Şimali İraqın iqtisadi vəziyyəti getdikcə ağırlaşacaq — Ekspert RƏYİ

Şimali İraqın iqtisadi vəziyyəti getdikcə ağırlaşacaq
22:45
04.10.2017
855
Analitika
A
Türkiyə Şimali İraqa qarşı şərtləri daha da sərtləşdirəcək.

“Ölkə.Az” xəbər verir ki, bu barədə Türkiyə prezidenti Rəcəb Tayyıb Ərdoğan İranın paytaxtı Tehranda iranlı həmkarı Həsən Ruhani ilə görüş zamanı bildirib. Onun sözlərinə görə, Türkiyə kürdlərlə bütün ticarət əlaqələrini dayandıracaq.

“Şimali İraqa qarşı bundan sonra şərtləri daha da sərtləşdirəcəyik. Referendum addımı Şimali İraq yerli idarəetmə orqanını yalnızlığa məhkum edəcək. İran və Türkiyə bu məsələdə qərarlıdır. Bu referendumu qeyri-qanunidir. Mossadla masaya oturub verilən qərar qeyri-qanunidir”, - deyə Ərdoğan bildirib.

Əgər Türkiyə kürdlərlə ticarət əlaqələrini dondursa, bu zaman Şimali İraqdan neft ixracatına da son qoyulacaq. Bununla da, dünya bazarında neftin ixracı kəskin azalacaq və bahalaşma baş verəcək.

Azərbaycanlı mütəxəssislər düşünürlər ki, bu amil həm siyasi, həm də iqtisadi baxımdan regionda gərginlik yaradacaq. Politoloq Elxan Şahinoğlu “Ölkə.Az”a açıqlamasında bildirib ki, Şimali İraqda keçirilən kürd referendumu Türkiyə ilə münasibətləri avtomatik olaraq gərginləşdirib. Onun sözlərinə görə, bunun çıxış yolu kürdlərin referendum nəticələrindən imtina etməsidir.

“Muxtariyyətlərini davam etdirməklə, qonşularla normal münasibətdə inkişaf etmək kürdlər üçün ən yaxşı seçimdir. Bu olmayacaqsa, Şimali İraqın iqtisadi vəziyyəti getdikcə ağırlaşacaq”, - deyə E.Şahinoğlu bildirib.

Ekspert düşünür ki, kürdlər düzgün yol seçəcəklər: “Bərzani anlayacaq ki, itkiləri böyükdür. Müstəqil olmaq alınmayacaq. Qonşu İran və Türkiyə də sərhədləri bağlayıb. Bununla da, vəziyyət getdikcə ağırlaşır. Ona görə də, çıxış yolu tapmaq lazımdır. İndi top Şimali İraq liderinin “meydan”ındadır. Onun qərarından çox şey asılıdır. Əgər onlar verdikləri qərardan vaz keçsələr, münasibətlər yenidən normallaşma mərhələsinə qədəm qoya bilər”.

E.Şahinoğlu deyir ki, əgər kürdlər öz inadlarından dönməsələr, Türkiyə neft ixracını dayandıracaq: “Bununla da, dünya bazarında neftin qiymətində bahalaşma müşahidə ediləcək”.

İqtisadçılar da bu zaman neftin dəyərinin artacağını düşünürlər. İqtisadçı ekspert İlham Şaban “Ölkə.Az”a açıqlamasında bildirib ki, Türkiyə Şimali İraqla ticarət əlaqələrini dayandırsa, dünya iqtisadiyyatına, xüsusən də neft bazarına böyük təsir göstərəcək.


“Əgər Türkiyə Şimali İraqdan neft ixracını dayandırsa, bunun neft bazarına təsiri böyük olacaq. Təxminən 600 min barel neftin dünya bazarından çıxarılması baş verə bilər. Bununla da, neft bazarında bahalaşma sürətlənə bilər”, - deyə İ. Şaban bildirib.

