hakimiyyətdədir. Dünyada onun tayı-bərabəri yoxdur. Hərbi gücü və ən əsası nüvə silahı var. Şimali Koreya nə ABŞ-la, nə də Yaponiya ilə iqtisadi cəhətdən müqayisə edilə bilməz, ancaq ona hücum edəcək dövlətə çox ağır zərbə vura bilər. Təsadüfi deyil ki, ABŞ-ın qərb sahillərinin yaxınlığında guya Şimali Koreyaya məxsus sualtı qayığın üzdüyü qeydə alınıb. ABŞ öz donanmasını Şimali Koreyanın yaxınlığına göndərib və rəsmi Pxenyanı vurmaqla hədələyir. Bundan əvvəl də ABŞ Şimali Koreyanı müharibə ilə hədələyib. Hər dəfə hansısa bir razılığa gəliblər. Şimali Koreya hansısa bir planından vaz keçirdi, Qərb isə rəsmi Pxenyana maliyyə, ərzaq yardımı edirdi.

Tramp ola bilsin qəti qərar verib ki, Şimali Koreyanı vuracaq. Tramp bu addımı atsa, 100 minlərlə insan həlak olacaq. Bu isə ABŞ-ın dünyadakı mövqeyinə böyük xələl gətirəcək. ABŞ-ın qazancı çox az olacaq, əvəzində isə itkisi çox olacaq".

ABŞ-ın Şimali Koreyaya hərbi müdaxilə edəcəyi təqdirdə Çin və Rusiyanın hansı addım atacağı məsələsinə gəldikdə isə politoloq qeyd etdi ki, Rusiya bu məsələyə qarışmayacaq:

"Rusiya çox soyuqqanlı tərzdə ABŞ-ın öz hörmətinin başına daş salmasına baxacaq. Çin isə buna səssiz qala bilməz, çünki proseslər bilavasitə onun sərhədlərində baş verir. Çin ABŞ-ın Koreya yarımadasında özbaşınalıq etməsinə imkan verməz. Necə ki, Rusiya postsovet məkanını özünün təsir dairəsi sayır, eləcə də Çin Koreya yarımadasını öz təsir dairəsi hesab edir. Şimali Koreyanın əzilməsinə Çin imkan verməz. Əgər Şimali Koreya əzilsə, növbə təbii ki, Çinə çata bilər. Çünki ABŞ əsas rəqib kimi Çini görür".

Səxavət Məmməd
Ölkə.Az

ŞƏRH YAZ
0

Kolinda Qrabar-Kitaroviçdən İlham Əliyevə təbrik

Kolinda Qrabar-Kitaroviçdən İlham Əliyevə təbrik
20:39
19.04.2018
1339
Siyasət
A
Xorvatiya Respublikasının Prezidenti Kolinda Qrabar-Kitaroviç Prezident İlham Əliyevi təbrik edib.

"Ölkə.Az" xəbər verir ki, təbrik məktubunda deyilir:

Hörmətli cənab Prezident.

Yenidən Azərbaycan Respublikasının Prezidenti seçilməyiniz münasibətilə Sizi Xorvatiya Respublikasının vətəndaşları adından və şəxsən öz adımdan ürəkdən təbrik edirəm.

Xorvatiya Respublikası ölkələrimiz arasında xalqlarımızın getdikcə daha çox müxtəlif sahələrdəki ortaq maraqlarına xidmət edən tərəfdaşlığı və dost münasibətlərini yüksək qiymətləndirir. İnanıram ki, prezidentliyinizin yeni dönəmində də ölkələrimiz üçün xüsusilə böyük əməkdaşlıq potensialına malik olan və hər iki dövlət üçün mühüm əhəmiyyət kəsb edən iqtisadi və enerji sahələrində sıx münasibətlərimiz davam edəcək. Əminəm ki, Xorvatiya və Azərbaycan şirkətləri arasında əməkdaşlığı genişləndirmək üçün hər iki tərəfdə sərmayə qoyuluşuna maraq oyatmaq xüsusilə çox əhəmiyyətlidir.

