Şimali Koreyanın ABŞ-ı vurma planı üzə çıxdı

"Ölkə.Az" xəbər verir ki, ötən həftə ABŞ prezidentini hədələyən Kim Çen İn Quam adasını vuracağını bəyan etmişdi. Bu gün isə nümayiş etdirilən fotolarda hücum planı üzərində iş getdiyi məlum olub.

Fotolara əsasən Kim Çen İn ölkənin yüksək rütbəli hərbçiləri ilə birlikdə hücum planını müzakirə edir. Quam adasına raket zərbəsi endirməyə hazırlaşan Kim Çen İn detalları xəritə üzərində müzakirə edir və incələyir. Kim Çen əlindəki çubuqla xəritədəki yerləri göstərir.

Xəritənin üstünə "Strateji qüvvələrin hücum planı" yazılıb. Eyni zamanda raketin istiqaməti də məlum olub. Xəritəyə əsasən raketlər Şimali Koreyanın şərqindən havaya qalxacaq. Yaponiyanın üstündən uçacaq olan ballistik raket Quamı vuracaq. Şimali Koreya mətbuatı isə Kim Çen İn və hərbçiləri gözəl plana görə təbrik edib.

Ehtimal edilir ki, Şimali Koreyanın sualtı qayıqlarının anqarı sayılan Sinop hücum nöqtəsi olacaq.

Hikmət Həsənov
Ölkə.Az