Millət vəkili, iqtisadçı ekspert Vahid Əhmədov da “Ölkə.Az”a açıqlamasında bildirib ki, bu münasibətlər dünya iqtisadiyyatına müəyyən mənada təsir edəcək. Onun sözlərinə görə, bu təsir neft bazarında özünü büruzə verəcək.

“Kürdlərə həm Türkiyə, həm İran və həm də İraq tərəfindən müəyyən təzyiqlər var. İran artıq Şimali İraqa neft ixracı baxımdan embarqo qoyub. Hətta ola bilər ki, onlar arasında müharibə alovlansın. Bunların hamısının neftin qiymətinə təsiri var. Lakin bu təsir uzun müddətdə olmayacaq. Türkiyənin də bu baxımdan kürdlərə neftlə bağlı qadağa qoyması neftin qiymətinin həddindən artıq bahalaşmasına təsir etməyəcək”, - deyə V. Əhmədov bildirib.

Ziya Səccad
Ölkə.Az

ŞƏRH YAZ
0

Polisin bu səlahiyyəti “ASAN Xidmət”ə verilə bilər

Polisin bu səlahiyyəti “ASAN Xidmət”ə verilə bilər
12:45
02.07.2018
4730
Analitika
A
Azərbaycan Sığortaçılar Assosiasiyası (ASA) İctimai Birliyinin təşəbbüsü ilə qurumun, Vətəndaşlara Xidmət və Sosial İnnovasiyalar üzrə Dövlət Agentliyinin (“ASAN Xidmət”) və İcbari Sığorta Bürosunun (İSB) üçtərəfli görüşü keçirilib.

"Ölkə.Az"ın “Report”a istinadən məlumatına görə, görüşdə ASA-nın sədri Mustafa Abbasbəyli, “ASAN Xidmət” sədrinin müşaviri, Elektron Hökümət və Rəqəmsal İnnovasiyalar şöbəsinin müdiri Ceyhun Salmanov və İSB-nin icraçı direktoru Rəşad Əhmədov iştirak ediblər.

Tərəflər əsasən avtonəqliyyat hadisələri zamanı yol polisinin verdiyi 4 saylı arayışın “ASAN Xidmət”də verilməsini müzakirə edib. ASA-nın sədri bildirib ki, yol-nəqliyyat hadisəsi zamanı 4 saylı arayışın verilməsinin gecikdirilməsi, bilavasitə, sığorta ödənişlərinin gecikməsinə səbəb olur. Bu isə sığortalıların sığortaya və sığorta şirkətlərinə olan inam və etimadın zəifləməsinə gətirib çıxarır. Məsələnin sosial əhəmiyyətliliyini vurğulayan M.Abbasbəyli 4 saylı arayışın "ASAN Xidmət"də təqdim edilməsi sığorta hadisələri hesab olunan hallar üzrə operativ qaydada sığorta ödənişlərinin verilməsi ilə nəticələnəcəyini və bununla da, sığorta bazarından məmnun müştərilərin sayını artıracağını qeyd edib. Bu məsələdə İSB-nın mövcud elektron sistem infrastrukturunun faydalı olacağı diqqətə çatdırılıb.

Bununla yanaşı, səfər sığortasının "Asan Visa" vasitəsilə elektron qaydada təmin edilməsi təklif edilib. Ölkəyə səfər sığortası olmadan səyahət edən və ölkədən gedən şəxslərin bu yolla səfər sığortasını asanlıqla əldə edə biləcəyi qeyd edilib. Eyni qaydada, səfər sığortasının səyahətdə olan şəxslərin gözlənilməz hadisələr zamanı onları kompensasiya etməsi, hətta ölüm hallarında belə repatriasiya xərclərini qarşılaması baxımından sosial yönümlü bir məhsul olduğunu nəzərə alınaraq, bu addımın ictimaiyyət üçün təşviqedici xarakter daşıdığı bildirilib.

Görüşün yekununda təklif edilən məsələlər üzrə İşçi qrupunun yaradılması və bu sahədə işlərin görülməsi nəzərdən keçirilib. 