Xorvatiya Respublikasına planlaşdırdığınız səfəriniz zamanı Sizinlə görüşməyi səbirsizliklə gözləyirəm və inanıram ki, bu görüşümüz həm ölkələrimiz, həm də vətəndaşlarımız arasında mövcud olan dostluq və konstruktiv əməkdaşlıq münasibətlərinin bundan sonra da inkişaf etməsinə təkan verəcək.

Cənab Prezident, Sizə ən səmimi salamlarımı və ən yüksək ehramımı çatdırıram.

Ölkə.Az

 

ŞƏRH YAZ
0

Misirin dövlət başçısı və Mərakeşin Kralı İlham Əliyevi təbrik etdi

Misirin dövlət başçısı və Mərakeşin Kralı İlham Əliyevi təbrik etdi
20:26
19.04.2018
765
Siyasət
A
Misir Ərəb Respublikasının Prezidenti Əbdülfəttah əs-Sisi Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az"ın xəbərinə görə, təbrik mətnində deyilir:

"Zati-aliləri.

Prezident seçkilərində qələbəniz və dövlət başçısı səlahiyyətlərini yenidən icra etməyiniz münasibətilə Sizə ən səmimi təbriklərimi çatdırmaqdan böyük sevinc hissi duyur, dost xalqınızın ümid və istəklərini yerinə yetirmək istiqamətində şərəfli yolunuzun davamında uğurlar arzulayıram.

Sözsüz ki, seçkilərdə yüksək səs çoxluğu ilə qələbəniz xalqınızın Sizin müdrik rəhbərliyinizlə əldə etdiyi uğurları davam etdirmək əzminin əyani sübutudur.

Cənab Prezident, bu xoş fürsətdən istifadə edərək, dost ölkələrimiz və xalqlarımız üçün firavanlıq və rifaha yeni üfüqlər açan bütün sahələrdə qarşılıqlı əməkdaşlıq yollarının inkişafının əhəmiyyətini vurğulamaq istərdim.

Sizə möhkəm cansağlığı və xoşbəxtlik diləyir, Azərbaycan xalqına isə davamlı tərəqqi və rifah arzulayıram".

Bundan başqa, Mərakeşin Kralı Əlahəzrət VI Məhəmməd də Azərbaycan Respublikasının Prezidenti İlham Əliyevə təbrik məktubu ünvanlayıb. Məktubda deyilir:

"Hörmətli Prezident, Əziz Qardaşım.

Yenidən Azərbaycan Respublikasının Prezidenti seçilməyiniz münasibətilə Sizə ən səmimi təbriklərimi çatdırmaqdan böyük məmnunluq hissi duyuram. Ali dövləti vəzifənizdə uğurlarınızın davamlı olmasını, qardaş Azərbaycan xalqının maraqları naminə və ölkənizi bundan sonra da tərəqqiyə doğru aparmaq fəaliyyətinizdə Sizə yeni-yeni nailiyyətlər arzulayıram.

Azərbaycan xalqı Sizə yenidən etimad göstərərək Zati-alinizin müdrik dövlət xadimi kimi keyfiyyətlərini, eləcə də Azərbaycanın hərtərəfli və davamlı inkişafı istiqamətində apardığınız əzmkar və yorulmaz fəaliyyətinizi çox yüksək qiymətləndirdiyini nümayiş etdirdi.

Ölkələrimiz arasında səmərəli və dinamik inkişaf edən əməkdaşlıq münasibətlərinin indiki səviyyəsindən məmnunluq duyuram.

Zati-aliləri, ölkələrimiz arasında bütün sahələrdə əməkdaşlığı möhkəmləndirmək istiqamətində Sizinlə işləməyə davam etmək istərdim. Bu isə xalqlarımızın maraqlarına xidmət etməyin və onların arasındakı qardaşlıq əlaqələrinin təcəssümüdür".

Ölkə.Az

ŞƏRH YAZ
0
BAĞLA