ŞƏRH YAZ
0

“Ya pul verin, ya da hərbi bazalarınızı yığışdırın” — Yerevan Rusiyaya eyham vurur

“Ya pul verin, ya da hərbi bazalarınızı yığışdırın”
22:04
19.06.2018
7862
Analitika
A
Politoloq Stepan Qriqoryana inansaq, Ermənistan Gümrüdə Rusiya hərbi bazasının yerləşdiyi torpaq sahəsinə görə icarə haqqını artırmağa hazırlaşır.

"Ölkə.Az" Virtualaz.org-a istinadən xəbər verir ki, Qriqoryan baş nazir Nikol Paşinyanın həyat yoldaşının baş redaktoru olduğu “Haykakan jamanak” qəzetində dərc etdirdiyi və Ermənistan-Rusiya münasibətlərinə həsr olunmuş məqaləsində hesab edir ki, Rusiya hərbi bazaları üçün təmənnasız və müddətsiz torpaq sahəsi ayrılması ədalətsiz və misli görünməmiş hadisədir. O qeyd edir ki, hətta Rusiyaya heç də az “sadiq” olmayan Belarus, Tacikistan və Qırğızıstan da öz ərazilərində Rusiya hərbi bazalarının yerləşdirilməsinin müqabilində xeyli məbləğdə pul alırlar.

Metsamor AES-in Rusiyanın ixtiyarına verilməsi, bir sıra iri sənaye obyektlərinin və az qala ölkənin bütün energetika sisteminin Rusiyaya “hədiyyə” edilməsi ona gətirib çıxarıb ki, Ermənistan regionda bütün əsas “kozır”larını həmişəlik itirib. Eyni zamanda, Ermənistanda mövqelərini xeyli möhkəmləndirdikdən sonra Rusiya atom yanacağının qiymətlərini kəskin qaldırıb və atom-elektrik stansiyasının bağlanmasından əldə edə biləcəyi bütün üstünlüklərdən istifadə etməyə çalışır.

“Rusiya AES-in bağlanmasına kompensasiya olaraq Aİ-nin Ermənistana təqdim etməyə hazır olduğu maliyyə dəstəyini əlinə keçirməyə hazırlaşır. Müxtəlif dəyərləndirmələrə görə, bu yardım 500 milyon dollar təşkil edə bilər. Bundan sonra, faktiki olaraq, Türkiyənin Metsamor AES-in bağlanması tələbini yerinə yetirdikdən sonra Moskva Ankaradan Rusiya-Türkiyə münasibətlərinin digər sahələrində bir sıra güzəştlərə nail olacaq”, - politoloq bildirir.

Müəllifin əlində olan məlumatlara əsasən, Rusiya erməni maraqlarını hesaba almayaraq, Qarabağ münaqişəsinin tənzimlənməsi məsələsində Azərbaycana kifayət qədər güzəştə getməyə hazırdır. Bir şərtlə ki, Azərbaycan da Moskvaya güzəştə getsin.

“Rusiyanın niyyətləri özünü keçmiş SSRİ ərazisində mövcud olan “tanınmamış dövlətlər”ə münasibətinin analizində də görünür. RF-nin konsulluq xidmətləri Dnestryanının, Abxaziyanın və Cənubi Osetiyanın sakinlərinə tamamilə sərbəst şəkildə Rusiya vətəndaşlıq pasportları paylayır. Bu ərazilərin liderləri Moskvada dövlət səviyyəsində qəbul edilirlər. Bunu Rusiya tərəfindən açıq dəstəkdən məhrum olunmuş Dağlıq Qarabağ Respublikasının rəhbərliyi barədə demək mümkün deyil. Eyni zamanda, Ermənistan hakimiyyəti Rusiyanı özünün yeganə strateji tərəfdaşı hesab etməkdə davam edir”, - C.Qriqoryan hiddətini bildirir.

Ölkə.Az

ŞƏRH YAZ
0
BAĞLA